عندي مشكله
ليش للوقت هذا صاحي الساعه 2 صباحا والشباب كلها سهرانه ،الختياريه متل بشير ناموا من زمان معكم 10 دقائق بدي اشوف اسمائكم اختفت
هيني بعد للعشره ،عندكم دوام والسهرانين اكتر من50 تصبحوا على خير بلشنا وااااااحد |
رد: عندي مشكله
[quote=ام سامي جديد;1259227]ليش للوقت هذا صاحي الساعه 2 صباحا والشباب كلها سهرانه ،الختياريه متل بشير ناموا من زمان معكم 10 دقائق بدي اشوف اسمائكم اختفت هيني بعد للعشره ،عندكم دوام والسهرانين اكتر من50 تصبحوا على خير بلشنا وااااااحد[/quote] أضحك الله سنك أختي الطيبة أم سامي اضحكتني كلمة ختيارية وتهديدات للنوم طيب يلا انا اول الناس لازم اتعاقب ازا انت عندك التوقيت 2 ليلا انا عندي اربع فجر وعشر دقائق وبعدني صاحية ماخليت حد من اخواني واخواتي ماسلم مني صحيتهم كلهم وهمه نايمين صحيو يحكو شوفي شو صاير حكتلهم ولا شي وسكرت :d شفتي شو سويت فيهم مساكين كل واحد فيهم ببلد اللي بالنرويج واللي بسعودية واللي بمدريد كلهم جننتم بمشاغباتي وهلا بنتظر الفجر اصلي وانام ولكن رح اترك الملتقى فاتح بحرس فيه مرة متل هيك ضليت صاحية رحت نمت بالمدرسة يلا مش مشكلة هلا عندي فكرة جديدة طرحها عمي جلال لأخذ الغفوة بالعمل روحي شوفيها بالقسم الترفيهي فكرة حلوة وبنسلم من كاميرات المراقبة كمان عجبتني كتير |
رد: عندي مشكله
والله انا اكتر وحدة هون آكلتها
دوامي الساعة 8 ونص والآن اربعة الا تلت وشغلي متعب كتير بس مافيني اعمل متل ملاك ونام بالمدرسة خايفة بدل ما اخلع سن اخلع السن اللي بجنبه الله المستعان شكلي بكرة راح اخد اجازة انا بقترح يا ام سامي بس تصير الساعة 12 بالليل تطفي الضو بالملتقى عشان نضطر نروح ننام كلنا عني انا يمكن هاي اخر ليلة اسهر فيها هون والله أعلم يعني رح كون شطورة واسمع الكلام لكن بقية الاعضاء هاي مهمتك السلام عليكم |
رد: عندي مشكله
الآن الساعة 6: 10 وبعدني صاحية حتى الآن شفتو الأرق اللي انا فيه ماعم اعرف نام من شخير الأعضاء لازم بكرة جبلهم لزقات تمنع الشخير :) هلا صار لازمني اكيد فركة دان من خالتو ام سامي عشان انام بدون هز ياويلي خليني اهرب من الملتقى مع السلامة رح نزل الأباجورات لننام الحق عليكي ياخالتو ام سامي لازم تطفي ضواو الملتقى |
رد: عندي مشكله
اقتباس:
|
رد: عندي مشكله
اقتباس:
واااااااااااااحد ............. ونامت خالتو ام سامي قبل لتعد للعشرة :) |
رد: عندي مشكله
اقتباس:
لعد راح افتح ديوان لاستقبال الضيوف التزماتي تحتمني النوم مبكر اهلا بعودتك مكانك خالي بالمنتدى هلا بيك |
رد: عندي مشكله
اخواني لازم تسمعوني
لمسه ملاك ممنوع السهر لكي لعده اسباب ،ومنها انك متعبه جسديا،وتاني يوم بدك تشرحي وتعطي بكل عطاءك لانك من النوع الي بتقن عمله وبتفانى ليكون احسن الناس ويرضي ربه ويرضي نفسه،وكمان أهم شيء لانك مزعجه ، اخوانك بدهم يناموا وانت بتسهري تزعجي فيهم لمتى الدلع يا ملاك . الدكتوره راغبه في رضا الله :ممنوع منع باتا السهر انت مسؤولياتك كتيره وكل وقتك من حق مرضاكي لازم تبقى اعصابك مرتاحه،اخطاء الاطباء لا تغتفر ووظيفتك قبل ما تكون ملكك هي ملك بناتك ،وانت لازم تكوني اقوى وحده فينا ،فكيف ما بدك تقدري على نفسك وتغلقي الملتقى وترتاحي وتنامي ودفي عصفوراتك،ننتظرك كل نهايه اسبوع فقط. اخوي الختيار عفوا قصدي الشاب بشير:انت صح وانت انشط منهم كلهم شوف كيف بتنام بدري وبتصحى بدري وبتزور الملتقى وانت مصحصح وهذا ببين في مواضيعك الي بتختارها وفي ردودك بدي افسدلك عنهم الليله ما عرفت انام فتحت على الملتقى لقيت الكل سهران ،بصير هيك اخوي الختيار شفت وانا اجننك يا بشير. بقيه الردود للمساء سامحوني انا ما بعرف متلكم ارد على كل واحد لحاله واقتباس وغيره وفروا بالصفحات وكونوا عمليين لا تنسوا العمر له دور الواحد منا بعمر اخوي بشير المحمدي بتفرفت روحه |
رد: عندي مشكله
يا ليت الشباب يعود يوما..انا عن نفسي الحمد لله بنام بدري عشان اصحي متاخر^_^
|
رد: عندي مشكله
الله يرحم ايام جدول المناوبات اليلية ..... |
| الساعة الآن : 07:12 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour