فسر لي الحلك يا شيخ بارك الله فيك وجزاك كل خير

[noore_elhuda]

السلام عليكم ورحمة الله
شيخنا الفاضل بدي اتفسر حلم او عدة احلام ازا ممكن وجزاك الله خير وادامك الله بالصحة والعافية والايمان
طبعا انا بحلم كتير واغلبها تتفسر لحالها.
حلمت مرة انه انا كنت فوق علي سطح بيتنا (احنا بيتنا لوحدنا وعبارة عن شقتين فوق بعض والسطح طبعا) المهم.. بس انا مابعرف شو كنت اعمل المهم اجت اختي وهيك فجأة الي هية بتكتب علي الحيط بعلبة بوية او الوان رسمت قلب وكتبت اول حرف من اسمها واول حرف من اسم خطيبها الا انا فجأة اخدت منها العلبة بس ماكان في بالي شي اكتبه بس فجأة الا انا بكتب كلمة محمد بس الكلمة ما اجت علي الحيط لا اجت علي السماء وما كانت مكتوبة بلون البوية او الالوان لا انكتبت بلون الغيوم وكانت مكتوبة بشكل حلو........
بعدها مباشرة شفت نفسي انه يوم فرحي وانه انا متزوجة ودخلت غرفتي وكان معاية وحدة الي هية حماتي بس انا مابعرفها وقالتلي اتفضلي ياحبيبتي بس الشي المحير حكتها باللهجة المصرية وفتحت الخزانة الي بغرفتي كان فيها ملابس واشياء بس الي جذب نظري بالخزانة او الدولاب كانت قطعة قماش تلمع وهاي القطعة حقيقي انا جبتها لامي من العمرة لما رحت عمرة قبل 3سنين برمضان هية الشي الوحيد الي بالحلم جذب نظري بالخزانة وكان في شخص الي هو زوجي بس كان هادا الشخص يشبه عمي كتير كانه هو طبعا عمي عيونه ملونة وحلو .......بس مقلقني هالشي انه شبه عمي بصراحة لاسباب انا اعرفها
انا انسة .وعمري 23سنة......من فلسطين
مابدي اطيل عليك بباقي الاحلام وان شاء الله اكتبهم مرة تانية وانتظر تفسيرك
بارك الله فيك شيخنا الكريم