مع الصدفيه 27 عاماً علاجاً ودواءاً

[سيد عبدالعال]

اخوانى واخواتى
ابنائى وبناتى
السلام عليكم ورحمه الله وبركاته
وكل عام وانتم جميعا بخير بلغكم الله رمضان واعاده عليكم باليمن والخير والبركات والشفاء الذى لاسقم بعده
رمضان مبارك عليكم جميعا

[سيد عبدالعال]

اهلا بكم جميعا وسعيد بوجودكم معنا
الاخ / قمه الجبل
ابنتنا /حميده
ابنتنا المحترمه / ام فرفوره
جزاكى الله الف خير على سؤالك عنا وكل عام وانتى والاسره الكريمه بخير
الاخ /لطفى الرفاعى
بنتهى موسم علاج الصدفيه فى نهايه شهر سبتمبر لان الجو لايتحمله المصريين فيكون بارد فى الصباح الباكر وقرب الغروب والتفاصيل موجوده فى موضوعى كل ماتحب معرفته عن سفاجه الاسعار والاماكن وكل شيئ
الاخ الكريم /المضيانى
استعمال الدبروسلك يوصف لمن كان يستعمل الكورتيزونات سابقا وفى برنامج محدد حتى نسحب الكورتيزون من تالجسم بالتدريج اما اذا لم تكن استعملت الكورتيزون سابقا ابدا فاستعمل خلطات طبيعيه بالفزلين ومرطب البشره ومرهم جارامبسبن استعملهم بالتناوب
شاكر فضلكم ودام عزكم وبارك الله فيكم جميعا

[ألانوار]

السلام عليك ..ياوالدنا سيد عبد العال

[احلى الفصول]

السلام عليكم ورحمة الله وبركاته ، وتحياتي للجميع ،
قريت بعض الاخوة والاخوات يستفسروا عن سفاجة ....؟

انا من الدمام ومصاب بالصدفية اكثر من 20 سنة ، ولما دخلت هذا المنتدا وقريت كلام السيد عبدالعال جزاه الله خير قررت اروح وحسم الموضوع ، لكن للأسف كان تخطيطي للسفر مو جيد ، لكن غامرت وخضت التجربة .

لي 10 ايام تقريبا في سفاجة وجيت انا والاهل كلهم بالطيران من الدمام- القاهرة - الغردقة ، ثم اخذنا تاكسي مخصوص (بيجو) من موقف التكاسي ورحنا سفاجة بعيدة عن الغردقة 60كيلو بـ60 جنيه ، وصلنا ودخنا بين هالعالم ، رحت قرية مينا فيل وكان السعر حول 1100 ريال لليوم الواحد علشان عايلة مكونة من 6 افراد يعني لازم غرفتين ، سعر الفرد الواحد لغير المصريين حول 400 ريال مع العلاج (العلاج يضيفون 20 جنيه لكل يوم) في طبيب مقيم يتابع حالتك كل يوم ، سعر الإقامة في مينا فيل للمصريين مع العلاج حوالي 190 جنيه ، حاولت فيهم يعطونا سعر المصريين بس ماطاعو وجبنا واسطات وبرضو مانفع ، عموما رحنا قرية العقبي وهي قريبة من البحر وهي عبارة عن مجمع سكني داخله وحدات سكنية صغيرة ، وكان سعر الوحدة غرفتين وصالة 1600جنيه بالشهر، لكن الغرف والصالة صغيرة حيل وماصلحت لنا ، قابلنا فيها ابن صاحب المجمع اسمه ابراهيم وكان صريح معنا وقال حنا مانعالج لكن كل الي يجونا عندهم صدفية ويجتمعون سوا ويروحون البحر سوا ونفسيتهم تكون حلوه وهم متجمعين مع بعض ويشجعون بعض ، عموما ماجازلنا المكان ورحنا سكنا في فندق الؤلؤة مؤقت ماشي حاله ونظيف ودورت شقق مفروشة ولقينا الاسعار تتراوح بين 800 جنيه الى 3000 جنيه بالشهر ، حسب بعدها عن البحر ونظافتها ، اخذنا شقة بـ3000جنيه بالشهر قريبة شوي من البحر ، لكن البحر القريب زحمه ولا تقدر تاخذ راحتك العالم زحمة في البحر وكنت اروح لمكان بعيد شوي مافيه احد على طريق (كيلو 8) بتجاه الغردقة في مبنى مهجور كان للجيش ونتقل وهذا المبنى قديم وماله سقف يعني مرة حلو للشمس تاخذ راحتك فيه على الآآآآآخر ، عموما في مواصلات اسمها (مكروباص) باصات صغيرة تدور في سفاجة من اولها لأخرها وسعر المشوار من ربع جنيه الى نص جنيه لأبعد مشوار يعني رخيص حيييل ،

