موسوعة الفوازير

[المستغفرة]

س : ليه الصعيد بياخد مراته كلش وية و ينزلها البير ؟

ج : عشان يقولها سر و يخلي السر في بير

.....

س: ليه الصعيدي الصغير حط الضفدعة في عب أخوه ؟

ج : لأنه ملقاش فار

.....

س : ليه الصعيدي لما بيسافر بياخد سكر معاه ؟

ج : لأن الغربة ((مرة))

.....

س : ليه الصعيدي كل ما يشوف لوحة يلحسها ؟

ج : أبدا .. بيتذوق الفن

.....

س : ليه الصعيدي أشترى شريط كاسيت فاضي ؟

ج : علشان يسجل الكام فدان ألي حلته

.....

س : ليه الفيل مبيقعدش النملة قدامة على العجلة ؟

ج : علشان متخيلهوش

.....

س : ليه الصعيد ما بيستحماش ؟

ج : علشان يبقى صاحب طين

.....

س : ليه الصعيدي بيحط جنبة قفص ؟

ج : علشان لو عصافير بطنة صوصوت يحبسها و يكلها

.....

س : ليه الصعيدي بيحط جنبو معلقة ؟

ج : علشان يقلب أفكاره

.....

س : ليه الصعيدي راسم قطة على صدره ؟

ج : علشان تاكل الفار اللي بيلعب في عبه

.....

س : اه وجه الشبة بين الديناصور و الصعيدي الذكي ؟

ج : الأتنين أنقرضو

.....

س : ليه الصعيدي بحط طشط مليان مية تحتو قبل النوم ؟

ج : علشان يغرق في الأحلام


س : ليه الصعيدي مربي شنبة ؟

ج : علشان الدبان و هوداخل بقه يمسح رجليه

.....

س: ليه الصعيدي دايما كلمته ألي في دماغه دايما بيعملها ؟

ج : لأن دي أم راسو و طاعة الوالدين واجبة

.....

س : ليه الصعيدي غسل وشه ؟

ج : علشان ناوي يروح حفلة تنكرية

.....

س : ليه الصعيدي فضل يضرب أبنه لحد ما أتجنن ؟

ج : علشان يقولو ده واد (( جنان ))

.....

س : ليه الصعيدي بيمشي على الكوبري و هو رافع ايديه ؟

ج : علشان الكوبري ((مسلح))

.....

س : ليه الصعيدي بياكل مخلل كتير ؟

ج : علشان يبقى واد حدق

.....

س : ليه الصعيدي الصغير قتل أبوة ؟ و بعدين قتل عمه ؟ و بعدين موت نفسة ؟

ج : قتل أبوة علشان يرح رحلة تبع ملجأ الأيتام.... و قتل عمه علشان ياخد أبن عمه معاه....

و موت نفسه لما لغو الرحلة

.....

س : ليه الصعيدي رمى أبنه قدام القطر ؟

ج : علشان يشوف بيخاف ولا لأ

......

س : مين أسرع شهرزاد ولا المعزه ؟

ج : شهرزاد أسرع لأنها من ا((لجواري)) أما المعزة فمن ((المواشي))


طب ليه الصعيدى بيحط قدامه كباية ماء فاضية وأخرى مليانة ؟؟
عشان يمكن يشرب ويمكن مايشربش
ليه الصعيدى بيحط جنه كباية شاى قبل ماينام ؟
عشان الشاى منبه
ليه بيحط جنب كباية الشاي كباية قهوة ؟
عشان لو الشاى مارنّش


س : ايه الحاجة اللى بتطفو على وش الميه و أول حرف (ح) ؟

ج : حتة خشبة

.....

س : طب ايه الحاجة اللي بتطفو على وش اليه و أول حرف (ب) ؟

ج : برضة حته خشبة

.....

س : واجد حدف طوبة على أزاز عربية متكسرش ليه ؟

ج : ربنا ستر !!

.....

س : فرخة بصت يمين و شمال وعدت الشارع ...... ماتت ليه ؟.

ج : الطوبة اللى حدفها الراجل جت فيها !!

.....

س: اللفيل عمل حفلة لعيد ميلاده الحيوانات كلها مرحتش ليه ؟

ج : كانو بيعزوا في الفرخة اللى ماتت

.....

س: ليه مفيش نمل في الصحر ؟!

ج : علشان كان في تدريب للأفيال للهبوط بالمظلات !!

.....

س : ليه التماسيح مبططة ؟

ج : علشان مشيت في الصحرا ساعة هبوط الأفيال بالمظلات

.......


ٍس : ايه للي بيميز اليبانيين عن غيرهم ؟

ج : أنهم بيتكلو يباني بطلاقة

.....

