لســــاك فاكـــرهــا هتنحنـــى
لساك فاكرها هتنحنى ...أو لسة عايشة الدور معاك
خلاص يا صاحبى قولتلك....الدنيا مش دايمة لهــواك
كل ما تعلى
تنزل أكتــــر
واللعب لسه فـــ أولـــة
والنهايه جرح تانى
أيــه بإيـــدك تعــمـلـــة
كنت عايش ليك لنفسك...ناسى إنك مش مــــلاك
لساك فاكرها هتنحنى ...أو لسة عايشة الدور معاك
كنت أقولك ..خاف يا صاحبى ... دنيا ظالمة للى يعشق ودها
إن يوم جناحك ينكسر
تدبل دموعك م الألــم
وتوة يا صاحبى فــــ حزنهـــا
إنت بشــر
زى البشر
عمرك ما كنت فى يوم ملاك
لساك فاكرهــــا هتنحنــــى ...أو لســـة عايشة الدور معاك
إرمى الهموم فوق ساقية دايرة بالجراح
طهر حياتك م الطمـع
وانسى عمرك واللى راح
وإوعاك تفكـــر تانى تعشـــق
دنيا ظالمة للى يعشق ودهــا
لساك فاكرها هتنحنى ...أو لسة عايشة الدور معاك
|