محمود سعد يتجاوز الحدود فى برنامجه البيت بيتك

[محبه للجنه]

بسم الله الرحمن الرحيم

اكتب هذا الموضوع غاضبا حانقا مغتاظا بشدة

الموضوع ليس منقولا او مقتبسا وانما هو رايي الشخصى وما كتبته الا لما اشتد غيظى وحنقى

امبارح على البرنامج الاشهر فى مصر (( البيت بيتك )) استضاف الاستاذ (( المتحذلق المدعى )) محمود سعد الدكتور عادل عبد العال فى البرنامج

وهاتك يا اتهام وهاتك يا تجريح وهستعرض معاكم بعض الجمل اللى قالها واجزاء طبق الاصل من الحوار اللى دار بينهم

1

د/ عادل : انا فى موضوع علاجى بس لو سمحت فى ايه من القران عايز اقولها ... تسمحلى
محمود سعد بعصبيه : لا مش هسمحلك ... مش هسمحلك ... مش كل حاجة تدخلو الدين فيها حرام عليك ... خلى لو سمحت الدين على جنب وكلمنى كلام علمى ...

2

محمود سعد : مع احترامى لقناه الناس وفيها علماء اجلاء وافاضل الا انهم بيقولوا اراء وكلام غريب جدا ... جدا .... انا مش عارف ازاى هم بيقولوه ؟؟

3

تم اضافة الدكتور خالد عبد العظيم الى الحوار وهو طبيب امراض جلديه وتناسليه

د/ خالد : المكان الطبيعى لامثال عادل عبد العال ليس جدران الاستوديو وانما جدران السجون

4

د / خالد ... عادل عبد العال لم ياخذ الدكتوراه من كندا وتم ايقافه من الامارات العربيه المتحده وهو ليس عضوا بمنظمة الصحة العالميه .. ده مدعى

5

د / عادل عبد العال : انا مقدرش انكر دور الاطباء ابدا وانا بعمل مع الاطباء فى منظومة متكامله
محمود سعد : انا مش فاهم منك اى حاجة ... ازاى يعنى تبقى مش دكتور وتقول للناس ياكلو ايه ويشربوا ايه ؟؟
د/ عادل : يا اخى انا مش بعمل كده انا بس بجيب اعشاب طبيعيه الكل بيستعملها مذكورة فى القران والسنه ..
محمود سعد / بلاش بقى مووضوع القران والسنه ده .. كفايه احنا تعبنا من الكلام بتاعكم ده ... انتوا هتلغبطوا الناس وهتخلوا الدين يدخل فى كل حاجة ؟؟

وتستمر المهزلة يا اخوانى ولو سمحتولى ليا تعليق ...

من الطبيعى جدااااااااااااااااااا جدااااااااااااااا جداااااااااااااااااااا لما واحد يطلع وحد يقوله انا عندى مغص فيرد ويقوله كل توم وحبه البركة ان الطب يحاربو

الاجزخانات تاكل عيش منين يا سيدنا ؟؟

والدكاترة تاخد فيزيتا ازاى ؟؟

لازم اللكل يبقى مريض علشان المنظومة تمشى والاقتصاد ينتعش ؟؟

انتا جاى تقول للناس بلاش تاخدو دواء كيميائى علشان بيجيب قرح فى المعدة ؟؟ انتا بقى عايز تخرب بيوتنا ..

يبقى لازم تطلع مدعى وعبيط ومجنون وتتشتم وكل الناس تقول عليك نصاب طبعاااااااااااا

ثم فى حاجة تانى ...

