السلام عليكم ورحمة الله وبركاته
لا يا اختى حاشا لله ان تمدحى شيئ لا يعجبك فتكونى منافقة
لكن خذيها بالتدريج واحدة واحدة يعنى
عمرك ما هتقدرى تغيريها مرة واحدة
شوفى انتى دايما خليكى مبتسمة فى وجهها
ولو هى خارجة ولابسة ملابس مش عاجباكى اوى تقربى منها وكأنك تظبطلها ملابسها
زى الأم اللى تظبط ملابس طفلتها
ومرة تانية مثلا قوليلها لو هتخرجى النهاردة ألبسى اللبس كذا - من نفس لبسها اللى تحبه -
وشوى شوى هى هتحس انك قريبة منها وهى اللى هتيجى تسألك ألبس ايه؟ دى حلوة ولا دى
وهتاخد رأيك لو لقت منك هدوء فى المعاملة معاها
وحاولى تخرجى معاها وتوددى لها وتقربى حتى تجد فيكى الصديقة
وتنسا صديقة السوء
وشئ مهم جدا اختى حاولى تتكلمى معاها عن مشاكل الشباب لانها اكيد محتاجة تفهم
اتمنى تكونى فهمانى
وحاولى تكونى معاها وهى تشترى ملابسها وان اختارت شئ لا يعجبك قولى لها هو حلو بس ده احسن
واختارى انتى الاحسن من وجه نظرك بس تقنعيها
وافهمى ان التغير مش هيحصل بسهولة وانك لازم تصبرى وهى كمان ممكن ما تقبلش ده بس حاولى وربنا معاكى