ملتقى الشفاء الإسلامي - شراء تنوره وضياع الوالده

بسم الله الرحمن الرحيم
يوجد سوق بالقرب من بيتنا عباره عن مجمع مكشوف وبجانبه بسطات لبيع اغراض نسائيه والبيعات نساء ونذهب انا وامي لهذا السوق بالسياره ونرجع بالسياره اذا بغينا نشتري شئ
امي رات اني انا وهي رحناله بالسياره مع ابي وذهبنا لبسطات الحريم وقالت لي اشتري اللي تبين انا ما ابي شئ وشريت تنوره وبلوزه طقم وحطيتها بكيس بعدين سالتني شريتي شي قلت ايوه شريت تنوره وطلّعتها من الكيس وشافتها لمحه بس ورجعّتها داخل الكيس وكان لونها اسود فيها نقش فضي بعدين قال ابوي بنرجع البيت نمشي قالت امي غريبه عليك تخلينا نمشي وحنا راحين البيت نمشي امي شافت قطعت لحم كبيره مرميه علي الارض ولمستها بيدها وقالت باستغراب لحمه مرميه انا مزحت عليها وقلت خذيها قالت ما بقي الا هي من قلّت اللحم عندنا بعدين مشينا وتقدمنا بالمشي انا وابوي وهي ورانا ويوم قربنا من البيت ضيّعتنا وقالت في نفسها وهي خايفه ضيّعتهم وين بيتنا من بيجيبني الحين بعدين رحت انا وواحد من اخواني ماتذكره جبناها وقعدت اشتكي عليها من ابوي اقول لها هاوشني يقول انتي السبب رحنا نشتري لك تنوره وضيّعنا امك قالت هي لا مو انتي السبب انا ما ضعت الا يوم قربت من البيت قالت انا خايفه انه يهاوشني يقول ليش ضيعتينا ويوم وصلنا البيت شفناه عند الباب واقف يستنّانا وماقال شي قال وقفت استناكم
هذه الرؤيا كانت بالضحي انا غير مخطوبه خطبت قبل الرؤيا بثلاث اشهر وكلنا رفضنا لاسباب من جهته ارقي نفسي لي سبعه اشهر تعبانه
الوالده لديها 3 اولاد وبنت واحده اللي هي انا وتشكي من الام في الراس والبطن واذا اخذت علاج الحموظه تروح لاتعمل
لا ترقي نفسها
والدي عصبي بطبعه متقاعد من زمان
حالتنا الدينيه جيده لابد من القصور الكمال لله وحده
اذا الرؤي فيها زواج وشفاء لي وللوالده اخبروني