موسوعة الأمثال السورية
السلام عليكم ورحمة الله وبركاته
حبيت اليوم أنه أنقللكم أمثال سورية كتير من الناس بيستخدموها بكلامهم ومتعودين عليها لتتعرفوا عليها ويمكن في بعد أمثال سورية ماني كاتبتها بس هي الأمثال اللي بعرفها إلى الآن وهي: مو كل من صف الصواني قال أنا حلواني ذل فلوسك ولا تذل نفوسك حارتنا ضيقة ونعرف بعضنا البيت بسكانوا مو بحيطانوا هون حفرنا وهون طمرنا مثل صبي الحمام إيد من وراء وإيد من قدام يا قاعدين يكفيكم شر الجايين طعميتنا من خيرك لا تحوجنا لأحد غيرك فعلاً اللي إستحوا ماتوا يطعمك الحجة والناس راحعة كسرت الدف وبطلت الغناء إللي ما لو حظ لا يتعب ولا يشقى طعمي التم تستحي العين ما صار لك بالقصر إلا من قبل العصر يا داخل بين البصلة وقشرتها ما ينوبك إلا ريحتها تخطف الكباية من رأس الماعون لك الأسى ما بينتسى ليه بصلتك محروقة شايف بتمك حكي لاقيني ولا تطعميني تنذكر وما تنعاد برأسي موال بدي أغنيه بكره يذوب الثلج ويبان المرج فخار يكسر بعضه وصلى الله وبارك كلها عضة كوساية واقف مثل غيمة شباط ما عنده دقن ممشطة إللي ضرب ضرب وإللي هرب هرب صاحي قبل الشحاذة وبنتها ما عندو كبير إلا الجمل إفرقنا بريحة طيبة إيدي بزنارك هات إيدك والحقني من تمك أحلى يالكحلة العز للرز والبرغل شنق حاله نطلع من هالمولد بلا حمص إذا عجبتكم اضغطوا like أأقصد شاركوني بصفحتي واعطوني رأيكم.. |
رد: موسوعة الأمثال السورية
وعليكم السلام ورحمة الله وبركاته اهلين وسهلين بالامورة الطيبة the kind :) ماشاء الله عليك جمعتيلنا امثال حلوة الله محيي اهل سوريا الحرة |
رد: موسوعة الأمثال السورية
هلااااااااا بورد جوري اللطيفة والصديقة العزيزة والأخية الطيبة.. كيف الحال انشاالله بخير مشكورة لمرورك الطيب |
رد: موسوعة الأمثال السورية
إيدي بزنارك
هذا اللي ما فهمتو شكرا ياالطيفه يبارك بعمرك |
رد: موسوعة الأمثال السورية
والله أنا كمان مابعرف شو معناه لأنو كله منقول عن أجدادنا اللي اخترعوا كل هالأمثال فإذا بدك روح اسألهم !!! مشكوووور أخي بارك الله بك.. |
رد: موسوعة الأمثال السورية
لأنو كله منقول عن أجدادنا اللي اخترعوا كل هالأمثال فإذا بدك روح اسألهم !!!
دليني عليهم اين اجدهم؟؟؟؟؟؟؟؟؟؟:king: |
رد: موسوعة الأمثال السورية
تجدهم في التاريخ اخي بشير الزنار هو الحزام حياكم الله ... نود التذكير بوجوب الالتزام بقوانين القسم الكلام للجميع اخوتي واخواتي ليس لشخص محدد رعاكم الله :) |
رد: موسوعة الأمثال السورية
مشكورة للتوضيح يا ورد جوري .. مشكورين لمروركم الجميل... |
رد: موسوعة الأمثال السورية
السلام عليكم و رحمة الله
مشاركة جميلة أختنا الكريمة و الكلام السوري محبب و لكن ملاحظة على مثلين الأول يطعمك الحجة والناس راحعة و الثاني إللي ما لو حظ لا يتعب ولا يشقى الأول فيه مخالفة لأن الحج أشهر معلومات ( فلا يجب أن نستعمل هذه الجملة ) و ممكن نستبدلها ( يطعمك الحج و الناس رايحة ) يعني حتى ما نكون عم ننقل كلام فيه مخالفة الثاني بخصوص اللي ما له حظ ... كل ما يصيبنا مقدر من الله عز و جل ، و لا دخل للحظ يا عزيزتي أعرف أنكِ نقلت الأمثلة و المشاركة ، و لكن وجب التوضيح للمتابعين إن شاءالله يعطيك العافية على المشاركات الرقيقة كأسمك في حفظ الرحمن |
رد: موسوعة الأمثال السورية
مشكورة لتنبيهك لي فعلاً أنا ماكنت منتبهة ليهم مشكورة حبيبتي نورتينا.. |
| الساعة الآن : 05:46 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour