شاورمــــا .. ألــوان الطــيف

[صديقة الدموع]

شاورمــا .. ألــوان الطــيف

طريقة العجينه
2كوب دقيق

2 ملعقه سكر
2فنجان قهوة حليب بودر
ملعقة كبيره خميرة فوريه
ملعقة صغيره Bp
نص كاس زيت
كأسين مويه
طبعا المقادير ذي كلها بالخلاط

بعد كذا تجيبين ألوان الطعام طبعا هي معروفه للكل
وعلى حسب الالوان اللي عندك تقسمين الخليط بالتساوي عليها
كل واحد بعلبه بالنسبه لي قسمتها بخمس علب بلاستيك 4 الوان
وواحد خليته بدون لون عشان يعطيني ابيض
واضيفي عليها الدقيق لحد ماتصير عجينه لينه
واتركيها تتخمر ساعه
.

بعد كذا تضغطيها بالآلة او تفرديها
.

وتحمريها عالصاج من الجهتين
هنا مااستخدمت الصاج استخدمت آلة المصابيب ( المراصيع)

اذا تحمرت من الجهتين حطيها بحافظه وسكري عليها عشان
تكون لينه وماتتكسر معك

الحشوة

شوحت شرايح بصل وشويه ثوم بالزيت وقطع
ت فيليه دجاج مكعبات واضفتها له
بالاضافه لشوية جزر مبشور وفلفل رومي برضو قطعته مكعبات
وتضيفيه عليه..

ملح - فلفل اسود - كاري - ملعقة طحينة سايله-ملعقتين زبادي
وسر النكهة ملعقة (peanut butter) زبدة الفول السوداني

تخليها شوي عالنار لحد ماتستوي وتطفي عنها بعد كذا
بامكانك تدخني الدجاج طبعا الكل يعرف الطريقه
تحطي شويه زيت بصحن وتحمي الفحمه وتحطيها بصحن الزيت
وتخليها وسط الدجاج وتغطيه لحد مايكسب النكهة

طبعا الحشوة على حسب رغبتك اي حشوة تنفع
وهذي صورة لحشوتي بعد ماقفلت عنها ودخنتها

[

بعد كذا تقطعي شرايح خس وتخلطي مايونيز وكاتشب لزوم الحشو

طبعا تلفينها رول او تخلينها مفتوحه من فوق انتي وطريقتك
هنا لفيتها وغلفتها بالغلاف النايلون المعروف حق الاكل
.

وهذا الشكل النهائي لها
.

وهنا مسويتها قبل ولافتها بورق الساندويتش

وهذي مره بعزيمه كبيره لفيت كل وحده بمنديل ملون وربطتها بشريطة ساتان وجبت سلة خوص وحطيت فللين تحت وفوقه قصدير زي طريقة المحلات اذا حطوا الفللين وفوقه الحلاوة وغرست الشاورما فيها باعواد الاسنان

.

وهذا شكلها عن قرب

صحتين و عافية