مجموعة احذية

[جود87]

السلام عليكم ورحمة الله وبركاته

حلمت انه جاني كرتونين مليانين جزم " اكرمكم الله" وان هذي الجزم هي بالاساس لي انا واني اعطيتها بنت خالتي اسمها " امل " يمكن تكون تحتاجهم ثم رجعتهم لي وكانها استخدمتهم ورجعتهم لي . ثم فتحت كرتون اشوف الجزم اللي فيهم وكنت اقول الزين فيهم بخليه واللي مو كويس برميه وكانت فيه جزم كثيره والوان متعدده وحده منهم خضراء قلت في الحلم ما بيها ثم شفت جزمه ثانيه بنيه قلت اقدر استخدمها وكانت فرده وحده وقلت اكيد الفرده الثانيه بالكرتون الثاني ثم شفت جزمتين كانوا حلويين واعجبوني وقعدت اناظرهم باعجاب وقلبتهم وكان مكتوب عليه صنع في ايطاليا واعجبني انها صناعه جيده وانها من محل جيد وعلى انها من محل اسمه "معاذ" لكن مقاسها كان صغير قلت بعطيها احد يستفيد منها ثم شفت كم جزمه عندي اياهم بالواقع كانوا بحال جيد وقلت بخليهم بس مافتحت الكرتون الثاني وانتهى الحلم

للعلم ان علاقتي ببنت خالتي ليست قويه ولا يوجد مشاكل بيننا لكن لظروفهم لا اراها الانادرا ولا يوجد بيننا علاقه قويه بحيث اني ممكن اعطيها شي من اغراضي تستخدمه ولا شفتها تقريبا من سنتين لوجودي خارج البلد , اما اسم المحل للي منهم الجزمه الصغيره فما اعرفه .
انا متزوجه من 9 اشهر من رجل متزوج وله 3 اطفال , ماعندي اطفال , استخدمت لفتره موانع حمل وادرس حاليا ماجستير , محافظه على صلاتي ووردي اليومي

[جود87]

لا اله الا الله