دلوقتي انا مش بحب الاختلاط خااااالص
طب ومين قال ان عندنا في النشر اختلاط ؟
بفضل الله الفريق عندنا مقسم لكتيبتين او مجموعتين
شباب لواحدهم وبنات لواحدهم
وكل كتيبة ليها قائد ونائب للقائد .. كتيبة الشباب القائد والنائب بتاعها شباب وفي البنات برده
واللي بيتابع مع البنات روابط النشر او الاستفسارات بيبقى المشرفات او المراقبات
واللي بيتابع مع الشباب روابط النشر او الاستسفارات بيبقى المشرف او المراقبين
تمام كده ؟
ايووووة تمام جدا ..
وفيه المفاجأة التالتة يا فندم كمان بس دي مفاجأة داخل الفريق فقط .. وكفاية كده احنا طولنا عليكوا .. اللي عايز يشترك معانا في فريق النشر يقدر يعمل موضوع في قسم الاقتراحات والشكاوى والمشرفين/ات والمراقبين/ات هيتواصلوا معاه/ا إن شاء الله
طب استنى استنى انت قولت حاجة عن فريق التحضير
ايووووووة فعلا كويس انك فكرتني
احنا عندنا فريق النشر الدعوى وتحضير الحملات بينقسم لجزئين النشر وده اتكلمنا عنه فوق والتحضير بقى
التحضير ده مختص بتحضير الحملات ..
زي ايه كده ؟
زي حملة عينك أمانة مثلا
و أحدث الأغاني عندنا بشكل تاني
وحضرتك هتلاقي الحملات اللي قام بيها فريق النشر كلها هنا بفضل الله
احنا بقى في كتيبة التحضير دي مختصيين بالكتابة والتأليف والتجميع والتنسيق وكلللل حاجة في الحملة لحد ما تطلع للنور بأمر الله .. ما عدا طبعا التصميمات والمقاطع بتقوم بيها الفرق المختصة ولو عايزة تاخد فكرة عن باقي فرق العمل ممكن تدخل هنا
فلو حد من حضراتكم شايف في نفسه انه يملك قلم مميز او أفكار جديدة أو بيألف حلو يقدر يشارك معانا في كتيبة تحضير الحملات
بس للامانة كتيبة التحضير مش مقسمة لشباب وبنات لقلة العدد فيها يعني إن شاء الله لو اصبحت كبيرة ممكن تنقسم .. وكده كده الكلام طبعا بحدود
منتظرينكم يا اسوووووود الدعوة
يا أحفاد عمر (رضي الله عنه ) ويا حفيدات عائشة (رضي الله عنها )
وانتظروا عروضنا القادمة إن شاء الله
وافتكرووووووا
الاجازة تحلى ..
ومع فريق النشر أحلى وأحلى .