|
|||||||
| ملتقى القصة والعبرة قصص واقعية هادفة ومؤثرة |
 |
|
|
أدوات الموضوع | انواع عرض الموضوع |
|
#1
25-02-2007, 03:58 AM
|
|||
|
|||
عريس من النت ....؟؟؟؟
تخيلوا واحدة داخلة لأمها تقولها أن فى واحد هيتقدملى قُريِّب 000أكيد امها تفرح قوى  بس المشكلة لما الأم تسأل البنت عرفتيه منين دة يابت البنت ترد وتقول من النت يا ماما! طبعا الأم هتعمل كدة  خصوصا وهى لا تفقه أى شىء فى الكمبيوتر سوى أنه جهاز يلعب عليه الأولاد! تعالوا نشوف عفاف وهى بتقول لأمها ان فى عريس  ------------------------------- تركت عفاف الكمبيوتر التى تقضى عليه معظم وقتها فجأة وصرخت بصوت عالى مااااما 0000يا مااااااااااااااااااماااااااااااااااا  الأم:إيه يابت بالراحة إخواتك نايمين! عفاف:معلشى يا ماما أصلى فرحانة 0000000فرحانة قوى الأم: خير يا بنتى 000فرحينى ربنا يفرح قلبى عفاف: عريس يا ماما عريس!!!! الأم(فرحة): يا ألف نهار أبيض000يا ألف نهار مبروك  لولولولولولولولولولولولولولوى وبعد دقيقتين أحضان وقبلات تذكرت الأم! الأم: ألا قوليلى يابت 00000عريس مين دة الى هيتقدملك 00وماقلتليش من ساعة ما جيتى من الجامعة ليه؟ عفاف:لأنى لسة عارفة دلوقتى حالا يا ماما الأم(بإستغراب): عرفة دلوقتى حالا؟!!!! عارفة منين يابت دة انتى لسة قايمة من قدام الكبورر!!!!! عفاف(ضاحكة): كبورر إيه بس يا ست الكل00000اسمه كمبيوتر! الأم:مش مهم!000المهم عرفتى ازاى ؟ 0000ومين أصلا العريس دة000يعنى جاى منين؟! عفاف:من النت يا ماما ظلت الأم المسكينة تنظر لابنتها وهى تراجع كل ما تعرفه من كلمات ولم تجد لكلمة النت أثر بينها!!!!!!! فسألت عفاف الأم: النت ؟!!0000ودى تبقى فين دى يا بت؟ ! عفاف: فين ازاى يا ماما؟ الأم: يعنى فينها من الوايلى الى احنا فيها؟!!!!!! تركبيلها مترو ولا اتوبيس ولا تأخديها تاكسى 0000اوعى يابت يكونوا بيروحولها بالقطر؟!!!!! عفاف(ضاحكة): إيه يا ماما الى انت بتقوليه دة؟! مترو إيه وقطر إيه؟! 00000دة النت! الأم: أيوة يا بنتى عرفنا !!!! بس دة موقعه فى أنى بلد بالضبط؟! عفاف:فى كل البلاد يا ماما! الأم: انتى يا بت؟!000000يعنى إيه فى كل البلاد؟ عفاف: يا ماما 000النت دة عبارة عن كمبيوتارات كتير حولين العالم وفيه معلومات كتير قوى عن حاجات ياما! الأم:معلومات ايه يبت انتى 000هو انتى هتتجوزى دايرة المعارف؟! عفاف:المهم يا ماما ان فى واحد متقدملى عن طريق النت الأم: ودة اتقدم ازاى يعنى؟! عفاف: بعتلى إيميل!!!! الأم(فى ذهول): إيميل؟! 0000بعتلك إيميل جارنا المسيحى؟!!!!!! وإزاى يا بت تقبلى تتكلمى مع الى اسمه إيميل دة0000وهو مين عشان *** بتاعك دة يبعته لينا!!!!! عفاف(فى سرها) طب أفهمها إزاى دى بقى؟!! عفاف:يا ماما اهدى 0000إيميل جارنا مين بس! الأم: مش انتى الى بتقولى يابت! عفاف:إيميل يعنى جواب 000بس عالنت! الأم: برضه هتقولى يابنتى أنا مش فاهمة البتاع الى بتتكلمى عليه دة! عفاف:النت دة ياماما حاجة فى الكمبيوتر 000ممكن نبعت فيها رسائل لناس برة ونستقبل منهم رسائل برضه دة غير حاجات كتير الأم:أنا ماليش فى الكلام دة!0000الى عاوزة أعرفه هو مين ومعاه شهادة ولا لأ؟ وأصله إيه وفصله إيه؟! عفاف:هو اسمه حاتم! وطاالب فى هندسة حاسبات و0000 قاطعتها الأم طالب؟!!!!!!   عفاف: أيوة ياماما بس فى آخر سنة الأم:بصى أنا ماليش دعوة أنا هتصل بأبوكِ وهو يتصرف اتصلى بيه انتى عالموبايل وأنا أكلمه00000زمانه عالقهوة!!!!! وفى قهوة المعلم حسنين رن الموبايل بتاع عم حلاوة العنتبلى الجزار حلاوة العنتبلى(بصوت خشن): أيوة000مين؟ الأم: أنا يا معلم العنتبلى: عاوزة إيه !!! الأم: تعالى يا خويا شوف بنتك جايلها عريس من النت !!! العنتبلى: بتقولى منين ؟!!!! الأم: من النت يا حاج! العنتبلى: يعنى إيه ؟! فهمينى الأم: ياخويا لما أفهم أنا أبقى أفهمك!000تعالى اسألها بنفسك! العنتبلى: ماشى000هخلص دور الطاولة دة وآجى على طول ثم أغلق الموبايل وأخذ يكلم نفسه! نت!000دة يطلع إيه دة كمان؟! مالك يا معلم حلاوة ؟!00000انت بتكلم نفسك ولا إيه؟! سأله صاحبه الذى يلاعبه الطاولة هذا السؤال فانتبه المعلم حلاوة وقال العنتبلى: قولى يا زينهم000بما إنك متعلم ومتنور ومعاك تالتة إبتدائى!!! 0000يطلع إيه النت دة؟! طبعا المعلم زينهم اترسم بقى وأخذ وضع فخر وعزة وهو يجيب وإنت إيش عرفك بالأشكال دى يا معلم؟!  العنتبلى: أهو عرفت وخلاص زينهم: والله يا معلم حلاوة أنا سمعت مرة البت بنت أخت عمة جار خالتى! بتقول انها شافت عالنت صور لمذابح بتحصل فى العراق! العنتبلى: آآآآآآه0000يعنى زى تليفزيون كدة يعنى! زينهم: لا يا معلم مش زى التليفزيون0000وإنما تقدر تقول عليه جرايد بس بتتشاف عالكمبيوتر! العنتبلى: معقولة ياد الجرنال يدخل عالشاشة الصغيرة دى؟! طب بيدخلوه إزاى؟! زينهم(عامل فيها فكيك بقى!): مش فى فتحات ورا فى الشاشة يا معلم؟!000أكيد بيدخلوا الجرنال منها! العنتبلى:أكيد الناس دى فاضية وموراهاش أى حاجة تعملها! زينهم: هو كدة بالضبط يا معلم!0000بس ليه دة كله؟! العنتبلى: أصل مراتى بتقولى بنتك جايلها عريس من النت! زينهم: ألف مبروك يا معلم00000أكيد تقصد ان متقدملها صحفى!!!!!!!!! العنتبلى(مبسوط): بجد ياد يا زينهم؟! زينهم: طبعا يا معلم 0000ماهو زى ما قلتلك النت عبارة عن جرايد عالكمبيوتر يبقى قصدها ان واحد جرنالجى اتقدملها! مبروووك يا معلم! كدة ممكن تعمل دعاية للمحل بتاعك فى الجرنال! وتطلع صورك فى صفحة الحوادث! العنتبلى: طب العب يا وش السعد العب! رمى زينهم الزهر ثم صرخ دش!!!0000راحت عليك يا معلمى! يتبع000000000 عذرا لبعض المخالفات التي سيقت في القصه ويجب انكارها ولكن لامانه النقل وللاسف كثيرا هكذا نسال الله الثبات انتظروا الجزء التاني التعديل الأخير تم بواسطة قاصرة الطرف ; 26-02-2007 الساعة 10:23 PM. 
