|
|||||||
| ملتقى القصة والعبرة قصص واقعية هادفة ومؤثرة |
 |
|
|
أدوات الموضوع | انواع عرض الموضوع |
|
#1
04-07-2010, 10:51 AM
|
||||
|
||||
شيخ الجامع والشاب الفايع وبنت الشارع...((حوار))
السلام عليكم هذا الموضوع يتحدث عن واقع شباب المسلمين من شباب وفتيات وعن الدعاة المصلحين الذين يحاولون بأقصى جهدهم تغيير الأفكار الخاطئة التي بدأ المجتمع يعتبرها من الأمور الطبيعية مع أنها مخالفة لتعاليم ديننا الحنيف ومن الطبيعي أن يكون النصيب الأكبر من النصائح للفتيات من غير إهمال الشباب الذين ضاعوا في أحضان الغرب والتقليد الأعمى, عارف إنه الكلام قاسي شويّة!!!والحوار طويل لكن كله من أجل الفائدة. الحوار الرائع بين شيخ الجامع والشاب الفايع وبنت مارة من الشارع (إضحك/ي واستفيد/ي) كان في شيخ ماشي مع شاب دايما شارد الذهن وسرحان وأصابه بعض الجنون من كثرة الشوفات وملاحقة البنات حتى إنه صار يحكي مع نفسه في بعض الأوقات فأراد الشيخ أن يعرف مشكلته ويحاول مساعدته وبدأ الحوار الشيخ : يا إبني مالك شو في؟ إحكي لي همك إشكي ساكت تضحك وتبكي مثل العاشق الولهان الشاب: يا شيخي أحكي لك إيش الستالايت جاب لي الطيش شوش لي عقلي تشويش حب وغرام ونسوان الشيخ: يا ابني ما تتجوز في بيتك اطلب وتعزز تستر نفسك وما تندز إلى طريق الشيطان الشاب : إيدي والله قصيرة ما عندي غير الحصيرة مين تقبل عيشتي المريرة وتتزوج هذا الطفران ( وفي هذه اللحظات تمر الفتاة بالقرب منهما لينسى الشاب ان الشيخ ماشي معاه وتبدأ حالة الجنون) الشاب : بق بق بق بق بق بقيق مين الحلو عالطريق ماشي والمشية بطريق إغلي يا قلبي غليان لالي يا قلبي لالي لصوت الكعب العالي ماشي بمشية غزالة اغلي يا قلبي كمان ول ول ول ول ...لع لع لع شوف البدي المبرقع بوسطه "Love You" تلمع والبنطلون ممزع وقلبي ثاير ثوران (بعدين بصحى على حاله وبتذكر أنه الشيخ معاه) آخ ..يا شيخي يلا ابدأ أحكي للبنت تهدأ والله مش هيك المبدأ تخبي الشعر بمنديل وتظهر لي ايد وسيقان الشيخ: يا أختي ويا بنت الدين والطريقة الصحيحة بكفي حب وغرام وآخر موضة وتسريحة عودي التزمي بالإسلام وخذي مني النصيحة واعبدي الرب الرحمن واذكريه بتسبيحة البنت : Sorry يا أنكل كتير ما سمعت الحكي الأخير عألي طاير بالتفكير إيش عالسهرة الفستان (طبعاٌ مين يرد عليها لأ مش الشيخ صح أبو فيوزات ضاربة لما سمع الحكي المدلع) الشاب: يا شيخي احكي لها ترحمني بدلع وخفة تكلمني والله "تؤبرني" تقتلني ارحموا بني الإنسان الشيخ : كنتي ماشية بأحلى درب عفة وأخلاق وأدب صرت تغازلي أي شب ضحكوا علينا الغربان البنت : هي دي إسما الحرية ضحك وعيشة هنية لعب وفرحة وكيفية وبصاحب أحلى الشبان الشيخ: كنت الحرة المصونة بجلبابك مزيونة قالوا شوفوا المدفونة مخبية الجمال الفتان عفة وطهارة وإباء بنت سمية والخنساء حشمة ووقار وصفاء بنت التقوى والإيمان لكن من عدة سنوات نادوونا بالمساواة ليشبع أهل الشهوات وتعطيهم حب وغرام ديني أعطاك التقدير رفقا رفقا بالقوارير والغرب نادى بالتحقير لتشبع منك القطعان قالوا يلا نتحرر نلبس نلعب نتغندر ولباسنا الساتر نهجر ونلبس تنورة وفستان البنت: ممكن أعرف شو بالضبط بلباسي شو في غلط هي الشعر مربط بقماشة وساترة الأبدان الشيخ: يا بنتي الحمد لله إنّك بدك تسمعي يلا تنحكي سوا ويا رب إنك ترجعي نذكر نصيحة وهدى من سنتنا و القرآن بدي أحكي في وضوح وأفتح بعض الجروح عسى ألمنا يروح ويرجع الوضع تمام لابسة لباس ومش لابسة تتمايلي بمشية وجلسة حركت الشهوة بنفسي ووسوس لعقلي الشيطان يا أختي وبنت الأمة إسمعي كلامي اهتمي ريحة جنة ما بتشتمي إن ما سترت