سنيه وزينات

[الجواد الاصيل]

[FONT=/'Tahoma/']السلام عليكم بفضل الله واخيرا انتقلت من عضو نشيط الي متميز ولله الفضل والمنه فنظرا لهذه المناسبه اهدي اليكم حوار بين اتنين مصريات ارجو ان تعجبكم [/FONT]
[FONT=/'Tahoma/']يدق جرس الهاتف في منزل سنية .. لتجري سنية على التليفون .. قائلة:[/FONT]
[FONT=/'Tahoma/']خير يارب يل ترى مين بيتصل بينا بدرى أوى كده؟؟ اللهم اجعله خير
لتجد على الطرف الآخر صديقتها الحميمة زينات لتبدأ مكالمة طويلة أوى والطرف الخسران في الحالة هو .. زوج زينات [/FONT]
[FONT=/'Tahoma/']سنية: السلام عليكم
زينات : وعليكم السلام .. إزيك يا سنية يا أختى عاملة إيه ..
سنية: كويسه يا حبيبتى الحمد لله .. إنتى عاملة إيه .. مال صوتك هو المحروس نكد عليكى تانى ..؟؟
زينات : هو أنا شفت مع الرجل ده يوم حلو أبداً أجيله كده أجيله كده .. مش نافع .. أراضيه كده أراضيه كده مش نافع
خلاص .. زهقت يا أختى وطهقت ..
سنية: أه .. من جنس الرجاله دول .. كلهم كده ما بينفعش معاهم حاجه أبدا ..
وإحنا يا أختى ليه ننكد على نفسنا .. إحنا ندور على واحد يعمل لنا عمل يا أختي يرمي حبنا في قلبهم كدهوه من غير استئذان ..
زينات: عمل إيه يا اختى .. هما دول ينفع معاهم حاجه .. ده مافيش حاجه بتحوق فيهم
سنية : لالالا.. اسمعي أصل إنتى ما تعرفيش الشيخ بلحة .. ده رجل طيب أوي وسره باتع .. هيعمل لنا عمل ما يخرش الميه..
زينات : إيدي على كتفك يا أختى ..
سنية : خلاص أنا هفوت عليكى بعد العصر ونروح يا أختي عند الشيخ بلحه يعملنا العمل ..[/FONT]
[FONT=/'Tahoma/']واتقبلت سنية وزينات وراحو عند الشيخ بلحه .وحكوا له كل اللى حصل من طأطأ لسلامو عليكم الا ان الشيخ بلحه ما كان ساحر ولا حاجه ولا ليه في الاعمال ولا شئ الا انه علشان يعلمهم ويديهم موعظه عرض عليهم العرض التالى:[/FONT]
[FONT=/'Tahoma/']الشيخ بلحة :
مافيش غير حل واحد بس علشان ازواجكم يرضوا عنكم ويعاملوكم كويس
زينات وسنية في نفس واحد : قلنا يا شيخ.. ايدينا على كتفك ..
الشيخ بلحه: اما انتى يا سنية علشان اعمل العمل اللى بتقولى عليه لازم تجيبيلى رمش عين قرد ..اما زينات فانتى لازم تجيبيلى شعرة من رقبة الأسد ..
وهنا بقي اصابت الدهشة زينات وسنية .. رمش عين قرد .. وشعرة من رقبة الأسد!!
رد الشيخ بلحه وقلهم: ايوة العمل مش هينجح الا كده .. لو بجد عايزين ازواجكم يحبوكم ويحسنوا عشرتكم ..
هنا قالت زينات: بس الأسد حيوان مفترس ممكن ياكلنى !!
وهنا حمدت سنية ربها انها وقعت مع قرد مش مع أسد ..
رد عليها الشيخ وقالها: بس العمل مش هينفع الا كده ..
وهنا عقدت زينات وسنية العزم على انهم يروحوا حديقة الحيوانات علشان يجيبوا طلبات الشيخ بلحه .. وكل واحده فيهم اعدت عدتها..[/FONT]
[FONT=/'Tahoma/']جابت سنية معاها فول سودانى كتير وموز ..وراحت اتحايلت على حارس قفص القرود انه يوافق انها تدخل تلعب مع القرد وبعد طول نفس وافق الحارس ودخلت سنية قفص القرود وقعدت تلاعب القرد وتحايله وتاكله ( شويه موز.. شويه فول سودانى) وتغنيله .. لحد ما القرد اخد على سنية خالص ونعس على رجليها وهنا اخدت سنية رمش عين القرد بمنتهى البساطه والسهوله ..[/FONT]
[FONT=/'Tahoma/']تعالوا بقي نشوف زينات عملت ايه .. معلش زينات بتلعب مع الأسد لازم يكون نفسها طويل شويه .. لانه مش سهل ترويضه ..
وقبل ما تروح للأسد سألت كل اللى تعرفهم : اعمل ايه علشان الأسد ما ياكلنيش..
وكل ما تسال حد يرد عليها ويقولها : لازم الأسد يكون واكل كويس لأنه لو جاع هياكلك إنتى ..
وهنا بقي أخدت معاها لحم كتير أوى علشان تأكل الأسد ..وكل شويه ترميله شوية لحم وتبعد .. ترمى شويه لحم وتبعد ..
وهكذا استمر الحال لحد ما الأسد بدأ يالف زينات مع مرور الوقت ..وبدأت تقترب منه مع مرور الوقت ألى أن جاء اليوم المنتظر ..
اليوم ده لاقت زينات الأسد قاعد جنبها ومدد وهو لا يشك في محبتها له .. وهنا بقي جت زينات ووضعت يدها على راس الأسد وبدات تمسح بها على راسه ورقبته وبالتالي في الوقت ده والأسد مطمئن أخدت منه الشعرة بكل سهولة وبساطه .. وما تتصورا فرحتها كانت أد إيه .. هي خلاص هتجري بقي على الشيخ بلحه وتديله الشعرة علشان يعملها العمل وتكون بقي أسعد واحده في العالم هتبقي ملكة قلب زوجها ..(يا حلولى يا حلولى)[/FONT]
[FONT=/'Tahoma/']واتفقت زينات وسنية أنهم يروحوا للشيخ بلحه زينات ومعاها شعرة الأسد وسنية ورمش القرد ..
ولما راحوا عند الشيخ بلحه وفرحه الانتصار بتملى عيونهم ..[/FONT]
[FONT=/'Tahoma/']زينات: اتفضل يا شيخ شعرة الأسد..[/FONT]
[FONT=/'Tahoma/']سنية: اتفضل رمش عين القرد ..
قالهم الشيخ: انتم عملتم ايه علشان تعرفوا .. تجيبوا الحاجات دى .. [/FONT]
[FONT=/'Tahoma/']ردت زينات وسنية وكل واحده حكت قصتها القوية اللى عرفوا يجيبوا بيها شعرة الأسد ورمش عين القرد
وهنا أجابهم الشيخ بلحه : يا سبحان الله .. يا زينات عرفتى تروضي أسد وتاخدى منه اللى انتى عايزاه ومش عارفه تعاملى زوجك .. أعتقد ان زوجك مش شرس ومفترس زى الأسد ..
وانتى يا سنية: تلاعبي قرد وتحايله لدرجه تاخدى رمش عينيه ومش عارفه تعاملى زوجك .. اعتقد زوجك مش في عفرتة القرد ..
يا سنية يا زينات .. كل واحده فيكم تفعل كما فعلت مع الأسد والقرد تملك زوجها ..تعرفوا على المدخل إلى قلبه .. واشبعى جوعته ..تأسريه وحطى الخطه لكده واصبروا ..[/FONT]
[FONT=/'Tahoma/']وهنا عرفت زينات وسنية ان السعادة الزوجية مش بعمل عمل على ايد ساحر .. بل ان قلوب ازوجهم وحبهم ليهم في ايدهم هما بس لازم يعرفوا ايه هو الطريق لقلب ازواجهم ويصبروا عليهم ..وواحدة وواحده وكله يبقي تمام ..[/FONT]

[عاشقة سدرة المنتهى]

ههههههههههه
مشكر اخي الكريم على القصه الرائعه..
بس والله سنيه وزينات سالفتهم سالفه...خخخخخخخخ..مساكين
بارك الله فيك اخي الكريم
والسلام عليكم

[المستمر]

المشاركة الأصلية كتبت بواسطة الجواد الاصيل

من جنس الرجاله دول .. كلهم كده ما بينفعش معاهم حاجه أبدا ..

ايه الكلام ده

مشكووووووووووووور