[أبكتنى ذنوبى]

​


كلامنا النهاردة لكل واحد بيقول انتوا بتكبتوا مشاعرنا ليه ؟؟ انتوا مش عارفين الحب انتوا اصلكوا مدقتوش طعم الحب ....هنقول له انتوا اللى متعرفوش الحب الحقيقى انتوا معرفتوش سهر الليالى الحقيقى معرفتوش اهـات المحبين الحقيقية مع اروع واعظم حب فى الوجود وهو حب ربنا...

حب ربنا خلى ناس تعمل ايـه ؟؟

حب ربنا خلى الدموع تنـزل فياضانات من عيون وقلوب اللى حبوا ربنا




يروى ان يحيى بن عيسى : بكى ستون عاماْ من الشوق الى الله
هل مرة بكيتى من حب ربنا ولا بكائك كان بسبب ان اللى بتحبيه مش عاوز يكلمكِ او انه زعلان منك

انت مره بكيت وقلت يارب متعنى بالنظر الى وجهك الكريم ولا بردو بكائك كان عشان اللى بتحبها مش عايزه تكلمك او زعلانة منك

شوفوا (طلحة بن عبيد الله) قبل غزوة احد بيناجى ربنا بيقوله

(اللهم خذ من دمـــــى اليوم حتى تــــــــــرضى)

انت مره قلت يارب خد من عمرى من روحى من نفسى حتى ترضى.. ولا كل منـاك ان حد تانى يرضى عنك

انتى مرة قلتى يارب خد منى كل حاجه خد عمرى كله بس تـرضى عنى .. ولا مناكى ان حد تانى يرضى عنك


احد السلف وكان شاب ...كلما ذكر اسم الله تعالى امـامه بكـى
فقالت له امه او كلما ذكر اسم الله امامك بكيت فكيف اذا اقبل عليك ربك بوجهه يوم القيامه
فسقط مغشيا عليه فقالت امه اوما يستطيع احد ان يذكر ربك امامك ؟

ياااااااااالله
لما بيذكر اسم الله امامك او يقرا كلامه بتحس بإيه ؟
بتحسى بإيه ياغالية ؟
جاوب بنفسك

حب ربنا خلى ناس تحب اكتر حاجه مكروهه فى الدنيا (المــــــوت)
سيدنا معاذ لما كان فى سكرات موته شوف يااخى شوفى يااختى قال ايه
(اخنق خنقاْ والله انى احبك)
يااااااالله بيحب الموت ....ليه لانه هوه اللى هيوصله لربنا

فى ناس ضحت بارواحهم عشان ربنا
انت عملت ايه لربنا ؟
عملتـى ايه لربنا؟
انت علشان اللى بتحبها اتحديت كل الناس ..عشانها سافرت بره سنين تشتغل, عشانها غيرت حياتك وطباعك
عشان ربنا عملت ايه ؟؟ بتدَّعى حبه ...فين الدليل
انتى عشان اللى بتحبيه وقفتى فى وش اهلك والدنيا كلها
عشانه ضحيتى بكرامتك, عشان ربنا عملتى ايه ؟!!!




ناس سهرت الليالى تناجى ربنا فى جوف الليل وتذكره وتبكى خشيه وشوق إليه


انت سهرت الليالى تتكلم مع حبيبتك !!
سهرتى الليالى تبكى علشان حبيبك مش بيكلمكِ
سهرتى الليالى تفكري فيه

ابن تيميه لما سجن فى قلعة قال لو اعطيتكم ملإ القلعة ذهب ما كافئتكم
على مافعلتموه
عايز يخلو مع حبيبه يناجى ربه وحده

اختى الغاليه اخى الفاضل : كفـــــــى بالله حبيبا

شوفوا لما عبد الله بن جحش أصيب بعد معركه احد
مفيش ولا حته سليم فى جسمه, ده كله عشان ربنا
انت بتضحى عشان بنت طيب وربنا عملتله ايه ؟!!

