ليش في بعض الأعضاء بالمنتدى بيعملوا هيك؟؟؟؟أرجو الرد...

[عاشقة فلسطين]

السلام عليكم ورحمة الله وبركاته

كيف الحال؟ أتمنى يكونوا الجميع بخير

من فترة يا جماعة الخير لفت نظري شي بالمنتدى

في بعض المواضيع بين فترة وفترة بتلاقي الأعضاء رجعوا انتبهوا لها وردوا عليها من جديد

وفي مواضيع بتكون ملفتة للأعضاء فدايما بتلاقوا عليها ردود كتير

الموضوع مو هون ...الموضوع انه في احد مواضيعي اللي هيك كان فيها

انتبهت لشي وبعد فترة لاحظت انه بتكرر..بلاقي رد جديد بس مو جديد

لأوا مرة بقرأه بلاقي اني قرأته قبل هيك ورديت عليه بس مع هيك جديد...كيف؟؟؟؟

باختصار..انا بكون قرأت الرد ورديت على الكاتب الأصلي

وبلاقي انه نفس الرد نسخه عضو آخر كمشاركة منه بما فيه من أخطاء إملائية او اسماء او عبارت مميزة في ردود بعض الأعضاء اللي ردهم دائما مميز

ولما يكون هالشي في موضوع عادي اوكي نوعا ما بس لما يكون في موضوع مطلوب فيه رأي أو لعبة مثلا بيكون غلط كبير.....وكمان اللي مو حلو في هيك انه الشخص اللي دائما يعتمد على نسخ ردود الأعضاء ما بنعود نعرف جنسيته او لهجته لأنه كل مرة بلهجة حسب الشخص اللي كتب الرد المنسوخ وما فينا نعرف شخصيته من خلال الرد

يا ترى هل هاد الشي بسبب عدد اهتمامه بالموضوع وكاتبه؟؟ أو لزيادة عدد المشاركات من غير جهد ولو بسيط؟؟؟ أو لعدم قدرته على كتابة شي من عنده ولو كلمة شكر أو دعاء؟؟؟؟

ليش هيك فيه أعضاء بيعملوا؟؟؟ في حد بيعرف ليش؟؟؟