[فتى الخرج]

المشاركة الأصلية كتبت بواسطة ايهاب العراقي

هلا خوي فتى الخرج..اتمنى من حضرتك تكتبلنا اللي صار معاك بالضبط وبالتفصيل والوصف الدقيق.
وهل استخدمت المرهم واذا استخدمت مرهم..شنو كانت مكوناته؟؟
وعلى مااذكر انك كنت تستخدم قطران ادمة هل تقصد بعدين وقفته وبديت بالقطران البريطاني اللي عطاك اياه الأخ احمد؟؟
شنو اللي صار معاك بهل 5 ايام (الوصف)واللي خلاك تحكم على العلاج انه مانفعك وايضا اكتبلنا طريقة الاستخدام(يعني كم مرة تستخدم القطران في اليوم وكم مرة تدهن بالمرهم والتسلسل شلونه)وكم يوم لبست القفاز؟
اتمنى توضحلنا الصورة الله يبارك بيك

يا هلا ومرحبا فيك اخوي ايهاب
الي صار معي يا اخوي ايهاب اني طلبت العلاج من ادمه بنفس المواصفات الي ذكرتها خالتنا الغالية ريم
طبعاً القطران الفحم الحجري والمرهم بنفس التركيبه
استخدمتها اول يوم بالليل وضعت القطران على اليدين وتركتها حتى تنشف ولبست القفاز البلاستك وليس المطاط الي يستخدمه اصحاب المطاعم لحد الصباح وبعدها اغسل اليدين بصابون واستحماء وبعد الاستحمام ادهن بالمرهم واروح العمل
ولكن ما لحظته من اول يوم ان فيه جفاف شديد وشد بالجلد
قلت اكيد هذي بوادر الشفاء ان شاء الله هذي بدايه الشفاء وتفائلت خير بهذا العلاج واستمريت على هذي الحاله ممكن اكثر من سته ايام ولكن الجفاف زاد وحده الصدفيه زايده حتى اخوي احمد شاف المناطق المصابه وطلع على قطران ادمه واتضح لي ان القطران يختلف كثيراً على القطران البريطاني والله يجزاه خير اخوي احمد قال فرغ العلبه الي معاك وراح اعطيك من القطران البريطاني لحد ما تدبر عمرك ويوصل لك القطران سواء البريطاني او الامريكي تشكرت اخوي احمد على كرمه ووقفته معي وفرغت العلبه الي معاي من قطران ادمه واعطاني القطران البريطاني وبعدها في نفس الليله غسلت ايديني زين ونظفتها من الكريم ومن القطران السابق ووضعت القطران البريطاني وبعد ما جف لبست القفاز البلاستك لكي لا تزول الماده من المواضع المصابه بالصدفيه وحصل نفس الشي الي صار معي في قطران ادمه شد في الجلد وجفاف شديد لا يهنيني في منامي من شده الجفاف وبعد ما اصحى اغسل يديني واضع المرهم حق ادمه
ونفس الاعراض جفاف وشد بالجلد وتغير لون الجلد الى البني الغامق مع لمعه في الجلد يدل على ان الجلد لم يستجب للعلاج لدرجه اني لمى اغسل يدي واجلس فتره بسيطه وافتح كفي يتكسر طبقه الجلد المصاب نفس الارض المتصدعه
وبعدها التهبت صدفيتي وزادت عن السابق بكثيرررر
واوقفت العلاج وستخدمت الماء والملح لتعقيم وبعدها اضع علاج فيه كرتيزون لكي تخف حده الصدفيه والى هذه الحظه وانا اعاني من الجفاف الشديد الذي لم يسبق وان حصل لي زمثل هذا الشي وكانت الاصابه في باطن اليد فقط اما الان فهي صعدت على الاصابع وزادت التورم ولا اعلم ماذا افعل
وهذا ما حصل معي بالتفصيل يا اخي ايهاب
والحمد لله على كل حال