ما الحل السليم مع الإثنين؟

[ورد جوري]

ياروحي انت يا لجين

ما بنساك من الدعاء ياغالية
هيك ربنا كاتب والحمد لله انو زوجك حنون وطاير فيك
هاي نعمة كبيرة ياعمري انتِ
لو كان قاسي كنت تعذبتي كتير
بس هيك ربنا بيحبك وجمع قلبك وقلبه بالمحبة والسكينة
والاهل اولا واخيرا بدك تتركيهم هيك سنة الحياة
..
بكمل حديثي معك هنيك
ربي يسعد قلبك ويجبر كسرك

[الفراشة المتألقة]

المشاركة الأصلية كتبت بواسطة ورد جوري

ورد جوري

ياروحي انت يا لجين


ما بنساك من الدعاء ياغالية
يسلملي قلبك السكر يا عمري أنا
هيك ربنا كاتب
الحمدلله
والحمد لله انو زوجك حنون وطاير فيك
هاي نعمة كبيرة ياعمري انتِ
لو كان قاسي كنت تعذبتي كتير
بس هيك ربنا بيحبك وجمع قلبك وقلبه بالمحبة والسكينة
مزبوط كلامك ، كتير بضلني فكّر:
لو رجل غيره محله شو كان مصيري ..!!
ع كتر البكا يلي بكيته ، ولساتي عم ببكي ، بلاقيه حدّي يهوّن ويخفف وما بتركني إلا والضحكة ع وجهي .. الحمدلله.

بيحكيلي: هاد طبيعي لحد سنتين لقدام حتى تبلشي تتعودي ، يمكن بعد 5 سنين أو 7 سنين تبدأ الدموع تجف وتلتهي مع الدنيا.
إنتِ مع رجل غريب عنك مو متعودة عليه + بلد غريبة ما بتعرفي حد فيها + بيت غريب غير البيت الي بتعرفيه .. طبيعي البكا والدموع .
كلها أشياء كبيرة ، كل وحدة لوحدها بتبكي منها كل عروس جديدة ، وإنتِ بتعيشيهم سوا مع بعض بوقت واحد .

معلش تكون دموع أقدر أمحيها ، أحسن من مرض يتعبك ويفجعني عليكِ.

والاهل اولا واخيرا بدك تتركيهم هيك سنة الحياة
مزبوط
ربنا خلقنا وعارف ضعف كل واحد فينا ، عم يرزق كل واحد بالشي الي بناسب حالته حتى يعيش .. الحمدلله .
ع قد ما كنت برفض أي رجل بدو ياني روح لمكان بعيد عن أهلي لأني بعرف إنه هاي نقطة ضعفي ، لكن ربنا عوض البُعْد ومرارته بطيبة زوجي وتحمله لدموعي .. الحمدلله.
الله بعين ويجعلنا رافعين راس أهالينا
..
بكمل حديثي معك هنيك
ههههه اي تشرفي .. أهلا وسهلا

ربي يسعد قلبك ويجبر كسرك
آمين يارب .. أنا وانت وكل من نحب ومن يحبنا يارب العالمين.
نورتي يا قمرة