[الورده الحمراء]

أبي شملي.. مع روحي..أنا يلتم..

كل ما اختليت بحالي..
عن الدنيا وما فيها..
جلست أحاكي روحي..
أشوف أنا وش فيها..
تصعب علي نفسي..
كيف كانت..
وكيف أمست أراضيها..

وأحزن على حالي ولا أدري..
وش السبب فيها..
تنزف جروحي وتسيل..
وتعودت أصير لحالي مداويها..
أكتب معاناتي على الورق..
وأسرد ما في بجوفي..
وبين أكوام الورق أطويها..

ولي ذكرتك وطريت في بالي..
سالت مني دمعة الشوق..
وأحاول أخفيها..
أبي أنساك ..
وعجزت أنساك..
أبي ذكراك..
ما عاد يجيني طاريها..
وأبي صفحتك من كتابي أنهيها..
وأرميها ..
وراي أرميها..

حالي هذا ما هو حال..
ولاهوب أنا اللي أرضى..
من أيامي بقل ما فيها..
أبي شملي مع روحي أنا يلتــم..
وأبي أنهاري ترجع لمجاريها..
وأبي لي وقفت قدام المراية..
نظرة الياس ما عاد ألاقيها..
وأبي الفرحة فيني..
ترجع لأراضيها..

مليت أنا من آهاتي..
ما غير أنا أدرايها..
ما هيب هذي أنا..
ولا هوب أنا اللي..
يناسبني العنــا..
أنا بالأمل والفرح..
كنت وردة..
بفيض البسمة أرويها..
ما ودي هالوردة تذبل..
وتذبل معها..
أحلى لياليها..

أبي أفرح..
من قلبي أفرح..
وأبي من يعاوني..
أرجع لذاتي معانيها..
حرام بين طيات الألم ..
أخليها..
تمـــــوت..
وتموت معها أحلى أمانيها