[راجية الشهادة]

المشاركة الأصلية كتبت بواسطة mero

السلام عليكم ورحمه الله وبركاته

عليكم السلام ورحمة الله وبركاته
حبيبتي
عاشقة الشهاده
احبك الله الذى احببتنى فيه
انا رجعت وقولت اما ارخم عليكى شويه بالاسئله
ابدا انتى على قلبى احلى العسل
يلا ربنا يعينك
آآآآآآآآمين
نبدأ بسم الله
بسم الله توكلت على الله
1-من المعروف عنك انك رائده ما شاء الله في الحوارات ....
من وجهة نظرك ايه هى المقومات التى يجب ان تتوفر للانسان حتى يكون محاور ناجح؟؟؟
ربنا يكرمك والله ولا رائدة ولاحاجة
ومتهايلى انه اهم شئ توفيق ربنا
وان يكون الانسان مقتنعة بفكرته التى يناقشها
ان يجيد الاستماع كما يجيد الكلام لان هذا سيوسع افقه
ان يكون مثقف فى مجالات شتى
2-ايه اكتر موضوع اتنقشتى فيه مع حد ورفعلك ضغطك من اراءه؟؟
فى المنتدى مافيه الحمد لله
3-متى تقول عاشقه الشهاده انا زهقت من الحوار ده وانا استسلم؟؟ولا مش ممكن تقوليها ؟؟
بصراحة انا لااستسلم لانى عندما اكون مقتنعة بفكرة باتشبث بها وادافع عنها
ولكن اتذكر حديث الرسول صلى الله عليه وسلم
<رحم الله من ترك الجدال وهو محق>
4-ما هى هواياتك ؟؟؟
هواياتى حضرى كذا صفحة بقى
1-اعشق السباحة
2-احب ركوب الدراجة
3-اعشق لعب الشطرنج
4-احب لعبة التنس على الرغم انى لاالعبها<فرجة فقط>
5-اعشق النباتات والاهتمام بالزرع
6-احب الطبخ وعمل الفطائر والحلويات
كفاية كده ام عايزة تانى
5-ما هى مميزاتك وعيوبك ؟؟
ادعو الله ان يسترنا فى الدنيا والآخرة يعنى لايعقل ان يستر الله العبد ثم هو يذكر ما ستره الله
ولكن عيوبى لاتعد ولاتحصى نسال الله المغفرة
ولكن اقولك عيب من نفسك
عدم الوسطية فى الاموريعنى ازعل اوى \افرح اوى
احب اوى\اكره اوى
اما المزايا ففعلا الصفة التى اعتز بها هى الصدق وتحرى الصدق فى القول والعمل
6- اوصفي نفسك في بضع كلمات؟؟
الحمد لله مقتنعة بشخصيتى باجابيتها وباحاول تغيير سلبياتها
7-من هو قارئك المفضل ؟؟
كتير بيعجبنى السديس
العفاسى
الشريم
الحذيفى
8- من هو كاتبك المفضل؟؟؟
بصراحة بيعجبنى اسلوب يوسف السباعى
9-ايه المكان اللى تحبي تروحيه لما تكونى حزينه اوى ؟؟ وايه اللى ممكن يجعلك حزينه ؟؟
البحر لانى اعشقه\حاجات كتير تجعلنى حزينة لانى اتاثر باى شئ واحزن من اجل اى انسان حزين
10-رساله توجهيها للشباب الذين لا يهتمون الا بالموضه ومش في بالهم اللى بيحصل للمسلمين في فلسطين ولبنان والعراق وغيرهم ؟؟؟
اقول لهم تذكروا يوم ان تقولوا <ربى ارجعون>
واقول لهم لاتخذلوا امتكم او دينكم
ولاتجعلوا الرسول يتبرا منكم
اظن كفايه اوي كده
بصراحة التحقيق صعب<برئ يابيه>
انا عايزة لجنة رافة
انا بقى اللى رفعتلك ضغطك صح
ابدا انتى حبيبتى وزى النسمة ربنا يبارك فيك
معلش علقه تفوت ولا حد يموت
نحن السابقون وانتم اللاحقون ان شاء الله
ربنا معاكى يا قمر

ربنا يكرمك ويخليكى
يلا مش هتقل عليكي اكتر من كده

جزاكى الله خيرا حبيبتى الغالية ميرو على مرورك الذى اسعدنى واطلالتك المشرقة التى نشفت ريقى وعايزة اشرب دلو مية بعده
لاحرمنى الله منك ومن تواجدك المشرق ياقمرى
وتقبلى منى كل الحب فى الله