لسه ما سافرت ياهجهوج ...بسافر بعد يومين ...وارجوا الكل يعذرني لاني ما بقدر ادخل النت ....ماراح اخذ معاي اللاب توب (يكفيني اغراض العيال)...وماراح اقدر ادخل من الفندق لاني مسافرة سياحه واستجمام

شكرا مديرنا المحترم ابو ايه ....الله يبارك فيك ....انت ما تدري وش فضل منتداك علينا
انا وش كانت حياتي قبل المنتدى وكيف صارت الحين ...والله شوي وباخذ دكتوراه في الجلديه تخصص صدفيه
الله يجعل هالمنتدى اجره في ميزان حسناتك

السلام عليكم ورحمة الله وبركاته
مبروك ياختي ان شاء الله تكونين دايماً بصحة وعافية والله يديم عليييج هالنعمة
وعقبال باقي الاخوان
انا عندي سؤال .. انا فيني صدفيه بس مب منتشره وايد الحمدلله
لونها احمر يعني مافيها قشور ويوم استخدم الملح .. تنتفخ ويظهر منها دم .. هل هالشي عاااادي ؟! علماً بأن هالطريقه فادتني مع الموجوده في يبهتي بس كانت قشريه والسموحه منج

اخوي نضح روحي مشكوور
انا مثل ماقلت جزء من صدفيتي قشري وجزء صديدي ...وبعدين كلها صارت حمراء فاتحه ومرات اشوف عليها قطرات دم
كنت املي البانيو بالماء دافي نوعا ما ...واحط فيه كيسين من ملح ساسا العلبه البيضا او كيس كبير من الملح الخشن ...تذوقه وبتشوف الملوحه واضحه من الطعم
اقعد في البانيو في البدايه ساعه او ساعه ونص ....الى ان قلت الفترة الى نصف ساعه
صدقني انا ما بين المفعول الا بعد كم شهر ...الصدفيه يبغى لها صبر ولين

شنو هاي الغيره هجهوج ازيرا تستاهل بيت وعيال واستمرت على العلاج
استمر انت على علاج واشفى وشوف الاهتمام والفرح
بس استمر ولاتهج ياهجهوج

عاد تدرون انا احنا يالحريم علاجنا اصعب منكم .....في بيت وطبخ وعيال وواجبات ....ولا نقدر نروح البحر متى ما نبغى ولا نقدر ندخل في البانيو والبيت بيكيفه ......والله ادخل للبانيو واطلع منه كل ربع ساعه اخذ جوله وارجع للبانيو ....الله يعينا ..انتوا الرجال اسهل عليكم

ما شاء الله تبارك الله الشافي المعافي

مبارك عليكي الشفاء من هذا المرض الصعب

ولكن الله جعل الشفاء لكل داء مهما اشتد وعلا

واحببت ان تكوني مشاركتي لك بمباركة الشفاء من المشاركات الاولى

الله يبارك فيك اخوي عمران ....وحياك الله بينا