قررت اغير حياتى

[om_islam]

بسم الله والحمد لله والصلاة والسلام على رسول الله وآله وصحبه ومن والاه



فإن غبتم عنّا ما نسيناكم

فاكرين أصحابنا ؟؟؟؟؟؟؟
عبد الله ،
محمد ،
عبد الرحمن ،
أحمد ،
مصطفى ،
أصحابنا اللي بدأو رحلة التغيير
اللي بعضهم قرر يغير حياته ويعيش بجد جنة الدنيا ليحمله الله لجنة الآخره
وبعضهم ....... !!!!

طيب ،،،
أخونا محمد ربنا يسر له طرق الخير جداً ، وبعد صدق توبته شق الصراط المستقيم
أخونا عبد الرحمن
هتكون حلقتنا معه النهارده
*
*
*
هتسبها امتى
عبد الرحمن سأل نفسه السؤال دا
وهو دا السؤال اللى لازم كلنا نسأله لأنفسنا
من أجمل ما سمعت



هتسيبها امتى

Downloadللتحميل

*
*
*

هتسيبها إمتى؟؟؟
الحيـــــاة حلـــوة .. آه ,, بس ليــها نهــــــــاية ,,

فى ناس الشيطان بيلعب بيهم لعبة ظريفة قوى ويقوله: شوف دلوقتى إنت فى مرحلة الشباب فإنت محتاج تقضى شبابك؛ الشباب ده النشاط والقوه، فلازم تعرف تقضيها صح، ولما يا سيدى يبقى عندك خمسين ، ستين سنة تبقى تروح تحج وتقعد فى الجامع وتمسك المصحف وتسيب الدنيا كلها وتبقى تمام. النبى صلى الله عليه وسلم - الحديث الذى رواه البخارى - قال : (( لا يزال قلب الكبير شاباً فى اثنتين فى حب الدنيا وطول الأمل )) ,, يبقى لازم نقف ونراجع حساباتنا أنا عايز أسألك النهاردة هتسيبها إمتى ؟؟ ,, هى إيه؟ ,, هي اللى خطرت على بالك دلوقتى ,, إيه اللى خطر على بالك؟ كل واحد يترجمها بطريقته ,,, * * *

هتسيبها امتى ؟؟

هو ده اللى أنا عايز أسأله ,, مفيش يوم إلا وتلاقى حوادث عربيات وموت الفجأه والكلام ده ,, موقفتش ليه عند الحدث ده وبدأت تراجع حساباتك؟ وتقول طب ده شباب و عشرين سنة. مش لازم يعنى عنده ستين سبعين سنة عشان تحصله الحاجات دى ,, * *

*

هتسيبها إمتى ؟؟

والله الذى لا إله غيره إن الغافل يعيش كده ويموت كده ويلقى الله كده ربنا سبحانه وتعالى يقول:

{ وَأَنذِرْهُمْ يَوْمَ الْحَسْرَةِ إِذْ قُضِيَ الْأَمْرُ وَهُمْ فِي غَفْلَةٍ وَهُمْ لَا يُؤْمِنُونَ } [ مريم/39]

إِذْ قُضِيَ الْأَمْرُ : خلاص الدنيا انتهت، خلاص كله اتحسر، وكله بدأ يعرف قد إيه فاته يوم ما بعد عن ربنا ,, قضى الأمر :المسأله انتهت، والله خلاص يا جماعة بعثنا من القبور هذا هو يوم القيامة ,,
وَهُمْ فِي غَفْلَةٍ : هم فى غفلة، أصله عاشها كده، ومن عاش على شىء مات عليه، ومن مات على شىء بعث عليه، ,, عاشها غافل فمات غافل ولما مات غافل بعث وهو غافل فطلع من القبر يقول: إيه ده؟ أنا حصلى حاجة؟ أنا فاقد الذاكرة ولا إيه؟ لالالا إيه ده؟ إيه الناس دى؟,, الناس دى عاملة كده ليه!! أنا كنت فى غيبوبة !! إيه الموضوع؟؟!!
*
*
*