الأبدان جلبابك أجمل لباس سترك في ديني أساس جوهرة ما بين الناس تعطي بريق ولمعان بكلامك لا تخضعي في حكيك لا تتدلعي بعطرك لا تطلعي ليطمع فيك الطمعان البنت : عالجلباب لسا بدري بدك بإيدي أحفر قبري ما طلبني حدا ونفذ صبري قلت تزيني لييجي العرسان عطري وزينتي والمكياج كلها من أجل الزواج هيك يطلب المزاج إغراء ولبس القمصان يا شيخي آلت لي الماما إلبسي تنورة وبيجامة من صوتك خلي النعامة تطل براسها من بين الكثبان الشاب: هو في ظل راس مغطى والله من صوتك يا بطة نط قلبي نطة صابني منها هبل وجنان الشيخ: وقت المنادي ينادي لا ينفع ماما ولا دادي وقت حساب العباد نجاتك دينك والقرآن إحكي للماما البنطال فيه تشبه بالرجال ملعون اللي ما يغير هالحال هيك حذرنا العدنان احكي لها كل شي نصيب بدها العريس دايما طبيب أو مهندس والشرط يجيب شهادته من أرقى البلدان خليها تخفف المهور سيارة وشرط البيت المعمور لتغمرنا فرحة وسرور ويتزوج هذا الغلبان يا بنتي بكفي كلام أوهام وفارس أحلام تجنبي الطريق الحرام واختاري حب الرحمن البنت : كلامك حلو وانت هادي ما في خواتم عالأيادي!! أظنّك فهمت مرادي تزوجني لأعطيك الحنان الشيخ : ما بدي اعيد ولا أزيد اعرفي شو بدك بالتحديد حرام او الطريق السعيد ربنا يزيدك هدى وإيمان البنت : هادا الكلام عارفيته في الكتاب قريته بس عالرف حطيته وفوقه مجلة الفنان بوعدك يا شيخي أفكر ممكن نفسي أغير مع إني كنت معتبر حالي ملتزمة بالإسلام وتذهب الفتاة مبتعدة عن الشيخ والشاب ويشعر الشاب بالفرحة مما سمعه من الشيخ_مش عارف إنه جاي الدور عليه_ فيقول الشاب : أيوا يا شيخي أيوا علم لي بنات حوا إحكي وفهم بقوة إنا مش حجر صوان الشيخ : يا إبني بكفي هبل صايع من دون عمل في الرايحة والجاية بتتغزل وعامل شعرك كالسعدان لق لق لق لق .. بق بق بق شو هالكلام الأخرق من هبلك عقلك طق دايما بتفكر سرحان بكفي ضياع وجهل استخدم مرة العقل صوم وصلي النوافل لتظل نفسك في أمان الشاب: حاضر يا شيخي حاضر طلباتك أوامر مع إني والله مش صابر رح حاول أصبر كمان الشيخ: يا ابني بكفي نوم من غفلتك يلا قوم اعبد الحي القيوم وصبر نفسك بالصيام لو بنت تلبس تتبرج غض بصرك لا تتفرّج الشهوة بقلبك تتوهج بسهام النظرة الحرام لا تظل بتقليدك أعمى إنساك من لولو وأسما خلي تفكيرك أسمى علم وتعمير الأوطان بكرة بتصير مهندس طبيب أو مدرس ابني هالجيل وأسس جيل النهضة والعمران رجّع للدين أمجاده إحكي للعالم إحكي إحنا العلم وأسياده من خراسان حتى مكة إحنا الرازي وأحفاده وأبناء إبن الحيان الشاب : كلامك أثر فيّ حقك والله عليّ وقت النهضة الدينية يسلم لي هذا اللسان (والسؤال التالي يوضح كم أثّر فيه كلام الشيخ !!) الشاب: يا شيخي البنت راحت واختفت ما بين الناس يمكن عالمسجد راحت وانتصرت على الخناس الشيخ: ممكن يا إبني بصير لكن أيضا تذكر جنب المسجد الصغير صالون الشعر الأشقر خوفي يكون هدف المسير يا ربي اكون غلطان؟؟؟؟؟؟؟؟؟؟؟؟؟؟؟؟!!!!!!!!!!!!! الهي احفظنا كي لا نضل وننقطع عنك فمن انقطع عنك عاد لا يعمل خيرا ابدا أسأل الله الحفظ والهداية نسأل الله السلامة والسداد في الأمور كلها استغفر الله العظيم من ذنبي مما راق لى دعوووووووووواتكم
__________________
فوضت أمري إليك :: كل اعتمادي عليك روحي إلهي بايديك :: يا خالقي وإلهي عمري إلهي انقضى :: علي ضاق الفضا منايا منك الرضا :: يا خالقي وإلهي الشوق في دليل :: والجسم صار نحيل والدمع بات يسيل :: ما جف يا إلهي يا ليت لي نفحات :: كي أختلي لحظات وأرفع الدعـوات :: بها تبوح شفـاهي 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض العادي
