ضحية الماسينجر
يا لي نشد تيني وري خاطري شين
وش لك بتقليب الهموم الدفينه
لو الجبال الصم تسمعني الحين
يمكن تصدع من بكاي و ونينه
أنا صحية عام تسعة و تسعين
أنا ضحية عولمة يا فطينه
بداية القصة قبل خمسة سنين
يومي دخلت النت و أحكم كمينه
قلت أتسلى كلها يوم يومين
أشبع فضول((يسبق الجيم سينه))
بديتها يعني ثقافة و تحصين
و أنهيتها وسط (( الماسينجر)) سجينه
هذا يكلمني عن الرمش و العين
وهذا يقول انه شراع السفينه
وهذا يقول الحب يا شاطرة زين
و هذا يجيبني وسط نغمة حزينه
عادي00و لكن شخص واحد من أليفن
كنت أعتبر نفسي لنفسه رهينه
يرفع شعارات القناعات للدين
يلبس رداء من الرضا و السكينه
له فلسفة محاكيه باللين
أقنع إذا قال الصحاري مدينه
كنت أسمعه صوت الأذان و حنينه
أشوفه ركوع الطهارى المصلين
أتذوقه ((رقيا))الشيوخ الثمينه
لكن ونفس الشخص هذا بعد حين
من التفاهة صرت لعبة يدينه
شاطر لعبها صح و استأهل البين
كنت الغبية التافهة المستهينه
هذا نتاج إلى لعب بالسكاكين
يسيل دمه من مضارب يمينه
شوفيني و عمري وصل للثلاثين
حية و أحس إني بقبري دفينه
هذا الماسينجر بعد منه ترجين
شيلشه قبل انه يطالب بدينه
أخاف من يوم يحي خاطرك شين
وأصير أحرك بك مشاعر حزينه