حطو العنوان من عندكم

[crying rose]

كان فيه رجال علبركه فقير بيعيش بقريه صغيره المهم جارته مره عجوز عندها عنزه راحت العنزه ترعى وما رجعت وصارت تولول العجوز هيه كل حيلتي وفتيلتي وما عندي غيرها ولفت كل القريه فقالها جارها : روحي يا حرمه عبيتك وبتيجيلك الصبح أكيد بتعرف طريقها (بمحاوله يائسه ليهديها)وروحت العجوز وبالصبح لقيت عنزتها عباب البيت فصارت تلف القريه وتقول: هالرجال ولي هالرجال ولي وهيه فرحانه المهم سمعها حارس من حراس الملك وقالها دليني عل ولي إلي الله فاتح على إيده الملك ضاع خاتمه وإلي بيلاقيه إله جائزه المهم ما قبل الولي يروح مع الحارس راح الملك لما سمع فيه بعت جنوده ليجيبوه وهوه يبكي ويقول: والله أنا مش ولي أنا إنسان عادي ولا حد مصدقه فقاله الملك: إنتا بتتهبل علينا وبدي أحطك بالسجن وإذا ما بيتقولنا مين إلي أخد الخاتم راح نقطع راسك إحمر وإصفر الرجال وصار يلطم أنا مش ولي أنا مش ولي ...وهوه بالسجن وباليوم الثالث إجو ليشنقوه فصاح توبه توبه فهرب خادم الملك من الغرفه وكان إسمه توبه فإنكشف إنه هوه إلي سرق الخاتم وفرح الملك كتير وحلف يقعد مكانه علعرش ما بيصير إنتا ولي سمع الكلام هالرجال قام خبط الملك علشان يطرده من القصر وإلا التاج يوقع وكان عليه عقرب كبير فصاح الملك :والله إنتا ولي والكل يقوله: ولي ولي فصارت وقت صلاة الظهر فحلف الملك ما يصلي فينا الظهر غير الولي رجل مبارك من الله أنقذ حياتي فقال الولي بنفسه هادي أحسن فرصه لما يسجدوا بهرب وبدا بالصلاه ولما سجدوا قام شوي شوي وهرب شافه ولد صغير فصرخ الولي هرب الولي هرب فقام الكل وطلعو من المسجد وراه فإنهدم المسجد فصاح الجمبع الله أكبر ولي الله أكبر هادا الرجال ولي ...

[أبو أسيد]

السلام عليكم ورحمه الله وبركاته

مهو صيت غنى ولا صيت فقر ..
هيك الرجل .. جاي معاه جاي ..
بوركتى أختنا crying rose على هاي القصه الطريفه ..
بوركتى
ودمتى بحمي الله

[لؤلؤة الشرق]

هههههههههههههههههههههههههههههههههههههههههههههه
حلوه حبيلتى هاى القصه

[crying rose]

مشكور أخي بالله أبو أسيد
مشكوره أختي بالله لؤلؤة الشرق
وممنونه لمروركم وردكم