رد: حلمت بيوم القيامة .. أرجو تفسير الحلم (حلم غريب جدا)

[n_f_m_k]

انا حلمت بيوم القيامة ثلاثة مرات

اول مرة حلمت باني موجود ببت خالي مع بنت خالي ومامتها وانا في البيت ووالسماء كانت قصادي ولاقيت لون السما اتغير زي ما نكون بليل ومكتوب عليها كتابات كلنا عرفنا انا ده يوم القيامه وبقينا خايفين بس انا كنت مرتاحه قعدت اكرر استغر الله العظيم ولا اله الا الله وكنت مرتاحه اني هقابل ربنا وحاسه برضا ربنا وبعدها زي ما تكون حيوان فاحنا قلنا دي الدابة فدخلت علينا بس مشفتش شكلها كانت في الظلمة وجات نحيتي وكانها جايه عشان تاخد روحي بس انا سبتها تقربمني وكنت مسلمه امري لربنا ومبسوطه انها جات عليا اولهم
مع العلم ان بنت خالي كان متقدملها عريس وفي الوقت ده كانوا بيسألوا عنه ورفضوه عشان مش كويس عشان انا قريت في كتاب تفسير الاحلاملابن سيرين ان الحلم بيوم القيامه معناه ان العدل هينتشر في المكان اللي قامت فيه واللع اعلم

تاني مره حلمت اني في بيت كان قديم لينا وكان فيه فرح جمبنا وفجأة بقينا لوحدنا في البيت انا واخواتي وابي وابي كان مشغول بالكلام في التليفون وانا واختي الكبيره كنا امرنا اختنا الصغيره انه تقضي لنا مشوار واحنا بنتابعها من البلكونه لاقينا علي اول الشارع زي حمم بركانيه ماشيه فندهنا عليها وطلعت وكلنا روحنا نتوضئ ونصلي لربنا

تالت مره حلمت اني كنت واقفه في البلكونه والشمس المفروض انها بتطلع في الحقيقه علي يميني لكن انا شفتها في الحلم قصادي وفجأة وكانها نزلت تحت الارض وبعدين طلعت تاني ولونها اتغير للالوان الغروب بس بدرجه اغمق وزي الدنيا هتليل وظهر زي انسان لابس روب زي روب المحاماه بس انا مشفتش لاوش ولا رجل ولا ايد شفت الروب وبعدين رجعت الشمس تاني قعدت استغفر ربنا وبعدين ماما واخواتي بقوا جمبي ولاقينا ناس تحت البلكونه معاهم زي بقره وعلي فمها زي لبن نازلمنها وقالوا هي دي الدابه اللي هتقول اننا مؤمنين وجات خبطت علينا اول ناس انا خفت انزل امي واخواتي وابي نزلوا الا انا وبعد ما طلعوا سألتهم قالتلكم ايه قالولي قالت اننا مؤمنين وكانوا فرحانيين قلت في نفسي يارتني نزلت انا قريبه من ربنا اشمعنا انا متقليش يمكن اكون ذنوبي اكتر وبعدين لاقيت علي كتفهم زي لبن كان نازل من البقرة سألتهم عليه قالولي هي حطت اللبن دا علينا وفقت من النوم

ارجو تفسير الاحلام يمكن ربنا بينبهني لحاجه

[فايز العتيبي]

القيامة هي المظاهرات المصرية و ما تبعها من فساد و تدمير في الارواح و الممتلكات

إن صدقت الرؤى الثلاث ... ستزاد محنة الشعب المصري الشقيق
و تصبح السلطة المصرية في وضع أكثر صعوبة
حتى يظن الجميع أن الرئيس المصري حسني مبارك
ستتم الاطاحة به و إقصائه عن السلطة
ثم يقدم وعود بالإصلاح و يتمكن نائب الرئيس
الذي تم تعيينه من إعادة الاوضاع السياسية
كما كانت بالسابق في ظل قيادة الرئيس / حسني مبارك
و تتبدل الاوضاع تبعاً لذلك نحو الافضل و تتحقق مطالب الشعب
نسأل الله الكريم ان يحمي ممتلكات الشعب المصري
و حضارته و مكتسباته الثقافية من أيدي العابثين
و كم أنا سعيد عندما علمت بوقوف الغيورين من أهل مصر
لحماية المتحف المصري من أيدي العابثين
هذا و الله أعلم

[انوار الإسلام]

ماشاء الله تبارك الله ..
الله يفرجها على مصر يارب ويحفظها بحفظه الله يبارك فيك ياشيخ وفي علمك وتفسير واسال الله ان يعجل بكشف الغمة عن مصر الحبيبة ام الدنيا .. وشكرا للأخت الرائية..