السلام عليكم ورحمة الله وبركاته
اختى قطرات الندى لا نقول يبقى الحال على ماهو عليه
يعنى فعلا ماينفعش يبقوا متجوزين على ورق وخلاص وكل واحد فيهم مش قابل الاخر
بنقول نحل المشكلة بالتفاهم والمصارحة
والتحبب الى بعضهم
والله يا اختى لو الازواج اللى حياتهم فيها برودة عاطفية حاولوا يرجعوا الدفئ لها تانى هيلاقوا العملية سهلة جدا ويمكن يرجعوا يحبوا بعض اكثر
تعالى نتكلم بصراحة شوية
الزوج عايز ايه من زوجته؟؟
تعرفى اكثر حاجة عايزها ايه انها تفهمه وتحس بيه وتدلعه زى ما بدلع ابنها الصغير
مش هو ده اللى الزوج بيكون عايزه!!
طيب الزوجة عايزة ايه؟
عايزة نفس اللى عايزه الزوج بس زيادة على ده عايزة الحنان
لو فهموا احتياجات بعض هيقدروا يحبوا بعض تانى
ويرجع دفا الاسرة يضمهم
**لو عرف الزوج والزوجة اهتمامات بعض وشاركوا بعض فيها هيرجع الحب
**لو الزوج والزوجة عرفوا احتياجات بعض وعملوها هيحبوا بعض اكثر
وربنا يوفق الجميع