|
|
#2
26-02-2007, 09:54 PM
|
||||
|
||||
أخي الكريم
الجواد الأصيل الوالدين تركوا الموضوع الرئيسي وهو العريس المتقدم لبنتهم وأخذوا يتساءلون عن ماهية (النت) وهذا الامر طبعا منتشرفي دولنا في ظل جهل أغلب الاباء عن حقيقة النت وخفاياه وتمسك الآبناء بهذا الجهاز والأبحار فيه والدخول في دهاليزه من غير رقابة من الوالدين بحكم عدم معرفتم وجهلهم به أو أهمالهم أيضا في بعض الحالات لكن السؤال المطروح (( أين الفضول للتعرف على ما هو (النت) من قبل أن يتقدم العريس ))!!! جزاك الله خير أرجو أن تكمل الجزء الثاني حتى نفهم الموضوع كاملا وفقك الله سيتم نقل الموضوع لقسم القصة والعبرة التعديل الأخير تم بواسطة قاصرة الطرف ; 26-02-2007 الساعة 10:26 PM.
|
|
#3
26-02-2007, 11:30 PM
|
||||
|
||||
|
هههههههههههههههههه
عرض مضحك وسط الم الحقيقة وكنت منذ فترة افكر بنفس الامر هل لو تعرضت الفتاة لعريس عن طريق النت هل كله بالاول والاخر يعتبر خطيء ولعب عيال زي ما بيقولوا هل وقتها الاهل بيعتبروا نفسهم فشلوا في تربيتها في رايي الامر له اعتبارات اخرى ..فانا لا اشجع الزواج بالنت ولكن هناك زيجات ناجحة جدا ومحترمةعن طريق النت وان كنت افضل سد باب الذرائع في هذا الامر وفي انتظار بقية لعب الطاولة هههههههههه
__________________
اللهم استرنا فوق الارض وتحت الارض ويوم العرض عليك اللهم اشفي مرضي المسلمين وارحم موتاهم اللهم امين
|
|
#4
02-03-2007, 02:55 PM
|
||||
|
||||
|
اعتقد ان نسبة فشل الزواج عن طريق النت من وجهة نظرى تمثل 99.5%
ونسبة النجاح ضئيلة جداااااااااا ؟!؟!؟!؟! ومن ناحية أخرى للأسف أمية الأنترنت تتواجد فى مجتمعنا بنسبة كبيرررررررررررررررررررررة وغياب وعى الأهل بالتطورات الجديدة والعالم الآخر النت والكمبيوتر وعدم التوجيه والنصح والوعى بما يستخدمه الأبناء من تكنولوجيا ومن مساؤى وأضرار التى يمكن أن يواجهوها كل ذلك من الممكن أن ينجرف الأبناء إلى تيار الفشل وما يحصدونه فى النهاية سوى الندم والآلم والحسرة اشكرك اخى الجواد الاصيل على السرد الطيب والشيق وفى انتظار البقية ودمت بخير
__________________
 . اللَّهُمَّ اقْسِمْ لَنَا مِنْ خَشْيَتِكَ مَا يَحُولُ بَيْنَنَا وَبَيْنَ مَعَاصِيكَ وَمِنْ طَاعَتِكَ مَا تُبَلِّغُنَا بِهِ جَنَّتَكَ ، وَمِنَ اليَقِينِ مَا تُهَوِّنُ بِهِ عَلَيْنَا مُصِيبَاتِ الدُّنْيَا ، وَمَتِّعْنَا بِأَسْمَاعِنَا وَأَبْصَارِنَا وَقُوَّتِنَا مَا أَحْيَيْتَنَا ، وَاجْعَلْهُ الوَارِثَ مِنَّا ، وَاجْعَلْ ثَأْرَنَا عَلَى مَنْ ظَلَمَنَا ، وَانْصُرْنَا عَلَى مَنْ عَادَانَا ، وَلاَ تَجْعَلْ مُصِيبَتَنَا فِي دِينِنَا ، وَلاَ تَجْعَلِ الدُّنْيَا أَكْبَرَ هَمِّنَا ، وَلاَ مَبْلَغَ عِلْمِنَا ، وَلاَ تُسَلِّطْ عَلَيْنَا مَنْ لاَ يَرْحَمُنَا
|
|
#5
02-03-2007, 05:16 PM
|
||||
|
||||
|
مشكورة اختي على الموضوع المهم
وبارك الله فيكي
__________________
 إن لي رباً عطوفاً لم يدع يوماً ودادي كلما زدت خطاباً زادني منه ايامي 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اموت بها !! | همس الذكريات | من بوح قلمي | 8 | 15-02-2007 09:37 PM |
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض العادي
