يا محلى اللمة عند ام سامي / ج 2/

[راغبة في رضا الله]

أهلين بالغالية ام سامي الحمدلله عالسلامة
ويارب اختفاءك يكون خير
افتكرنا بسبب اوضاع الاردن
يلا ناطرين تخبرينا السر
وبحب اشكر الاخوة
ام اسراء
وابو الشيماء
وورد جوري عالتذكرة الطيبة
الا بذكر الله تطمئن القلوب
جعل الله اجتماعنا دوما بالخير وعلى الخير وعلى ذكر الله عز وجل وحبيبنا المصطفى صلى الله عليه وسلم
ونسأل الله ان يغفر لنا ويسامحنا على ما غفلنا عنه اللهم آمين
حفظكم الله جميعا

[بشير المحمدي]

حيا الله ام سامي ولمّتها

[راغبة في رضا الله]

ملاك فيقي وصحصحي
هاي فنجان القهوة جاهز بتعرفيني مابحب اسهر لحالي ,وصايبني ارق لاني نمت الضهر كتير وقلقانة
مستنيتك هون لاتطولي

[لمسة ملاك]

المشاركة الأصلية كتبت بواسطة راغبة في رضا الله

ملاك فيقي وصحصحي
هاي فنجان القهوة جاهز بتعرفيني مابحي اسهر لحالي ,وصايبني ارق لاني نمت الضهر كتير وقلقانة
مستنيتك هون لاتطولي

هيني صحيت لما رنتيلي وقرأت كلامك ودخلت بسرعة للملتقى
والله بدها فنجان قهوة وسهرة حلوة
انا نمت شوية وصحيت والله اعلم متى برجع انام
بنصلي الصبح سوى وبنروح ننام ياام ماسة

[لمسة ملاك]

المشاركة الأصلية كتبت بواسطة ام سامي

يا بنات الملتقى ادخلوا شوي شوي بدون ما حدا يشوفكم وما اطلعوا صوت وينكم اشتقت لكم كثيرا بدي احكيلكم اخر الاخبار وسر اختفائي عنكم في الايام الماضيه،شوفو في عريف سري باللمه متذكرين ايام المدرسه والعريف السري على فكره انا عمري ما كنت عريف سري لاني كنت مشاغبه

اضحك الله سنك خالتو ام سامي ياريتك صاحية وتشاركينا فنجان القهوة
عجبني كتير انك كنتي مشاغبة انا توقعت تكوني في مجلس الطلبة

[لمسة ملاك]

المشاركة الأصلية كتبت بواسطة بشير المحمدي

حيا الله ام سامي ولمّتها

وحيالله بأخونا الطيب بشير
الأخ الحقيقي لكل بنات الملتقى
فلم نرى منك الا كل خير وصلاح

[راغبة في رضا الله]

خالتو ملاااااااااخ خ خ -على رأي ماسة-
جننوني ماسة ولين مو راضيين يناموا
شو رايك ابعتلك وحدة منهن تنيميها
شو رأيك بدك ماسة ولا لين هلأ ببعتلك ياها بمسج او بالفايبر

[لمسة ملاك]

المشاركة الأصلية كتبت بواسطة راغبة في رضا الله

خالتو ملاااااااااخ خ خ -على رأي ماسة-
جننوني ماسة ولين مو راضيين يناموا
شو رايك ابعتلك وحدة منهن تنيميها
شو رأيك بدك ماسة ولا لين هلأ ببعتلك ياها بمسج او بالفايبر

أضحك الله سنك ياام ماسة
إيه خالتو ملاخ
انا بحب لين المصلحجية اللي بتناديني ملاخ
ابعتيلي اياها بمسج وسائط

[أم اسراء]

المشاركة الأصلية كتبت بواسطة ام سامي

ام اسراء


بارك الله فيك وحفظك من كل شر ان شاء الله الجميع بخير اشتقنا لكم في لمتنا

حمدا لله على سلامتك ويارب تكونى دائما بخير

واليوم بصراحة عجبنى موضوع فأحببت إنكم تشاركونى إياه

إسمه كلّنا صيادون لكنّ الشباك تختلف

جاء رجل من الصوفية إلى بجكم وهو بواسط ـ
وكان بجكم أمير الأمراء الترك المتحكمين في خلفاء بني العباس بعد ضعف دولتهم وقبل دخول البويهيين ـ
فوعظه، وتكلم عليه بالفارسية والعربية حتى أبكاه بكاء شديداً.
فلما ولى من بين يديه خارجاً، قال بجكم لبعض من بحضرته: احمل ألف درهم، وادفعها إليه.
قال: فحملت،
فأقبل بجكم على من بين يديه، فقال: ما أظنه يقبلها وهذا محترق بالعبادة، أيش يعمل بالدراهم?

قال: فما كان بأسرع من أن رجع رسوله الذي كان أنفذه بالدراهم، فارغ اليد.
فقال له بجكم: أي شيء عملت؟؟

قال: أخذت إليه الدراهم، وأعطيته إياها.
قال بجكم: فأخذها؟؟؟
قال: نعم.
فعضّ بجكم على شفتيه، وقال: إنا لله، حيلة تمت عليّ، كلّنا صيادون لكنّ الشباك تختلف

حقا والله كلنا صيادون ولكن صيدنا يختلف فمنا من يصيد للدنيا ومنا من يصيد للاخرة،

فليسأل كل منا نفسه: اين رميت شباكي اليوم، وماذا كان صيدي؟
نسأل الله حسن الختام وحسن الصيد.
قولوا آمين يا اخوتي.

[ام الشفاء]

بارك الله فيك يا ام اسراء واعطاك من نعيمي الدنيا والاخره قصتك جميله فيها العبره لمن يعتبر