حريقة في مستشفى المجانين

[دعوة الاخوان]

انا عارفة طبعاااا ان الاسم غريب شوية ويمكن شويتين
بس تخيل معايا كده لو انت في مستشفى مجانين ، كل الي فيها دكاترة وممرضات و مجانين ...الدكاترة لابسين أبيض والممرضات أبيض والمجانين أي حاجة بقى المجنون ممكن يلبس أي حاجة ،...تخيل قامت حريقة فاجئة في المستشفى الدكاترة والممرضات كلهم جرو من باب والمجانين جرو من باب

انت بقى تجري ورا ميــــــــــــــــن ؟؟
قبل ما حد منكوا يجاوب.......... يا جماعة إحنا جرينا ورا المجانين

الرسول عليه الصلاة والسلام والصحابة والسلف (العاقلين) جروا على الآخرة والناس جرت عالدنيا احنا جرينا ورا الناس على الدنيا.... ليه هوليود عملت فيلم غباء في غباء ما الفيلم دا بيتصور في الواقع من معظم الناس بنجاح منقطع النظير ...


العاصي غبي ، اللى بعيد عن ربنا غبي ، الى مش راضى يتوب غبي
مش عايز يفهم مش عايز يستجيب لرسايل ربنا سبحانه وتعالى الذكي الوحيد في الدنيا دي كلها هو الي طايع ربنا سبحانه وتعالى هو الى عابد ربنا سبحانه وتعالى ...اللهم اجعلنا معه


الشيطان قال لربنا في الآيه الكريمة "وإذ قلنا للملائكة اسجدوا لآدم فسجدوا إلا إبليس قال أأسجد لمن خلقت طينا قال أرأيتك هذا الذي كرمت علي لئن أخرتني إلى يوم القيامة لأحتنكن ذريته إلا قليلا "

عارف يعني إيه الإحتناك لما الواحد يركب فوق الحمار ويلجمه ويسوق الحمار يمين يمين شمال شمال هخليهم متساقين يارب هخليهم فرجة يارب هخليهم مضحكة يارب



مش دا الى عمله الشباب ، مش دا الي عمله مع الشباب دلوقتى...
غباء في غباء يا جماعة
للأسف الشديد الي ينزل في الواقع دلوقتى ويشوف المعاصي من معظم الناس يفتكر الكلمة دي
إحنا بنضحك على جحا ...ليه جحا لما هو وابنو ركبوا الحمار الناس قالولهم حرام عليكوا قاموا هما الاتنين شايلين الحمار والناس ضحكت ... بنضحك على جحة ليه لما إحنا شلنا الحمار ربنا أدانا الدنيا عشان تبقى حاجة نركبها نوصل بيها ليه مدناش الدنيا عشان نيشلها وحطها في فترينات ازاز ونحطها في البنــــــــــــــــــــــوك لا يجماعة ربنا إدانا الدنيا عشان نوصله بيها ... إحنا شلنا الحمار


أوعي تكون شلت الحمار وإلا معتش تضحك على جحة بعد كدا بتضحك على جحة ليه جحة لما وقعت فلوسه في الضلما راح دور عليها في النور
بتدور عليها في النور ليه يا جحا ؟؟
" عشان لما اشوف ممكن الاقيها "
إحنا يا جماعة لما السعادة وقعت مننا روحنا ندور عليها في النوادى والقهاوي والمصائف ...

السعادة في الجامع ....السعادة وقعت مننا في الجامع.... بنضحك على الي أشترى التروماي ليه ؟ هو فيه ايه هو في حد يملك التروماي ؟؟هو في حد يملك رزقك وأمنك ؟؟ في حد يملك حياتك وضرك ونفعك ؟؟
واقف على باب المخلوق ليه؟؟؟ متزللو ليه يا اللي اشتريت التروماي بنضحك عالمغفلين ليه يا جماعة ؟؟

كل شوية العالم يغني العالم يغني
مفيش مرة العالم يصلي مفيش مرة العالم يتوب ويرجع لربنا سبحانه وتعالى

د/ حازم شومان

منقول للأهمية