ليي 10 ايام في سفاجة اول يومين اجتهدت ورحت البحر مرتين في الصباح والمساء وبعدها مافي شده ولا حيل صرت اروح مرة وحدة في اليوم ، طبعا قبل لا اروح البحر رت لـ مينا فيل وسويت كشف عند الطبيب المقيم وسعر الكشف 150جنيه ، واعطاني وش اسوي ، قالي كل يوم الصباح من الساعة 6 صباحا الى الساعة 7 في البحر ، ومن الساعة 7 الى الساعة 8 في الشمس ، والفترة الثانية من الساعة 4 عصرا الى الساعة 5 في البحر ، ومن الساعة 5 الى الساعة 6 في الشمس ، وقالي حالتك ماتحتاج اي تركيبات او خلطات فقط فازلين طبي ادهنه قبل النوم ثم الصباح اتروش وشيله وهذا كل شي .

عموما خلال العشر ايام مع اني مالتزمت في جدول الدكتور بس في اماكن راحت نهائي وفي اماكن خفت كثير وبعض الاماكن يادوب شوي تحسنت ، عموما انا اقتنعت ان بحر سفاجة مفيد للصدفية بس يبغاله واحد يلتزم .

توقيت الزيارة عندي ماكان منسق لكن حبيت اخوض التجربة وشوف ، انا من اول ماكنت ناوي اقعد شهر ، والسبب الثاني الي ياخذ عياله معه بيتعب بالذات اذا ماعنده ولد كبير يقوم بدوره وهو غايب ويخلص طلبات الاهل ، عموما انا تعبت حيل في هالعشرة ايام وقررت اروح القاهرة نفسح الاولاد 5 ايام ثم برجع ثاني لسفاجة اقعد فيها لين 20/8/2010 ثم ارجع للدمام .

عموما الي يبغى يروح بالحاله او معه زوجته بالحالها يكون احسن ، لكن الي عنده اربع اولاد وكلهم صغار مانصح ياخذهم معه دوخة راس يالله توفق بين روحتك للبحر ولا تخلص مقاضي البيت ومرح تضبط معك ، الا اذا سكن في فندك على البحر او في مينا فيل بس اسعارهم غالية ، يعني سعر الغرفة مزدوج حول 400 جنيه .
والي بياخذ شقة مفروشة اهم شي يتأكد ان خزان الموية كبير ويشرط على صاحب الشقة اذا انقطعت الموية عليه انه يوفرها وعلى حسابه ويحط عليه غرامة في العقد علشان يلتزم ، المويه هنا في سفاجة تجي كل 4 او 5 ايام مرة وحدة يعبون خزاناتهم في هاليوم وأكثر السكان مركبين خزانات كبيرة او اكثر من خزان علشان يكفيهم انقطاع الموية ، لكن الشقق المفروشة بتحصل بعضها خزان صغير والموية ماتمشيك يومين ولا هي قاطعة ، ولا في وايتات او سيارات موية تروح تشتري من برا علشان تعبي خزانك يبغالك واسطات علشان تلقى موية .

سفاجة عبارة عن قرية كبيرة وهادية وأمنة ولا فيها مشاكل وكلهم يعرفوا بعض .

