الله يخليكم بالي مشغول فسرولي هل حلمين ومشكورين جزاكم الله كل خير

[آيوشا]

السلام عليكم ورحمة الله وبركاته أخواني واخواتي ساعدوني بتفسير هل حلمين القصار وايد الله يجزاكم كل خير .
المنام يتعلق بوالدي فقد حلمت انه كان يشكو لي مافي قلبه ويضايقه وكان وكأنه يبكي ويحضنني ويخبرني ما في قلبه وهو على سرير فالمستشفى وخرجت لثواني من الغرفة وعدت له وإذا به ينزف دما من انفه وعينه وفمه فخفت عليه جداً .
وعندي حلم ثاني للوالده شافت أنها زارت قبر الرسول صلى الله عليه وسلم وكانت تدعي وتبكي بحرقة قلب وتطلب المغفرة والشفاعه وكان ابوي وراها يحاول يسحبها ولاكن استمرت بالدعاء عند القبر ولم تهتم لمحاولته إبعادها .
الوالد وايد تغير من زمان وهو داير برا بيتا ولا ندري شيسوي ومن وين يجيب فلوسا بس ما كان بخيل بس يدور برا بيتا ورا الغلط وجاب الأذى لبيتا وايد ومايتوب للحين وبيتنا قاعد يخرب وينهد وإحنا نصلح هل دمار نفهما إن الله يمهل ولا يهمل والغلط برا يجي بيتك ولا هو مهتم
بالأول ما كان يحاسب على الفلوس ولا يعدها وواثق بأهل بيتا
الحين يعد الفلس ألف مرة والله لا همنا الفلوس ولا همنا شي بس همنا راحة البال والعيلة تكون متجمعه بالقلب والقعده ونكون فعلا أهل مو نخاف من بعض امي والله صارت مرعوبة وايد وربي قربتت تجن قاعده تكلم نفسها وتصبر للحين تصبر وتقول الله كريم ابكي عليها وربي كل ليلة وعلى خواتي وحلنا شلون صار
ويشك بأهل بيتا
وإحنا مالنا هل حركات وما يتركلنا إلا فلوس الغدا وما تكفي نتدين فوقها وما يدفع الدين وهو داري وأنتاو دارين حال هل ايام غلا وفلوس البيت نفسها من 10 سنين للحين ينترك نفس المبلغ شي مو معقول ومايعجبا شي بيتنا ولا يعجبا الأكل وهو على قد الحال وعلى العشا يطلب أكل ويقول ابي عشا بدون فلوس والله لو الثلاجة مليانه الواحد يقول نواشف بس مافي شي يتهاوش مع كل إلي بالبيت ويعصب على الصغير والكبير وأمي معانا مبهدلنا بهدلة مو طبيعيه وعصبي بطريقة جنان كان يحب يطلع من البيت لو مو معانا بروحا
الحين لا معانا ولا بروحا
يقول خسارة فلوس اوك فهمنا ظروف بس لمتى إحنا عايلة مو حاسين ببعض مفرقنا
نخاف لو قعد من النوم ولو نام نرتاح ولو سمعنا كحتا نخشينا كلنا امي لو نايمة يقعدها يقولها أنتي لج جهنم وينام عبالنا يحلم
بس كل يوم كل يوم
بذمتكم في شي طبيعي بهل موضوع ممنوع نطلع وممنوع يطلعنا ولا يطلع ممنوع نفتح التلفزيون طول ما هو قاعد ولا نشوف غير إلي يبي والكمبيوتر كل وقتا واشياء ما تنشاف والعياذ بالله شقول اكثر وربي مادري كنت بحلم صرت بقصة حياة كاملة سامحوني لو بقلبي كلام ينقال ما يكفيني 3 ايام متواصلة على المنتدى سامحوني وعلموني تفسير هل حلمين الله يسلمكم ونشالله بنتم على تواصل وألقى إلي يسمعلي ويشور عليي ويرح قلبي لأن توتر الأعصاب إلي صابني والعقده من ابوي خلتني ما استوعب شلون اتصرف ولمين اشتكي او افتح قلبي وانا بأمس الحاجه للنصيحة ساعدوني والله همي تقل على قلبي ما تقصرون يا أخواني واخواتي والسلام عليكم ورحمة الله .