هى منظمة الصحة العالميه دى شغال فيها بهايم يعنى ؟؟

ازاى واحد يطلع يقول انا نائب رئيس منظمة الصحة العالميه والمنظمة متوديهوش فى داهيه يا عم محمود يا سعد ؟؟

ازاى يقول انه واخد دكتوراه من كندا وانتا يا محمود يا سعد تقول انه كداب ؟؟؟ هى كندا ولا مؤاخذه يعنى عبيطة بقى واى حد يقول انه واخد منها دكتوراه ؟؟

لو كانت دكتوراه مزيفة كانت الصحة العالميه وجامعه كندا ودوا الراجل فى داهيه طبعا

وبعدين عادل عبد العال ده كان قدام عينى بيحضر البرنامج بتاعه ومعاه المراجعين علشان يصححوا اى معلومة غير موجوده فى السنه والقران

مين بقى المراجعين دول ؟؟

الامام محمد حسان والامام محمد حسين يعقوب

عايز تفهمنا يا محمود يا سعد يعنى انك انتا اكتشفت فى الدين خطأ من الدكتور عادل لم يكتشفه محمد حسان ومحمد حسين يعقوب يا جاهل يا مدعى يا كذاب ؟؟

وازاى تقول كمان ان الشيوخ بتوع قناه الناس اراءهم غريبه ؟؟؟ تعرف انتا ايه علشان تحدد اذا كانت غريبه ولا لأ ؟؟

ولا يا باشا انتا اراء الاسلام الصحيحة بالنسبالك غريبه ؟؟؟

وبعدين فى حاجة مهمة قوى كمان .....

انتا قولت لادكتور عادل ان الرسول احترم التخصص فلازم كل واحد يمارس تخصصه .. وطالما ان الدكتور عادل مش خريج الطب فيبقى مش من حقه انه يمارس العلاج بالاعشاب وفقال للسنه والقران

وفى نفس الحلقة قولت ان مافيش فى مصر او اى دوله عربيه تخصص فى العلاج بالاعشاب فى كليه الطب ...

يعنى معنى كده اننا نتحرق بقى بجاز وسخ ؟؟؟

وبعدين هو الطب لا يدرس الا من خلال كليه الطب ؟؟

وهو كان فى ايام الرسول يا جااااااااااااااهل كليه طب ؟؟؟

وكمان الدكتور عادل قاللك انه واخد دكتوراه فى العلاج بالطب البديل من كندااااااااااااااااااااااااااااااااااااااااااااااا ...

ولما انتا ناصح قوى يا محمود يا سعد انتا وخالد عبد العظيم واكتشفتو ان عادل عبد العال نصاب ... طيب ماشى .. ازاى يكون نصاب وهو عامل سنتر كامل فى الامارات للعلاج بالاعشاب وكمان شغال فى سنتر فى الماااااااااااانيا للعلاج بالطب البديل ... وموجود دلوقتى فى مكه بيمارس مهنته من خلال قناه الناس التى لا غبار عليها وعلى قناه المحور ؟؟

ولا انتا بقى اذكى من المانيا ومكه والامارات وكندا ومنظمة الصحة العالميه واكتشفت اللى فات عليهم يا ناصح ؟؟

يا جماعه ...

لا تصدقوا هذا الجاهل المدعى محمود سعد ولا تصدقو ما يتشدق به من عبارات وكلمات وشعارات

الراجل ده لا يحكمه الا السياسه ولزوم الديكور الديموقراطى بيسمحوا للى زى محمود سعد ده انه يتكلم والنس ببراااااااااااااءة تتلم حواليه وتثق فيه

انه يحارب قناه الناس

انه يحارب التيارات الاسلاميه

انه يمجد الفن ولا يحرم الغناء

انه يعتبر ان ابعاد الدين عن السياسة امر طبيعى وان الدين المفروض مايدخلش فى كل حاجة

واخر ما فعله اتهام دكتور عادل عبد العال الذى رحب به العالم كله ولقى نجاحا وشهرة دوليه ... ليه ؟؟ لانه تعدى على الدكاترة ولانه من الاااااااااااااااااااااااخر كده هيقطع عيش ناس كتير فى الصحة فى مصر ...

حسبنا الله ونعم الوكيل فى اى حد غبى وجاهل وبيتكلم بجهل عن الاسلام

حسبنا الله ونعم الوكيل ...

