دا شعب فقرى لـ احمد فؤاد نجم
نظرا لأن النعمة فاقت حدها ولأننا مش قدها ولأن فعلا انجازاتك فوق طاقتنا نعدها ولأننا غرقنا في جمايل مستحيل حنردها نستحلفك ...... نسترحمك نستعطفك ......نستكرمك ترحمنا من طلعة جنابك حبتين عايزين نجرب خلقة تانية ولو يومين اسمع بقى إحنا زهقنا من النعيم ونفسنا في يومين شقا عايزين نجرب الاضطهاد ونعوم ونغرق في الفساد بيني وبينك حضرتك دا شعب فقرى مايستحقش جنتك أنا عارفه شعب ماينفعوش إلا شارون وبلير وبوش عايز يجرب الامتهان ويعيش عميل للأمريكان بيمد "غازه" لإسرائيل ويومين كمان ويمد نيل أهو يعنى نشرب ميه واحدة ندوب في بعض ماء وماء وماء ونفض سيرة الانتماء وبلاها نعرة وطنطنة تبقى البلاد "مستوطنة " (متسلطنة) بالسرطنة إيه اللي خدناه م الكرامة والإباء حبة خطب وكلام...كلام إحنا راهننا على النظام ورضينا بخيار السلام (بخيار) حنسد عين الشمس بيه علشان مايطلعش النهار ويطلع لمين؟ حبة معارضة مغرضين؟ وحسب بيان السلطة شلة مأجورين؟ ياعم فضك سيرة وارضى بقسمتك دا شعب مش فاهم أكيد يالا اطرده من رحمتك وإن كنت غاوي الحكم خليك مطرحك حاغطس واقب وأعود بشعب يريحك راضى وعمره مايجرحك أخرس ومايسمعش وأعميلك عينيه مش كل قرش يبص فيه مايقولش لأه، وفين، وليه يضرب ينفض في السليم وعلى الصراط المستقيم كل اللي يعرف ينطقه عاش الزعيم يحيا الزعيم |
الى كل الشعوب المقهوره المغلوبه على امرها
يمنع وضع الايميل الشخصي راجع قوانين المنتدى |
السلام عليكم ورحمة الله وبركاته اخي الكريم الله يعطيك العافيه على فعل الـخير تسلم على هذه المشاركة الطيبه... حماااك الله فحياك الله وبيــاك وجزاك الله خيرا وبارك الله فيك ودمت بعز الله والى الجنان ان شاء الله |
السلام عليكم ورحمة الله وبركاته لا اعرف اخي ماذا اقول في حضرة مثل هذا القلم هم يبكي وهم يضحك وشعب تعب كل يوم يصحى وينام يتنهد لا الصبح بيغير حاجة ولا الليل بينام او يهداء شرطان ومسك في اراضينا ومين اللي هيداوي الجرح فينا ما نملك الا الابتهال لله صرنا ضعاف اذلاء بعدما كنا مجداً نورنا الأسلام بارك الله فيك علي مشاركتك القيمة وتقبل كلماتي الهزيلة التي لا تزد علي انها اه من بين الاهات اليتيمة دمت في حفظ الله |
بارك الله فيك
ودمت فى حفظ الرحمن |
| الساعة الآن : 01:59 PM |
Powered by vBulletin® Version 3.8.5
Copyright ©2000 - 2025, Jelsoft Enterprises Ltd By AliMadkour