قلنا هناخد طريق التوبة خطوة بخطوة ,,

أولاً : إحساسك بالخطر ,, يتولد عنه وقفة مع النفس، الوقفة دى مهمة قوى هتبدأ تعاتب نفسك ,, لغاية إمتى ؟؟!! لحد إمتى ؟؟!! إلحق بقى ,, والله لو جه المعنى ده كل يوم كده شوية فى قلبك، هتلاقى نفسك بتوفق للعمل الصالح والتوبة ,,, ساعات الواحد يحس لما يسمع الحاجات دى، تيجى عليك لحظات بتبقى أحلى لحظات الإيمان على الواحد لما تحس إن إنت خلاص ,,
ثانياً : الصدق والإخلاص ، وتبقى هى دى المرحلة الثانية؛ تعرف إنت إيه ,, تعرف نفسك إيه ,, فلما تذمها فى الله وتعرف حقيقة النفس، يبتدى الأمر ياخد المرحلة التانية ,, خلاص كده وقفنا ,, ندمنا ,, عرفنا الخطر اللى احنا عليه ,, ناخد الخطوة التالية ,, إنك تعرفه هو ، مهم قوى تشيل كل الرواسب اللي في قلبك ,,, وتحط بدلها ,, هو مين ؟؟ يلا يا شباب هو مين فى قلبك ؟؟؟ تعرف عنه إيه ؟؟ بجد ,,, يعنى لما تحب كده تدعوه أول حاجة تطلع من قلبك يارب يا (( يا غفور )) عشان أنا عامل معاصى تقيلة قوى، وخايف والله يارب أقابلك بيها، فيارب يا غفور يا غفار ياللى بتغفر الذنوب الكبيرة والكثيرة اغفر لى يارب. اغفر لى. وتعرفه بإيه كمان؟ (( كريم قوى )) لأ، ده مش كريم، اسمه الأكرم مش كريم بس، ده أكرم من كل ما تتصور سمى نفسه الأعلى ليكون أعلى من كل ما تتصور فى صفات الجمال والجلال ,, عارف يعنى إيه؟ ,, يعنى إنت متصور إن ربنا يرحمك ,, يرحمك إزاى؟ هيغفر الذنب ده؟ ,, لالالالا أعلى ,, وده؟ لأ، أعلى ,,, ربنا هيكرمنا إن شاء الله بكرم عظيم جداً، ده هيدخلنا الجنة إن شاء الله كذا وكذا ,,, أعلى

رابعاً : صحبه ،، هااا أيه أخبار شلة الأنس ؟؟؟

خامساً : حبّ القرآن ،، مهم إنك ترتبط قوى قوى قوى بالقــــرآن. هيبتدى القرآن يطهر قلبك وتستشفى بيه، يغير حاجات فيك، ويثبتك على الطريق لأنه ده أعظم الذكر ,,, الذكر على لسانك كتييير اللى بيذكره يقوله دى علامة المحب. الواحد لما بيحب حد بيبقى كل شوية بيتكلم عنه، فلو إنت بتحب بجد هييجى على لسانك كتييير، يبقى لازم كثرة الذكر عشان تأمن على الطاعه ,,,

*
*
*

لازم يبقى فى منهج ,, المنهج ده هيبقى إيه ؟؟؟ ,, إن أنا لازم كل يوم أسأل نفسى سؤال واحد مش عايز أكتر من كده عشان أظبط يومى ,,, إيه السؤال اللى أنا هأسأله كل يوم؟

راضي يااااااااااااارب ؟؟

*
*
*
هااا

هتسيبها امتى بقى ؟؟؟؟؟؟

[هدايه]

[om_islam]

