قصة حقيقه ومؤثرة بعض الشيء ..لصاحبها مشعل العتيبي

[عزم العزوم]

بسم الله الرحمن الؤحيم

اخواني واخواتي احييكم بتحية الاسلام

السلام عليكم ورحمة الله وبركاته :-


انا الصراحة حبيت اقول لكم قصة مؤثرة الصراحة وفعلاااا هي اللي خلتني اتوب او احافظ على الصلاة

خلقي وطبعي:-

(( انا الصراحة انسان فيني خير لكن ما استعمله وكنت تارك الصلاه واسمع الاغاني لكن مع هذا فيني خير.!!!))
((كنت ناوي فالذهاب الى جده بقصد السياحه والخراب ايضا ))




نبدأ من اولهاا:-


بعد نهاية فترة الاختبارات واستلام التقارير قررت انا وزميل لي بالذهااب الى مكة واخذ العمره وبعد العمرة طبعا كنا ناوين نطلع ونتكي ((نجلس)) فجدة حوالي عشر ايام نتمشى فيهم المهم طلعنا مكة وخذينا عمرة ورجعنا لجده وسبحان الله ثاني يوم وانا كنت جالس في جده صارت فيني حكة غريبة في مكان الرقبة وصار مكانها احمر وضايقتني مرة قلت يمكن تكون قرصة ناموس او التهاب عادي يعني المهم

رجعنا للديره وصار مكان الحكه زي الكيس الدهني بس انه كبير شوي وقاسي جداا انا الصراحة بديت اقلق واخاف

فقلت ابي اروح للمستوصف واشيك على الوضع واتطمن يعني فدايركت رحت فعلاا وقال الدكتور:-(((يعني حتى وجهه ما كان مضبوط وانا بديت اقلق الصراحة))).....

قالي راجع مستشفى ...قلتله :- يعني انت ايش شاك فيه .؟؟؟

طلع شاك انه يكون ورم اي (( سرطان ))

انا طبعا جاني شعور غريب فعلا يعني ما كنت اتوقع فيوم من الايام انه راح يصيبني مرض مثل هذا انا ما قصدي اعترض على قدر الله لكن انتو فاهمين قصدي طبعا.

اوةل ما طلعت من الدكتور الصراحة ما كنت حاس فالخوف طبعا خبرت الاهل وثاني يوم رحت للرياض بما انها في مستشفيات متطورة جدا

رحت لم مستشفى الحبيب واتذكر اسم الدكتور بعد كان اسمه نادر حسين اردني الجنسية الله يذكره فالخير

في قسم الجراحه


طبعا قبل ما اروح كنت اكثر من الصلاه والدعاء والقراءة على مكان المرض ودهنه بالزيت المقري عليه


خذيت موعد ورحت وجلست في الانتظار انتظر بس متى يقولوا اسمي وفعلاا نادوا وبدت دقات قلبي تتسارع ما ادري هو خوف او ايش؟؟؟؟

المهم دخلت على الدكتور وكشف علي وقلتله اخذ تحاليل اسوي اشعة بس تاكدلي

قال يا عزيزي ما يحتاج...... هذا التهاب عادي جدا وما فيه اي خطر عليك

انا من يوم ما قالها احس الدنيا انفتحت في وجهي

وقلت في نفسي سبحان الله قادر على كل شيء

تشكرت من الدكتور جزيل الشكر وتحمدت الله على سلامتي

وفورا كلمت الاهل وطمنتهم على صحتي وما قاله الدكتور لي


ومن اليوم بدات احافظ على الصلاه وتاكدت تاكيد كامل انا الانسان اذا كان عنده ثقه فالله سبحانه ونية بني ادم نفسه اصبحت سليمة فان الله ليس بعاجز عن فعل شيء مستحيل

الصراحة حبيت انصح نصيحة من صابه اي مرض فلا يستغني عن الله سبحانه وتعالى والالتزام بالرقية الشرعيه والاعتقاد انها تشفي هي فعلا شفاء لكن ينبغي ان يكون لدينا الايمان والاعتقاد الكامل بانها قادره على الشفاء بعد الله سبحانه وتعالي

وفي نصيحة اخرى الصراحة اخبرني بها والدي وتاثر جدا فالذي يعرف معناها

وهي :-(( مثل ما تدعي الله فالشده ادعوه فالرخاء اي مارس الصلاه في اي وقت ليس فقط باوقات الشده والحاجه الى المساعده))


تمت


ارجو ان لا اكون قد اطلت عليبكم


صاحب القصة :- عزم العزوم ((مشعل العتيبي))



والسلام عليكم ورحمة الله وبركاته