ملتقى الشفاء الإسلامي - يعني ايه كلمه بحب (رقيقة)

يعني إيه كلمة بحب

أنا شاب من الشباب أنا زايكو
أصحى بالنهار أروح كليتي
مقبول في اخر السنة ... أمنيتي
على إيه هذاكر و اعافر
ما نا عارف سكتي
ملحق و مادة..!!!؟
رضا.. دي أخرتي
لا انا عايز أبقى سعيد ...
و لا عايز أبقى معيد ..
في نهاية خدمتي..
و كفاية عليا رضا ماما.. و حسرتي
***
بصلي..
و عارف ربنا..
و القلب أبيض من هنا
و بيت ربنا....
بشوفوا كل يو..
أمال ايه..!!
و أزورو من السنة للسنة
مش قلتلك.. القلب أبيض من هنا
***
أصحابي ناس متربيين..
عارفين بأن الشيشة و الدخان متحرمين..
لكن تقول لمين..
إحنا بشر
و الدنيا مليانة عبر
مش كل إنسان لي زلة..!!؟؟
دي زلتي..
أنا عارف إنك خايف عليا في أخرتي!!
متخافش .. الجو فوق حلو و عليل..
لازم يعدل صحتي..
و الجنة مليانة شجر
أقدر أريح لما افيص..
و اشرب عصير ..
و اسحب حجر..
دي الشيشة في الجنة..
أحح..كحح...
ملهاش ضرر
***
و الحال دا هو دنيتي
مبسوط و راضي بقسمتي
و البص فوق..
بيتعب صحتي..
و كفاية عليا رضا ماما ..
و حسرتي....
***
و الحال دوامه شيء محال
لكن لفين و ازاي.. هو السؤال
حبيت................
بتضحك..؟!!؟؟!!!
مش قلتلك.. إحنا بشر..
و الدنيا مليانا عبر..
و قلبي اللي كان حتة حجر
أصبح بيضحك لما يسمع
سيرة حبيبتي..
و ينقهر..
لو نام في يوم و حاسس..
إن وصالنا في خطر
ما الحب يا سيدي أمر..!!!!!!
***
و بقت حياتي ..
و ساعاتي
و دنيتي
إزاي أشوفها
و اخطب ودها
إزاي أقرب منها..
و ابات أفكر باليالي ..
يا ريتو يرضى عليا
اللي بيحكم أمرها
و أقول بعلو الصوت....
بحبها ... بحبها ... بحبها
***
قررت اغير دنيتي..
و أقول لنفسي كل لحظة..
إزاي دي ترضى بيا أنا..
فاشل في الدراسة
صايع في الأجازة
و تاعب أسرتي
لازم أغير دنيتي
لازم أغير دنيتي
***
أصبحت أصحى بالنهار أروح كليتي..
ممتاز في اخر السنة أمنيتي
يوم النتيجة..شافوا دمعتي
جيد جدا..؟!!!!
و إيه حجتي
ما كفاية عليا اللي انقضى
يا حسرتي
***
و صلاتي طلعت مش صلاة
هي الصلاة من غير وضوء تبقى صلاة
و عرفت إن الصوم دا فرض
و حفظت الأخلاص..
اسف..!! قل هو الله أحد
و الفجر أصبح موعدي
أظبط عليه كل الساعات
و كالندرات
و منبهات
و انزل و أقابل ربنا
و بعلو صوتي أقول
الوصال ...الوصال... الوصال
***

يا رب يا خالق عبيدك..
و خلقت الحب فيهم..
إرحم قلب العاشقين
جمعنا..يا إله العالمين
لما عرفت بإن موتي..
هو السبيل للي هويت..
يا رب موتني في سبيلك
المهم عني تكون رضيت
وصلني ليها..و لو مقصر
في المهر يا رب اشتريت....
يا رب اشتريت.......
طبعا عارفين حبيبتي
ممين ما يحبهاش
مش فاهم؟؟؟؟؟؟؟!!!!!!!
ليه؟
أصل حبيبتي...جنتي................
أصل حبيبتي جنتي.

منقووووووووووووووووووووول
اخوكم الجواد الاصيل