لكن نصيحة الي بياخذ عياله معه يشحن سيارته من جده لسفاج ويروح طيران ثم يستلمها من سفاجة او يشحنها للغردقة احسن وينسق طيرانه انه يوصل ثاني يوم من وصول سيارته ويركبها ويروح سفاجه بسيارته ، لأن الي عنده سيارة يقدر يروح اي مكان براحته وفي اي وقت يبيه واي مواد غذائية مايلقاها في سفاجة يقدر يروح الغردقة كلها نص ساعة يشتري اي يبي ويعود لسفاجة ويقدر يفسح اولاده في الغردقة ويرجع بكل راحة ، لكن الي مامعه سيارة بيتعب حيييل .

عموما انا ان شاء الله ناوي ارجع السنة الجاية ان الله احيانا وبنسق زيارتي عدل قبل لاجي وانشاء الله يكتبلنا ولجميع الشفاء .
وكل الشكر لأصحاب الموقع وللسيد عبدالعال وللجميع ، وجزاكم الله خير ،،

[ألانوار]

حياك الله اخي احلى الفصول
شرح وافي ومفيد للي يريد يروح سفاجا ..الله يسهل عليك السنة الجاية بالشغاء

[جودينا]

شكرا اخونا احلى الفصول لطرح تجربتك بالتفصيل

شكرا لك والله يسهل لك السفره السنه الجايه

[أم فرفورة]

يعطييييييييييييييييييييييك العافية أخوي أحلى الفصول غطيت ووفيت وكل عام وانت بخير ورمضان مبارك عليك والاسرة الكريمة

[أم فرفورة]

أخوي ممكن تكتبلي عنوان الحي اللي فيه الشقة واسم مالك الشقة او تلفونهم عشان وانت تتكلم عن معاناة السفر مع العيال كاني أنا اللي أتكلم عندي الحمدالله زيك 4 الله يحفظهم ومأقدر اتركهم شهر صعب وإن شاءالله قررت أروح العام القادم عمر الصدفية 18 سنة الحالة عادية قشرية تروح وترجع يعني نفس حالتك تقريباً بدل مأدوخ دوختك لك أجرك عطيني رقم وعنوان الشقة وكيف الموية فيها ونظافتها وكم غرف وأي دور طيب سفاجا فيها مكان تمشية للعيال زي القاهرة أرجو الافادة لاني متخوفة من دا التجربة وخاصة لاول مرة اما القاهرة دايماً أروحلها

[العماني2009]

اختي ام فرفورة:
يسمح لي اخي ان اجيب عن تساؤلك- سفاجا مدينة متوسطة وبها كل شي ولا تتخوفي من موضوع العيال المحلات ممتازة وبها حدائق ومقاهي ومطاعم وشقق وكل شي
المشكلة في البرنامج يمكن ما اتحصلي كثير وقت للأولاد

انصحك من الآن بعمل الآتي:
- ماء مالح وشمس قدر الامكان
- خلطة الدهيمية
- بذرة الكتان يوميا على الريق قدر ملعقة
- البعد عن البقوليات والدهون المشبعة

وبإذن الله ستأتي السنة القادمة ولن يحتاج للذهاب الى سفاجا

على فكرة في طريقة وقد تعلمتها من ابناء الصعيد ان يعمل ملابس ويممر عليها المادة التي تعمل للنوافذ والتي لا تسمح للمياه بأن تدخل الى الغرف وبالتالي يملئ تلك الملابس مياه مالحة ويجلس في البيت لمشاهدة التلفاز او مع الاولاد بدون مشاكل لساعات طويلة وستذهب الصدفية بعون الله

تحياتي للجميع وتمنياتي لي ولهم بالشفاء العاجل

[صابر و حامد]

السلام عليكم
سؤال يحيرني ويطرح نفسه ، ماذا يميز بحر سافاجا عن البقية ؟ يحتاج لدراسة وتحاليل لمعرفة التركيبة والمواد الكيميائية الموجودة فيه.