[صمود غزة]

المشاركة الأصلية كتبت بواسطة ايهاب العراقي

الله يسلمج اختي ازيرا...رحم الله والديج...والله يااختي اني ماغبت عن المنتدى الا بسبب صدفيتي الشديدة ...وصدقيني صارلي 36 يوم طايح بالفراش وما طالع برة البيت ..بعد ماتركت العلاج الكيماوي (السيكلوسبورين) بيومين انتشرت عندي الصدفية بشكل سريع جدا ومخيف وفي غضون ايام غطت كل الجسم بالكامل 100% وهاي الشغلة مو اول مرة اتصير وياي صايرة معاي كثير..والله اللي اعيشة ماينوصف من عذاب وأللام واموت باليوم الف مرة حتى صرت ادعي بهذا الدعاء (اللهم امتني ان كان الموت خير لي)..ألم وعذاب لايحتمل فوق طاقة وتحمل البشر..بأختصار اني صدفيتي خارجة عن السيطرة يعني ماتوقف لين تغطي الجسم كله.
وأني هسه احسن الحمد لله بعد مارديت ااخذ النيوتيجاسون 75 ملغم باليوم (اقصى جرعة)
باليرحم والديكم لاتقولولي استعمل الخلطة الدهيمية مدري شنو مدري الخلطة البطيخية والعلانية أني صدفيتي غير وعلاجها صعب..وللأسف بعض الأعضاء يدرون بحالتي لأن اني كتبت ورديت على الأخت رسس في موضوعها ووصفت حالتي بعد ماتركت العلاجد الكيماوي وقتها بس محد كلف خاطره وسأل عني مع انهم يدرون بحالتي والموضوع موجود بمكانه.
وان شاء الله بعد فترة راح ابدي بعلاج ال kalawalla مع علاجات طبيعية اخرى ولو اني متشائم من هسه ومن حقي اتشائم بعد كل هذي النكسات وماشفت بشارة خير ولو وحدة ..الواحد شيسوي اذا مقرود وطايح حظه

ان شالله سلامات ع طول وان شالله تكون صرت بأحسن الحال وربي يشافيك وجميع من به الم