اريد حل لمشكلة بنات خالتي..

[همس الذكريات]

لدي مشكلة ...
لدي ابنة خاله عمرها 13 سنة وبنت خالة ثانيه عمرها 11 طبعا الفارق السني :
الاولى اول اعدادي والثاني خامس ابتدائي
الاولى كبرت وصارت تقعد مع البنات الكبار يعني ماتلعب طبعا تعرفون حركات البنات طاخ قفل الباب على البنات الصغار يعني مايدخل الا الي في الاعدادي وفوق فقط.
طبعا في ناس يتساؤلون عن سبب اغلاق الباب وانا اقولكم :في اشياء خاصة بين البنات مانحب احد يعرفها لا صغير ولا كبير
المشكلة :البنت الثانيه تغار من الي في الاعدادي بشكل مو طبيعي
وفي يوم من الايام انعزمنا كلنا عند وحده من خالتي وهي طبعا تعرف الانترنت وتستخدمة بعقلية واحد فاهم في النت (بسم الله عليها) وهي وحدة من الاعضاء في ملتقى الشفاء
جابت شريط اناشيد اسلامية وكنا نبي نسمعه لوحدنا دخلت البنت (الاعدادي )الغرفة تلاعب بنت خاتها جنى عمرها ست شهور وام جنى تكلم مكالمة خاصة وهي تعرف عن اي سالفه تتكلم عنه
دخلوا البنات الكبار الغرفه يبون يطلعون البنات الصغار عيت البنت الي في الابتدائي تطلع الى ان تطلع الي في الاعدادي مع ان في وحده بسنها بس عاد ...
طبعا تحسون شيء محرج البنت بلغت ويطلعونا مع الصغار قامت البنت وقعدت مع الحريم انتظرت البنات الصغار الى ان يطلعوا الى الخارج وتدخل مع البنات
طلعوا واخذت نفسها ودخلت معهم الغرفة جت البنت دورت عنها مالقتها قالت اكيد انها مع البنات في الغرفة جت دقت الباب وطلعت لها وحدة اولى كلية
قالت لها : نعم وش تبين
قالت : ليش تدخلوناه معكم (الاعدادي)
قالت : انتم رحتوا تلعبون وخليتوها وهي طفشت وجت عندنا
قالت : خلاص مابنلعب طلعوها
قالت :والله ماتطلع
قالت :انتم تحبونها وما تحبوني الخ...
المهم دارحوار طويل الى ان راحت البنت وهي زعلانه
عاد بعدين تقولنا اختها الكبيره انتي (قصدها الي في الاعدادي ) تلبسين ملابس مركبة (يعني التنوره تختارها من محل والبلوزة من محل ) وهي تحاول تقلدك تحطين ارواج تحاول تقلدك بعد
يعني غيره غير طبيعية .
انا اريد حل لهذه الشكلة مع اني ادري انها حركات اطفال بس اذا جلست معهم هذي العادة انقطعوا عن بعض اذا كبروا
خصوصا ان البنت الي في الاعدادي تكلمني وهي منحرجة من بنت خالتها
وازيدكم من الشعر بيت
ان البنت الي في الابتدائي رجعت منازل ما تحب المدرسة ماتواطنها في عيشة الله
وشكل المدرسه يخلف الله
ارجوكم ادري اني طولت بس المشاكل ماتنتهي ...
اريد حل ..

[ام نور]

السلام عليكم ورحمة الله وبركاته

مرحبا حبيبتى همس الذكريات

ان شاء الله مافى مشكلة ولاشئ بس حق للبنت اللى فى ابتدائى تغار منكن

دايما مهملنها وما تحبونها _ هذا تفكيرها _ اذا عليكى حبيبتى ان تغيرى تفكيرها هذا

يعنى حاولوا تشركوها معكن ..... -مش فى كل شئ -

وحسسوها ان كلامها له قيمة عندكن وان لها رأى صحيح

لان مثل ما انتى قلتى ان الغيرة اللى بينهم ممكن تأثر على علاقتهم لما يكبروا

وربنا يهديها وتحب المدرسة والدراسة وانتى انصحيها

ولى عودة ان شاء الله

[همس الذكريات]

انا راح اقول ليش ماتحب المدرسة
حادثة الامن العام بالسعوديه
والدها يعمل هناك وفي ذلك اليوم عادت من المدرسة فلم تجد والدها ولكن رأت في التلفاز الصور لهذه الحادثة المريعة فسالت والدتها عن اين توجد هذه الصور فقالت لها انه مقر عمل والدك (فلقد ارتكبت خطأ باخبارها بالامر لانها تحب والدها حب غير طبيعي ) ثم اتصلوا على ابن عمهم قالوا اذهب ابحث عنه فقال بمزحة {وين اروح ادور جثته}وهو يمزح لأن والدها عندة بالبيت مع انه قال في نفس المكالمه {لاتخافوا هو عندي في البيت} خافت البنت وصارت ماتحب تروحها
ويوم هي في رابع ايام الاختبارات كانت ولدتها تذهب معها الى المدرسة
وتعذبت والدتها خصوصا ان عندها مرض القلب
بعدين انا سألتها : ليش ما تحبين المدرسة
قالت ببراءه كبيرة جدا :اخاف يسير لبابا شيء وانا مو موجودة لانهم ماراح يقولولي
انا يوم سمعتها كنت على وشك ابكي
وهذة هي قصة كره المدرس
حاولت اقنعها وانصحها اقولها وش استفدت من قعدة البيت بس مافي فائده
وش اسوي


اشكرك على نصيحتك حبيبتي يا يا ام نور
نحن نحاول الاستماع لها بقدر الامكان ولكن لاجدوى(حاطة دوبها ودوب بنت خالتها)