والله سوف اختصمنه يوم القيامة امام رب العالمين ليعلم اين كان الصواب وكيف حاربه

والله لاختصمنه ولن اسامحه فى حق الاسلام الذى يتجنى عليه يوما بعد يوم

وجزاكم الله خيرا على مروركم الكريم

منقول

[نداء الفجر]

سبحان الله وبحمده سبحان الله العظيم

والله إن العين لتدمع وغن القلب ليصدع وإنا لما حل بنا وبالمسلمون لمحزونون محزونون

اصبح كل رويبضة يتكلم ويتحذلق ويدعي انه ممجد والآخرون مدعين
لا ادري لما كل هذا الهجوم والنقض والإهانة لشخصية مثل الدكتور عادل؟
لما لا يهاجموا الفاسدين والمخربين لعقول الشباب في كل الفضائيات إلا من رحم ربي
لا تخلو محطة فضائية ولا ارضية من الكذب والنفاق والفسق
ولم نجد احد هاجم ولا شجب
وان شجب اهل العلم وأهل الدين يقال عنهم متعصبون جاهلون متاخرون مدعون ............. إلى آخر هذه الاتهامات المعلبة كما يقول شيخنا محمد حسان
ولكن لا يضير القافلة عواء الكلاب
ونسال الله العظيم رب العرش العظيم ان يكون عونا للدكتور عبد العال
وان يهلك كل من يعادي الاسلام والمسلمين
ولا ننسى قوله تعالى في حديث قدسي
"من عادى لي وليا فقد آذنته بالحرب"
....................
جزاك الله خيرا على هذه اللافتة

دمتم بكل خير

[فاقده صدام]

حسبنا الله ونع الوكيل علي كل من يتهجم علي السلام والمسلمين لقد كان هذامن دوله عربيه ويقول هذا الكلام فماذ ترك للدول الاجنبيه الا يعلم ان القران فيه شفاء للناس كما ان ليس له الاحق بان يتهجم على قناة الناس التي تيفدنا في امور ديننا هذاوحسبي عليه الله وشكرا

[أبوسيف]

السلام عليكم و رحمة الله و بركاته ٫

أرجو ان تسمحوا لي بأن أقول رأيي في عادل عبدالعال

اولاً ٫ محمود سعد يتبع أسلوب هالة سرحان في إستجداء الجماهير و انا شخصياً لا أستسيغه أبداً

ثانياً ٫ ذهبت الى عادل عبدالعال قبل ٣ سنوات في عجمان في الإمارات العربية المتحدة مع شخص عزيز علي لأنه كان يعاني من مشكلة ما ٫ و بصراحة الرجل ذكر لنا بعض الآيات من القرآن الكريم و بعض الأحاديث المعروفة و أرانا حبة (الجوز) و حبة (البركة) المعروفتان و قال لنا كلمتين و لم يسمح لنا بأن نسأل أي شيء لأنه في (زبائن كثيرٌ غيرنا) و طبعاً.. أخذ ٣٠٠ درهم إماراتي و أعطانا علبة صغيرة بها أعشاب (ملينة) مع أن الشخص لم يكن يعاني من مشاكل معوية!!

أحترم قناة الناس جداً و أحب أن أشاهدها دائماً و خصوصاً مُعلّمنا الشيخ الجليل محمد حسّان ٫ و لا أظن أن هناك علاقة (عمل) بين عبدالعال و قناة الناس و أرفض الربط بينهما ٫ و لكن هناك امور يجب الوقوف عندها:

١. الناس تريد أن تعلم من هو الذي يعالجها.. طبيب أم ماذا؟؟ و هذا من حقها.

٢. الكتاب الذي أصدره يتناول مواضيع طبية بحتة.

٣. مادام هناك قضية مرفوعة ضده أمام المحاكم المصرية ٫ لا يجب عليه أن يوافق على أي مقابلات تلفزيونية لحين إثبات براءته.

في النهاية ٫ محمود سعد شخص علماني و لا يجب الأخذ بكلامه بخصوص الدين لأنه مردود عليه بإذن الله.

الله المستعان على ما يصفون.

[محبه للجنه]

مشكورين اخوتى على مروركم الطيب
بارك الله فيكم وجزاكم الله كل خير