ملتقى الشفاء الإسلامي - بوش يستاهل ضرب الجزمه

بوش يستاهل ضرب الجزمه
http://1.bp.blogspot.com/_8wF68vw_q4...400/soora2.jpg

كلمة اتقالت وسط الزحمة

كانت زي النور في الضلمة

كلمة بتبرق زي الرعد

فجأة يصحي الناس النايمة

صح النوم وكفاية كلام

خلي حركتك هي الكلمة

ضحي بنفسك يا للي مضحي

درس العيد مش أكل اللحمة

درس العيد رمي الجمرات

درس العيد بيعلي الهمة

ارمي الجمرة وراها الجمرة

أصل الشر معندوش رحمة

لسة بيقتل أهلي وناسي

لسة بيرفص بعد الأزمة

ارجم رمز الشر فبلدك

خوفك سجن ما عدلوش لزمة

اكسر سور السجن وقولها

كلمة اتقالت وسط الزحمة

كلمة حق ف وش الظالم

قالها الصحفي الحر بذمة

كلمة كتبها فكل صحيفة

مهما حصله عشان التهمة

تسلم إيدك يابن بلدنا

قولها كمان وبنفس النغمة

قول سمعنا قول واشجينا

علشان تشفي غليل الأمة

قولها كمان علشان نرتاح

كلمة كمان وتزول الغمة

كلمة سمعها العالم كله

بوش يستاهل ضرب الجزمة

بوش يستاهل ضرب الجزمه