السلام عليكم و رحمة الله و بركاته
براعم روضة أطفال الشفاء الحلوين القمورين
كيف الحال يا عصافيرنا الحلوين اليوم
أنا اليوم جاية و معي موضوع مفيد كتير كتير لكل حبابينا الصغار
و لازم نهتم فيه و كلنا نتابعه
و نتابع كل خطوة فيه
لأنه مهم إن شاءالله
عرفتم شو هو الموضوع اليوم 
عن أسنانا الحلوين و كيف ننظفهم و نهتم فيهم
و لازم كلنا ننتبه منيح بطريقة ( تنظيف الأسنان بالفرشاة و الخيط )
و نسأل بابا 
و ماما يساعدونا بالطريقة الأحسن عشان ما نؤذي أسنانا
طيب منيح 
يلا تعالوا شوفوا خالتو نونا شو جايبة لكم
فلاش حلو بيحكيلينا أول شي ، كيف بتطلع ( تبزغ ) أسناننا الحلوين
و فلاش تاني بيحكيلنا كيف ننظف أسناننا بالفرشاة
و الفلاش الأخير كيف ننظف أسناننا بالخيط
و بدنا نشوف الفلاشات منيح إن شاءالله
و نتعلم الطريقة الأحسن و نتبعها عشان نهتم بأسناننا منيح
- 1 -
يلا خلينا نبدأ بأول فلاش
- 2 -
ثاني فلاش
- 3 -
و الفلاش الثالث
أكيد نسأل البابا و الماما يتابعوا معنا أول مرات عشان ما نخطأ بالطريقة الأفضل
و نتبع الطريقة كما في الفلاش لأن الطبيب هو اللي حضر هذه الطريقة
هلأ كيف طريقة الفلاش بيشتغل
أول شي نضغط على أيقونة على يسارنا مكتوب عليها
لعرض الفيلم إضغط
و نضغط عليه طبعا
و بعدين مع كل خطوة ، بنضغط على أيقونة :
للمتابعة أضغط
إلى أن يخلص الفلاش كاملاً
و هيك نستفيد منه منيح
إتفقنا
يلا أنا رح أنتظر أشوف مين رح يتبع خطوات الفلاشات المفيدة
و بدي جميع أطفالنا الحلوين يتابعوا هذا الموضوع
عشان صحة أسناننا كتير مهمة
صح!!
ممتاز
يلا أنا رح أترككم هلأ
بس أكيد ما بدنا ننسى نشكر مثل العادة
عمو أبو آية على تجهيز الفلاشات المفيدة لعرضها لنا هنا
و منحكيله شكراً كتير يا عمو أبو آية
عشان ساعدتنا بتجهيز هذا الروابط
و كمان ما ننسى نشكر حضرة الدكتور صاحب الفكرة و مصمم هذه الفلاشات المميزة و المفيدة
و أكيد ندعيلهم بالصحة و العافية
الله يرضى عليكم يا رب حبايبنا الصغار
في براعم روضة أطفال الشفاء
يلا سلام كبير و حلو كتير من عمو أبو آية
و خالتو شذى و خالتو نونا