|
|||||||
| الملتقى الترفيهي ملتقى الابتسامة والمسابقات والالعاب الترفيهية الهادفه |
 |
|
|
أدوات الموضوع | انواع عرض الموضوع |
|
#1
20-11-2007, 08:09 AM
|
||||
|
||||
حوار بين الحفيدة والجد في عام 2080
اقدم لكم حوار بين الحفيدة والجد في عام 2080 عام 2080 الحفيدة : جدو تامر إزيك .. حلو البدي اللي انت لابسه ده . بس ده موضة قديمة قوي يا جدو الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا الحفيدة : أيوه بس مش حاسس إنك مخنوق وانت لابسه؟ الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمان لما كنا نلبس البدي اللي مبين البطن والظهربس، مع البنطلون السترتش الجلد والجوانتي الجلد... كانت حاجة آخر روشنة الحفيدة : ياه يا جدو .. ده انتوا كان ليكم تقاليد غريبة خالص الجد : وهو انتي فاكرة إن أيامكم دي أيام؟ يا بنتي أيامكو دي ما يعلم بيها إلا ربنا .. فين أيام سنة 2002م ، هو الواحد فينا كان يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق الحفيدة : معقول يا جدو؟ للدرجة دي؟؟ الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولها عن شبر ونص .. وكانوا الستات يلبسوا فوقيها بلوزة باستمرار ..مش زي دلوقتي الحفيدة : يا خبر .. وإيه كمان ياجدو الجد : وبعدين كنا نسمع على حاجة اسمها اسطوانات ليزر ، ودي صحيح انقرضت ، بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة الحفيدة : حكاويك ممتعة قوي يا جدو )بعد عدة دقائق) هيه يا جدو .. وبعدين الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 70 مليون مش أكثر ، تخيلي بقى الروقان اللي كنا فيه؟ الحفيدة : 70 مليون بس؟ الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بخمسة وتلاتين جنيه ، وكان أتخن جوز جزمة بمتين وخمسين جنيه ، وكان الواحد يقدر يشتري شقة تمليك بـ 350 الف جنيه بس .. وكان الدولار بستة جنيه بس تخيلي بقى؟ الحفيدة : ما هو علشان كده كان الجواز على أيامكم كان سهل خالص الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندنا الأفكار الغريبة اللي بتعملوها دلوقتي زي إن البنت تعد مع الولد كام سنه قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها الحفيدة : ده انتوا كنتوا متزمتين خالص ياجدو!! الجد : يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير ممكن يفكر يصبح عليه ، ومش بعيد كان يسأله عن أحواله ... وكانوا أهل الفن محتشمين جداً وكانوا دايماً يطلعوا بالمايوهات البيكيني ، والمذيعات كانوا يقعدوا جنب الضيف مش على ركبته زي دلوقتي... هيـ يـ يـ يـ ـه الله يرحم دي أيام الحفيدة : رايح فين يا جدو الجد : أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ .. تشاو .. سي يو..
__________________
  التعديل الأخير تم بواسطة نور ; 22-11-2007 الساعة 03:29 PM. سبب آخر: حذف الفقرة التي تتحدث عن الفنانين 
|
|
#2
20-11-2007, 04:39 PM
|
||||
|
||||
|
هههههههههههههههههههههههههههه
لا حول و لا قوة الا بالله الله لا يوصلنا لسنه 2080 كفاية حياة 2007 بارك الله فيك
|
|
#5
22-11-2007, 01:14 AM
|
||||
|
||||
|
مشكورين على وبرغم اننا نضحك مما نقرأ ولكن كما قال اخونا أبو اسيد مليء بالعبر
__________________
|
|
#6
22-11-2007, 12:10 PM
|
||||
|
||||
|
مشكور عمري
__________________
 إن لي رباً عطوفاً لم يدع يوماً ودادي كلما زدت خطاباً زادني منه ايامي 
|
|
#7
22-11-2007, 03:16 PM
|
||||
|
||||
|
الشكر لله اسعدني مرورك
__________________
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض العادي