انتوا كده بتظلموا نفسكوا ياشباب لما كل واحد فيكم يجى يوم القيامة
الشاب يقولها أنتى اللى ضيعتينى انا كنت عايز التزم واكون انسان كويس انتى اللى ضيعتينى

وهى تقوله لا أنت اللى ضيعتنى انا كنت انسانه كويسة كنت ملتزمة كنت بعمل كل اللى يرضي الله أنت اللى ضيعتنى وضللتنى
يفضلوا يتبرءوا من بعض ويلوموا بعض

لا ياشباب مش عايزين نستنى لما يحصل لنا كده عايزين نفوق من دلوقتى
عايزين نشعر بالحب الحقيقى نحب ربنا بجد ميبقاش كلام وبس

احد السلف بيقول
يارب إن تعذبني فاني لك محب وإن ترحمني فاني لك محب

شوفــوا أقوى رحلة قلب مشتاق لربنا
سيدنا مـــوســـى
لما قال لربنا (وَعَجِلْتُ إِلَيْكَ رَ‌بِّ لِتَرْ‌ضَىظ° ) طه:84

وكان كل مره بيكلم ربنا فيها يزداد شوقه الى الله
لحد ماخلاص... نفسه يشوف ربنا

" رَ‌بِّ أَرِ‌نِي أَنظُرْ‌ إِلَيْكَ" الأعراف :143

شوفوا شوقه لربنا

أنت عمرك دعيت بقلبك قلت اللهم أرزقنى لذة النظر إلى وجهك الكريم؟
عمركِ دعيتى بكده؟

تعالوا نشـــــــــوف أعظم وأقوى رحلـــــة قلب مشتاق لربنا
سيدنا محــــــمــــد ( صلى الله عليه وسلم )

النبى أكتر واحد أشتاق لربنا ليه؟ عشان هو أكتر واحد عرف ربنا صح وأكتر واحد حب ربنا عليه افضل الصلاه والسلام

الرسول لما كان بيصلى كان بيبكى تبدأ دموع الشوق تنـزل تبلل لحيته تبلل ثوبه وتنـزل على الارض, دمـوع شوق إلى الله

الرسول اخر كلامه قبل ماينام اللهم أسلمت نفسي إليك ، وفوضت أمري إليك ، ووجهت وجهي إليك ، وألجأت ظهري إليك ، رغبة ورهبة إليك ، لا ملجأ ولا منجى منك إلا إليك ، آمنت بكتابك الذي أنزلت ، وبنبيك الذي أرسلت . فإن مت مت على الفطرة ) . صحيح البخاري

عايش مع ربنا

عمرك حسيت الكلام ده عمرك قلته بقلبك ,عمرك حسيتيه بقلبك ولا اساسا مبنقولوش

شوف انت بقي اخر حاجة بتفكر فيها قبل ماتنام ايه؟

بتفكر فى حبيبتك ! بتقول ياهل ترى هي بتفكر فيا دلوقتى زى مابفكر فيها !!

شوفى بتفكرى فى مين قبل ماتنامى

فى حبيبك هل هيبعتلك رساله هل هيكلمك ....وتفضلى تفكرى لحد ماتنامى

ناسية كل شئ وناسي كل شئ
مش مكسوفة من نفسكِ ولا مكسوف من نفسك
لما ربنا يطلع على قلبك يلاقيه بالمنظر ده !!!







الرسول عليه افضل الصلاه والسلام عند موته قال

(انى ابرأ إلى الله ان يكون لى منكم خليل)
صحيح مسلم

ليه ؟؟ لان الخليل ده اللى حبه بيطغى على قلبك بياخذ أكبر مكان فى قلبك

شايفين ياشباب ويابنات احنا فين من الحب ده !!!!!!!!!!

