[راغبة في رضا الله]

السلام عليكم ورحمة الله وبركاته
1- عبر لنا عن شعورك عندما تلقيت الدعوة منه ؟؟
الحقيقة فرحت كتير لما شفت بالرسائل الخاصة دعوة من بنتي الغالية عبق وكمان دعوة عالطعاااااااااام ياسلاااااااااااام ,انا بحب الاكل كتير وبيشرفني ويسعدني لبي الدعوة
2_ هل أنت من الأشخاص الذين يفضلون كثرة العزائم
بالمطاعم ؟؟
نعم كتير انا بحب روح عالمطعم ومابيفرق اذا كنت عازمة او معزومة على شرط انه يكون المطعم مفتوح مو صالة مغلقة ويكون مطل على الماء يعني اما على البحر او اضعف الايمان يكون فيه مسبح او شلالات اصطناعية ونوافير

3_ هل تحب أن تشرب شيئاً قبل طلب الطعام ؟؟
لا صراحة ما بحب اشرب شي قبل الاكل ,بحب اشرب مع الاكل اما عيران او سفن اب وطبعا هادا الشي مانه صحي لانه شرب السوائل لازم يكون قبل الاكل بساعة وبعده بساعة
لحظة !!


عذرآ ساقطع حديثك فقد جاء النادل لأخذ الطلب


ماذا تحب عادة أن تتطلب عندما يترك لك الأختيار في طلب العشاء ؟؟

ما تذكريني بالنادل لسا مابيلحق الواحد يقعد الا بيجي النادل بيكبس على نفسه ,طيب ياابني استنى شوي لحتى نشوف قائمة الطعام ونفكر شو بدنا ناكل ,
شو بدي اختار ,صراحة انا بحب العزيمة تكون على حسابي لحتى آخد راحتي بالطلب ,بس بجميع الاحوال رح آخد راحتي لاني بعرف انه بنتي عبق كريمة وانا بستاهل
أهم شي عندي المقبلات اهم من الطبق الرئيسي وهيك فورا لما بروح عالمطعم بطلب صحن بطاطا مقلية مع صحن مايونيز وتبولة وكبة وبرك جبنة وبابا غنوج ويالنجي ماتخافي بنتي مارح آكل كل هدول لوحدي فيني طعميكي منهن
أما الطبق الرئيسي فهو اما سمك هامور او تشكن ناغيت
5_ عبر لي في 3 كلمات من تكون أنت ؟؟
أنا انسانة بحب الله ورسوله صلى الله عليه وسلم
بحب الناس كتير
بحب الفرح وبدور عليه ومابحب النكد وبهرب منه رغم انه الحزن دائما كان جزء لايتجزأ من حياتي



6_ هل مازلت إلى الآن تسعى في الوصول الي حلمك أم أنه قد تحقق ؟؟
أحلى حلم عندي بالحياة هو اني احفظ القرآن والحمدلله حققته بعد ماساعدتني حبيبتي الفراشة المتألقة
أما حلمي الحقيقي و حلم كل انسان وهو الجنة فيارب يتحقق الي وللجميع

7_ هل لك قوانين وأنت على سفرة الطعام كأن تبدأ بشيء معين وتنتهي بشي آخر معين ؟؟
أبدأ بسم الله مستعينا
راضيا به مكبرا معينا
والحمدلله الذي هدانا
الى سبيل الحق واجتبانا