يا محلى اللمة عند ام سامي / ج 2/

[حوريــة الجنــة]

المشاركة الأصلية كتبت بواسطة ام سامي

يا هلا وغلا بالحلوين انا كمان معي 5 دقائق وبنتهي الوقت المخصص لي من ابني
لا تصدقوا بمزح معكم
ورد انا دائما موجوده وامبارح دخلت اللمه وحكيت لكم قصه حلوه
لكن مستغربه من حوريه الجنه اذا نجحت بتبكي واذا زعلت بتبكي ذكرتني بحالي كان لما حدا يسافر من اهلي يروح ويرجع وانا ببكي مع اني كنت دائما اضحك كل الموجودين ويسيروا يحلفوني بالله اني اسكت لاني كنت احكي لهم 100 نكته بالدقيقه ولكن عند الامتحانات ما كان حدا يعرفني اختفي ولما حدا عزيز علي يسافر يرجع وانا ابكي وهذا حال حوريه
عارفه يا ورد مشكلتي وين؟
اني بتعلق بالناس اللي بحبهم وبخلص لهم

أنا كل يوم ببكي وكل حين
كثير حساسة ورقيقة وما بتحمل
ومثلك تماماً لمن بحب حدا بحبه بصدق
وأكيد أنا بعتبر هاي مشكلة كبيرة كمان
لأنه مو كل الناس بتستحق هذا الحب الصادق
الله يحفظك الام الغالية أم سامي

[حوريــة الجنــة]

المشاركة الأصلية كتبت بواسطة ورد جوري

يسعدك الله ياخالتو
تعرفي مشتاقتلك كتير والله


حورية رقيقة وحساسة لهيك دمعتها صايرة رفيقتها
خالتو ام سامي اخلاصك للناس مش مشكلة وانما خيانة المقابل وغدره هو المشكلة
لهيك لازمك شوية قسوة قلب , صحيح الامر صعب
بس حالنا يكون اصعب لما ننصدم بحقيقة حدا منحترمو كتير
وفجأة بيطلع ولا شي
الله يبعد عنك الخونة والغدارين

كييفك حبيبتي ورد جوري أشتقتلك كثير
والله انتي تقيميك صح إلي
هيك عرفتي لحالك إني حساسة كثير
الله يحفظك ويبارك فيكي ادعولى
يصير قلبي يتحمل وما يضله رقيق

[نمضي كـ حلم]

المشاركة الأصلية كتبت بواسطة * دموع الورد *

السلام عليكم كيفكم جميعا
كيفك اختى ارجو رحماك يا الله

الحمد لله بخيير وانتي غاليتي

[نمضي كـ حلم]

المشاركة الأصلية كتبت بواسطة لمسة ملاك

السلام عليكم جميعاً
اشتئتلكم كتير كتير
حبيت ادخل اسلم عليكم قبل خروجي
لاتنسوني من دعواتكم
أحبكم جميعاً في الله

اختي ارجو رحماك عوداً حميداً اسعدتني رسالتك كتير
ولكن مو قادرة ارد عليها من العجلة
انتهت الخمسة دقائق اللي سمحلي فيهم زوجي بالجلوس
ولكن لما برجع رح اخبركم بسر كبيييير عن اخوكم هدي الصحابة

لاتنسوني من دعواتكم

استودعكم

اهلا بملاك


الله يديم عليك الفرحة يا غالية
المهم الرسالة وصلت

[نمضي كـ حلم]

المشاركة الأصلية كتبت بواسطة ام سامي

عارقه يا ورد والحديث لجميع الموجودين
عمري ما حكيت لحدا عند الفراق سامحني لاني ما بذكر اني عمري أذيت حدا كان له دور بحياتي"اي قدم لي خدمه"شو ما كان حجمها كنت اشوفها كبيره وكنت وما زلت ادعو له العمر كله
وهنا بالملتقى ادعو للجميع لان لكل منكم فضل علي حتى لو كان في موضوع نزله او رد اعجبني او دعاء حفظته منه او شعر اراحني او فقط لانه احترمني او صدقني
اضرب لكم مثل
ابو الشيماء
ورد جوري
بشير المحمدي
نور
ملاك
راغبه
امه الله
الابله ناديا
المعتصمه وما ادراك ما المعتصمه
ارجو رحماك يا الله
ام اسراء
القلب الحزين
وراحلين
وبقيه الاعضاء
من مذكرات ام سامي

الله يبارك فيك خالتوا يا صاحبة القلب الطيب
وانا كمان بدعي لكل من في ملتقى الششفاء
يا رب تديم اخوتنا في الله

سيدوم حب .. قد حواه القلب .. عن صدق ودين ..
.. ونظلّ نذكر بعضنا ..
.. بدعائنا عبر السنين ..