دى والله نماذج بسيطه جدااااااااااااا
ياشباب عايزين نرجع لربنا
قيس نفسك على اللى حبوا ربنا بجد شوف عملوا أيه لربنا
دول عشان ربنا ضحوا بانفسهم سابوا أرضهم وأموالهم وأهلهم عشان ربنا يرضى عنهم

شوف أنت عملت أيه لربنا
شوفي هتعملى أيه لربنا
شوف هتقدر تسيب أيه عشان ربنا
شوفى هتقدرى تضحي بإيه عشان ربنا

عايزين نضحى ياشباب



الحب فى الله مش محتاج يوم...ونسميه بعيد الحب
لأ
أحنا ناس لا نقبل أى شئ
أحنا بنحتفل بالحب يا إخواني فى كل لحظه


مين اللى قالك إن إحنا عندنا فى الإسلام يوم إسمه عيد الحب؟!!!!
هو إحنا باقى أيام السنه إسمها أيام كره؟؟!!!!
لأ

ده رباط الحب فى الله رباط قوى ...أقوى من رابطة النسب

درس بعنـــــــــــــوان / الحب في الله وليسعيد الحب
للشيخ / أحمد صبري
الملخص الصوتي
للإستماع أوالمشاهدة أوالتحميل
إضغطــــــ هُنــــــا




قول هاسيبها علشان ربنا وشوف ربنا هيعملك ايه
قولى هاسيبه علشان ربنا وشوفى ربنا هيكرمكِ ازاى

بس خد خطوة للامام
خدى خطوه جريئه خليكى قوية
متخليش الشيطان يضحكِ عليكى
متخليش الشيطان يلعب بيك



عاوزين نبقا مثل يوسف
عندما تزيد علينا الفتن نقول
(قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ
وَإِلاَّ تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُنْ مِنْ الْجَاهِلِينَ ) يوسف 33.

حد منكم رفع يديه لربنا وقالها
في حد من الأخوات رفعت يدها إلى ربنا وقالتها
في واحد متعلق ببنـــــات أو واحده متعــــــلقه بـــــــــولد
رفعوا إيدهم وقالوا يا رب ألا تصرف عنا هذا الكيد وهذه الفتنه
نصبوا إليهـــــــــــــــا ونكــــــــــــن من الجاهليين...

حد قرر إنه يلتجأ إلى الله
ويبكي بين يدي ربنا ويقدم دموعه برهان صدق أمام الله

إنه فعـــــــــلاً

نفسه يسير في طريق ربنا سبحانه وتعالى
الفوائد من قصة سيدنا يوسف وإمراة العزيز كثيره كثيره جداااااااا

..
...
....

تعالوا معنا نتابع باقي الفـــــــــــــوائد والعــــــبر
مع هذا الدرس الرائع / الشباب والحب (يوسف و إمرأة العزيز)
للدكتور / حازم شومان
الملخص الصوتي
للإستماع أوالمشاهدة أوالتحميل
إضغط هنا


والله مش هتندمي وهتحس أن الموضوع صعب فى البدايه بس صدقنى بعدها هتندم على الايام دى
وبعدها على طول امسح اى حاجه تفكرك بيها وامسحى اى شئ يفكرك بيه

واتجه الى صديق ملتزم والزمه خليك معاه على طول متفارقوش
وانتى بردو يااختى شوفي اخت ملتزمة صاحبيها متسيبيهاش
وكل ماتفتكر افتكر ربنا وانه لازم يكون حب ربنا فوق كل شئ
ولازم تحبه اكتر ممن سواه وافتكر الناس اللى حبت ربنا صح وعرفته صح
وشوف النماذج دى وشوف انتا فيهم ايه
هتلاقى نفسك كل الهموم راحت وبدأت تفكر فى الهم الاكبر اللى هو ازاى ترضي ربنا ويرضى عنك ويحبك
ربنا ييسر لكم الامور ويوفقكم لما يحب ويرضى ومتنساش قبل كل حاجه ان تستعين بالله لانه هو وحده القادر على انقاذك وابدال كل مافى قلبك الى حبه وحده

اسأل الله العظيم ان يرزقنا حبه وحب كل من يحبه وحب كل عمل يقربنا الى حبه
اللهم امين