بسم الله الرحمن الرحيم .. وبه نستعين ،،




مش عارف اتغير



"عايز أتوب ومش قادر ، المدمن على أى ذنب من الذنوب ولا يستطيع أن يتركه "



غالب الناس يقول "نفسى أكون كويس" ، تجدنى أخذ الخطوة وأسير قليلا ثم أرجع ثانية لما كنت أقع فيه من ذنوب ومعاصى،،، ناس تقول والله لقد تعبنا مع أنفسنا، هناك أناس تقول "أنا أناجى الله ويمكن دموعى تظل على خدى طول الليل وعندما أصبح أعود مرة ثانية الى مألوفاتى وعاداتى وأرجع تانى ولا أتغير".



أكيد ان مسألة التغيير مسألة فى غاية الأهمية

"مش عارف، يئست من نفسى، عملت محاولات كثيرة جدا وسمعت دروس لا يوجد أكثر من ذلك ومش عارف أتغير، أين هى المشكلة؟ أنا ليه مش عارف أتغير؟ أين مكمن الداء؟ دلنى وقول لى أنا عايز أتغير ولكن مش عارف أتغير".



*

*

*

كلنا ذاك الرجل ............... " مش عارف أتغير "

وعلشان كده دا موضوع حلقتنا النهارده ، مش عارفين نتغير ليه ، طيب ازاي نتغير ، وخطواتنا العمليه لذلك ،والله المستعان

*

*

*
بعد صلاة الجمعه .. في أحد المساجد
جلس محمد ينتظر صديقه في الله عبد الله

دخل عبد الله المسجد ، وأخذ يبحث عن محمد بعينه ، وما أن رآه حتى ابتسم له وأشار إليه أنه سيصلي تحية المسجد ثم يأتيه ،

صلى عبد الله وذهب مسرعاً لمحمد يحتضنه ويطمئن عليه


عبد الله : أخبارك أيه يا محمد ؟

محمد - حزيناً - : الحمد لله .. الحمد لله رب العالمين

عبد الله : مالك ؟؟ شكلك مش عاجبني

محمد : تعبت ، تعبت يا عبد الله ، تعبت ومش قادر أتغير

عبد الله : طيب في الأول صلي على النبي

محمد : اللهم صلي وسلم وبارك على النبي محمد وآله وصحبه

عبد الله : قولي بقى مش قادر تتغير ، ولّا مش عارف تتغير

محمد : وإيه الفرق؟ المهم أن مفيش تغيير حقيقي حصل ، حاسس بحاجة واقفة بيني وبين ربنا

عبد الله : يبقى في ذنب

محمد : قول ذنوب

عبد الله : مادام حاجة واقفة بينك وبينه ، يبقى في ذنب بعينه واقف بينك وبينه ، ذنب أنت عارفه ، ذنب مينفعش تقرب منه وأنت متعلق بالذنب دا

محمد : بصي يا سيدي ، ومن غير خجل وحياء منك ، الذنب هو

( قاطعه عبد الله ) : لأ ، أنا مش عاوز أعرف الذنب ، إن الله حليم ستير
المهم أنت تعرف الذنب

محمد : منا عارفُه كويس ، عارفُه كويس والله

عبد الله : خلينا نتكلم خطوه خطوه ،ونقول العوائق اللى مش عارفين نتغير بسببها :

أولا : إنك مش عاوز تتغير

محمد : إيه !!؟!!