[راغبة في رضا الله]

مساء الخير
كيف حال الجميع
ام سامي اشتقتلك كتير والله واشتقت للجميع
شو القصة مافي حدا اليوم هيك برجع ما بلاقي حدا
يارب تكونوا بخير ويارب التقيكم جميعا اليوم
وبعدين مبين ناشفة القصة لا اكل ولاشرب ولا ورد ولا ياسمين
يلا ان شاء الله يرجعوا كل الغايبين وترجع البسمة للجميع وبحب شارككم بهالابيات اللي انشدها المنشد ياسر ابو عمار كنت اسمعها على قناة الناس والحقيقة بحثت عنها على النت بس ماوجدتها فقط الابيات موجودة بس الانشودة مالقيتها
وهذه الابيات هي للزمخشري المفسر

قرب الرحيل إلى ديار الآخرة
فاجعل إلهي خير عمري آخره

فلئن رحمت فأنت أكرم راحمٍ
وبحار جودك يا إلهي زاخرة

آنس مبيتي في القبور ووحدتي
وارحم عظامي حين تبقى ناخرة

فأنا المسيكين الذي أيامه
ولّت بأوزار غدت متواترة

وتوله باللطف عند مآله
يا مالك الملك ورب الآخرة

[* لمسة حنان *]

له له له له له له له له له له له

امممممممممممممممم
طب وانا لمتي بقت مهجورة بقيت وحيدة هناك
الله يسامحكم

[* لمسة حنان *]

راح اطير من الفرحة عشان رجعت

[* لمسة حنان *]

انا رايحة اصلي هلا باي

[ورد جوري]

المشاركة الأصلية كتبت بواسطة أبلة ناديا

ورد
أنا هنا غاليتي أنا أيضا مشغولة بتحضير الامتحانات
كل طالبات وطلاب الشفاء
بل وكل الطلاب المسلمين

وفقكم الله وكلل جهودكم بالنجاح

خالتي الحبيبة
نادية
سعيدة برؤية اسمك
بارك الله في وقتك وعمرك وعملك
احبكِ كثيرا في الله

المشاركة الأصلية كتبت بواسطة لمسة ملاك

السلام عليكم

ماأحلاكم ولو تعرفو أديش بحبكم وبفرح بكلامكم لما بسمعه وبشعر بسعادة ونشاط وبنسى كل الهموم والتعب وبسير متل الاطفال بدي ادخل واشارككم الكلام
لما زوجي بحكيلي عنكم شو كتبتو عني
أنا كتير بحبكم وعم احكيلكم اللي بألبي وبتلقائية وعلى السريع بكتب كلشي بتخاطر بقلبي ووالله اني احبكم في الله جميعا لأنكم صادقين وطيبين
كلامكم صادق ودعواتكم صادقة وحاسة اني بخير وافضل من وقت مادخلت العصر او الظهر نسيت متى دخلت اليوم المهم اني دخلت وشاركتكم وعملت جولة سريعة على اجمل مكانين هنا وهمساتي
كنت بدي احكي لأختي عزتي حجابي انه انا من لما خرجت ماكلمت اختي راغبة
وتوقعت انها موجودة بينكم ممكن لأنها ترقت مشغولة اكيد بالمهمة الجديدة
المهم يارب تكون بخير سامحيني ماقدرت اكتب لك رد لأنو دخولي سريع والرسائل ممتلئة من عام 2009
في رسائل بتحمل روابط مواضيع اختي الفراشة المتألقة المهمة ولهيك مابقدر احذف شي حتى ارد وبتطر ارد على العام
وقبل خروجي رح ادعي لكل الطلاب بالنجاح
ولاتنسو اختكم ملايكيكا من دعواتكم ياطلاب الهندستيكا

اكيد عرفو حالهم

وعليكم السلام ورحمة الله وبركاته
هلا هلا ملاكيكا
طلاب الهندسة مش ناسين حد حلوتي
وكمان همه بحاجة لدعواتك الطيبة في ظهر الغيب

الله يسعدك اختي

المشاركة الأصلية كتبت بواسطة حوريــة الجنــة

كييفك حبيبتي ورد جوري أشتقتلك كثير
والله انتي تقيميك صح إلي
هيك عرفتي لحالك إني حساسة كثير
الله يحفظك ويبارك فيكي ادعولى
يصير قلبي يتحمل وما يضله رقيق

احم احم
تقييمي صح شو لكن انا بفهم بلغة العيون
عفوا اقصد لغة الحروف والكتابة
حبيبتي حورية الجنة
ربي يسعد قلبك برضاه ويبعد عنك الهموم والاحزان والمتاعب