اقتباس:
المشاركة الأصلية كتبت بواسطة ام سامي
والله صح يا خالتو كل لمتنا فيها بركه وخير وهي المعتصمه نورتنا
يسلمو ايديك يا ملاك ان شاء الله ربنا ببعد عنك الشر بعد ه العشاء الزاكي مقلوبه من الآخر لازم كل ما تطبخي لهدي الصحابه يدفع لك مهر جديد او ع الاقل يكتب بدفتر مذكراتك
بكره بنسى
هدي الصحابه
منيح اللي الصور باللمه وعلى النت علشان ما تنكر وتحكي عمرها ما طبخت طبخه زاكيه بعرف
جنس ادم اكال نكار
الكيك ملاك ما عرفت شنو مكوناته ارجو تبيان المقادير
وشكرا ع الطبق الصيني ل بشير...لكن بشير كل اكله صحي بوكل فقط باللمه مش شايفتيه كيف سمن من المشاوي والمناسف |
والله ياخالتو كلامك صحيح
بالنسبة للمقادير
ولا يهمك انا رح اكتبهم الآن للجميع هي سهلة كتير كتير
بسم الله الرحمن الرحيم
مقادير كيك ملايكيكا
المقادير :
ثلاثة ارباع الكأس زيت
كأس وربع سكر
ملعقة فانيلا سائلة او بودرة كبيرة
بنخلط هذه المكونات مع بعض اولاً ومن ثم بنضيف فوقها أربعة بيضات وبنخلط الخليط كامل
الآن نحضر وعاء آخر ونضع فيه كأسين طحين وملعقة صغيرة ملح وملعقة كربونة صغيرة وملعقتين صغار مملتئآت بيكنج باودر + ربع كأس حليب ناشف
بنخلط المكونات الجافة سوا
وبنسير نضيف الخليط الجاف على الخليط السائل وبنضيف له نصف كاس عصير برتقال للنكهة
وبنضعها بصنية بالفرن ولاتنسو هذه الطريقة بفضل تضعوها بصنية تيفال مدورة او بقوالب الكب كيك ولازم يكون الصنية مو ممتلئة بالخليط لأنو الحجم بتضاعف كتير
يخبز على درجة حرارة متوسطة ولاتفتحو الفرن الا بعد البدء باشتمام رائحة الكيك بتفوح
يعني ممكن بعد مرور نصف ساعة لما يكون بصنية كبيرة
ولما يكون بقوالب الكب كيك الصغيرة رح ياخد وقت اقل بنراقب احمرار اطراف الكيكة وبعدها بنشعل شعله التحمير من فوق وألف صحة وعافية
الان انا وضعت لكم الخلطة الاصلية للكيكة
وفيكم تضيفو اي منكهات اللي بده كاكاو بضيفه جاف على الطحين وبخله معهم
انا اليوم وضعت صبغة حمراء ووضعت نكهة الفراولة
زي ماانتم شايفين هيك طلعت