عبد الله : اصبر عليا بس ، أنت مش عاوز تتغير بجد ، قلبك كله مش متابعك في قرار التغيير ، لسه في حته من قلبك متعلقه بالذنب دا ، حته ماسكه في الذنب أوي

ثانياً : عندك مبررات كتيره أوي للذنب دا ، يعني أصل أن بعمله غصب عني ، اصلي مضطر ، أصلي البيئه اللي حوليا ( يعني دايما بتجيب الذنب على أي شيء وأي حد إلا نفسك )

ثالثا: الفهم الخاطىء ، إننا اتربينا مش أن ربنا الأول في حياتنا ، اتربينا والدين صلاه وصيام فقط ، مش أن كل نفس يكون لله ، هذا الفهم الخاطىء بيتقل أقدامنا في الخطوات التغيرية

رابعاً : هدفك المشوّش والنية اللى مش تمام ، أنت عاوز تتغير ليه؟ إيه هدفك؟ محتاج تتغير في إيه ثم إيه ثم إيه؟ أنت عاوز 100 حاجه في وقت واحد ، عاوز تحفظ القرآن وتطلب العلم ، وتحسن الخلق وتكون وتكون وتكون ، تايه بين كل أهدافك

خامساً : البيئه المثبط ، يا محمد أنت دافن نفسك وسط أصدقائك ، وأصدقائك مش وحشين ، بس مش هم دول اللي هيخدوك للجنة ، ولو في البداية

سادساً : التسويف والتردد ، بتقول هبطل الذنب ، بس بكره ، بعده ، هتغير ، لا انا مقدرش على الطريق دا ، بكره بكره بكره


محمد : كفايه يا عبد الله ، أنا حاسس أنك بتتكلم عني انا ، حاسس انك بتقول كل حاجه جوايا ،

عبد الله : طيب إيه رأيك أنا هقولك معادلة التغيير

( رغبه + معرفة + ممارسه + استمرار ) = تـغـيـيــــر

(1) رغبه : لازم يكون عند رغبه للتغيّر ، رغبه صادقه ، أنت عارف حالك وانت بعيد عن ربنا قد ايه صعبه ، يبقى عندك رغبه تتغير علشان تحس بطعم الايمان ، تحس بالجنه في الأرض ، تحس بالقرب والرضا ، فأول حاجه رغبه صادقه تولد همة

(2) معرفه : مينفعش يكون عندي رغبه وبس ، لكن لازم أكمل المعادله علشان أوصل ، لازم يكون عندك معرفه إزاي تتغير، وازاي تتغير : حدد هدفك ، وضع خطه عمليه للوصول للهدف ، وأبدأ التنفيذ مع الاستمرار ، وانا ههديك شريط جميل اوي فيه كل شيء بالتفصيل

(3) ممارسه : الرغبه والمعرفه هتولد عندك الممارسه التي تُثبت صدقك وتقدمك في الطريق الى الله

(4) الاستمرار : ودي من أهم الخطوات ، وعلشان تستمر لازم يكون عندك صحبه صالحه ، ومحفزات للاستمرار زي درس علم مثلاً وهكذا


محمد : جزاك الله خيرا يا عبد الله ، مش عارف اقولك ايه؟

عبد الله : جزانا وإياك يا محمد ، أني أحبك في الله

وأنا عارف أنك مشوش من الكلام كده ، ودا الشريط اللي قولتلك عليه ، كنت عامل حسابي انك هتحتاجه ، خذه واسمعه وبالورقه والقلم حدد خطواتك وقراراتك واستعن بالله ولا تعجز



من أجمل ما سمعت



مش عارف اتغيّر

Downloadللتحميل


محمد : بإذن المولى

عبد الله : أيه رأيك بقى كل واحد مننا يقعد يعمل ورد أذكار طيب كده

محمد : ماشي ، أيه رأيك في 5000 إستغفار

عبد الله : اتفقنا ، { وفي ذلك فليتنافس المتنافسون }
واستغفر بنية تطهير قلبك واستنزال الرحمات من رب الأرض والسموات

محمد : استغفر الله واتوب اليه

*
*
*


لحد امتى هتفضل مش عارف تتغير
ومستسلم لحالك ولذنوبك
الطريق أمامك ... فمتى ستسير ومتى ستصل


( رغبه + معرفة + ممارسه + استمرار ) = تـغـيـيــــر


إن شاء الله ......... أنا { عارف أتغير }


ـــــــــــــــــــ