س : واحد يباني طلع القمر .... إية ألي حصل ؟

ج : عدد اليبانيين يقل واحد

......
س : واحد هندى طلع القمر ..... إية اللي حصل ؟

ج : سكان القمر يزيدوا واحد

.....

س : واحد عنده معيز كتير .... واحده تاهت يعمل إية ؟

ج : يسلم أمره لله

.....

س : واحد راكب قطر و بيشرب بايب ؟؟ و واحدة قاعدة قدامة و معاها كلب لولو... الراجل بيعفرفي وشها ...

اتضايقت .. راحت مسكت البايب و رمتة من الشباك ... راح هو مسك الكلب و رماه من الشباك

يا ترى لما بصوا من الشباك لقوا إية ؟

ج : المعزة اللي كانت تايهة الفزورة اللي فاتيت

.....

س : 4 فيلة عايزين يركبوا عربية فولكس يعملو إية ؟

ج : يركبوا 2 قدام و 2 ورا

.....

س : طب 8 فيلة عايزين يركبوا عربية مرسيدس يعملوا أيه ؟

ج : نبيعها و نجيب 2 فولكس

.....

س : ايه وجة التشابة بين الوزة و البطة ؟

ج : الاتنين مينفعش نعمل منهم شربة فراخ

.....

س : طب الزرافة أطول ولا الطيارة أسرع ؟

ج : الفيل أتخن

......

س : فيه برتقانة و عايزين نقسمها على تلاتة نعمل إية ؟

ج : نسألها : أنتي برتقانة .. ح تقول برتقانة و نص ... و كل واحد ياخد نص

[المستغفرة]

ٍٍٍس : أزاي نطلع فيل فوق شجرة ؟!

ج : نزرع تحته بذرة و نستنى لحد ما تطلع شجرة !!

.....

س : أزاي ننقل فيل من شجرة لشجرة ؟!

ج : أي عصفورة تنقله !!

......

س : إزاي ننزل الفيل من فوق الشجرة ؟!

ج : نستنى الخريف و ينزل على ورقة !!

.....

س : طب أزاي نمنع الفيل من انه يمشي من تحت عقب الباب ؟!

ج : نعقد ديلة !!

......

س : أزاي ندخل فيل من خرم أبرة من غير ما يلمسها ؟

ج : ندخل فيلين معاه من عللا الجناب



ٍس : لو عايزين ندخل زرافة في تلات خطواط التلاجة ؟!

ج : 1- نفتح التلاجة 2- ندخل الزرافة 3- نقفل التلاجة

......

س : طب لو عايزين ندخل قرد في أربع خطواط التلاجة ؟

ج :1 - نفتح التلاجة 2- نطلع الزرافة من بره التلاجة 3- ندخل القرد 4- نقفل التلاجة

......

س : عايزين ندخل الفيل في خمس خطواط التلاجة ؟

ج : 1- نفتح التلاجة 2- نشيل القرد 3- نمسح مطرح القرد 4- ندخل الفيل التلاجة 5- نقفل التلاجة

.....

س : لو عندنا طيارة لازم نرمي منها حاجة علشان تكمل طيران ... نرمي إيه ؟

ج : نرمي التلاجة اللي فيها الفيل طبعا ُ

......

س : طب واحد قال أصحابو أنا هسهر معاكو الليله ......و بالليل مجاش لية ؟

ج : أصلو مات لما وقعت عليه التلاجه اللي فيها الفيل



س : أية الست فروق بين الفيل و النملة ؟!

ج : 1- الفيل ممكن يتصور بروفيل لكن النملة مش ممكن تتصور برونملة

2- فيه دوا أسمو كوزافيل لكن مفيش دوا أسمو كوزا نملة

3- و الفيل ممكن رجليه تنمل لكن النملة رجليها أستحالة تفيل

4- و أنت لما تروح تشتري حاجة بتدفع فيلوس لكن مش بتدفع نملوس

5- فيه في المطاعم سادويتش فيليه بس مفيش ساندوتشلت نمليه

6 - و في المطبخ بيبقى فيه نملية و مفيش فيلية

......

س : ايه الست فروق بين الوزة و البطة ؟

ج : 1- أنت ممكن تاكل بطاطا لكن أستحالة تاكل وزازا

2- و كمان أنت ممكن تاكل بطاطس بس مينفعش تاكل وزازس

3- و فيه وزارة زي وزارة العدل ة كدة يعني لكن مفيش بطارة

4- و فيه بطليموس مفيش وزليموس

5- و لما تنزل البحر بتبلبط مش بتوزوز

6- و أنت ممكن تروح الحلاق و تقول أحلقلي زلبطة بس مينفعش تقولو أحلقهالي زلاوزة