سرقه البوك والجوال + شعره تخرج من فمي .. فسر لي ياشيخ جزيت الجنه ..

[اخت من طاع الله]

استاذي وشيخي الفاضل ..
حلمين شفتهم بيوم واحد ومابينهم اي صله !
ومافكرت بشي منها ابدا

عمري : 25 سنه .. عزباء .. الحاله الدينيه: ملتزمه ان شاء الله

الحلم الاول : صحيت منه على اقامه صلاة الفجر صليت وجلست افكر فيه كثيير ونمت ولما نمت شفت الحلم الثاني ..
الحلم الثاني : وقت الضحى ..
وقت الحلمين : قبل شهر تقريبا


الحلم الاول : ( بحاول اختصر كد مااقدر)
كنا كأننا طالعين انا واهلي من الحرم يعني ماشفت الحرم بس كأننا طالعين من الساحه وركبنا سيارتنا ( تختلف عن سيارتنا بالحقيقه) كانت فان (هي بالحقيقه سياره لاحد اقربائي)
ركبنا وكنا كثار مره بالسياره وجالسنا بعدين وقفنا شوي ونزل ابوي وكانه انفتح باب السياره وصار فيه هووشه قريبه مننا وحنا نناظرهم بعدين اجتمعوا الناس قريب منا
وفيه ولدين حاولوا يسرقون منا اغراضنا وتهاوشنا معهم وطردناهم ..
واحد كان يبي يسرق شنطتي بس مسكتها قوه ونزل وكان يقول باخذهاا تشوفين وكنت اقوله تتعب تتعب ! بهاللفظ .. يعني تتعب عشان تاخذها
بعدين جاء ابوي ومشينا ووقفنا عشان شي ونزلنا كلنا واحنا راجعين تذكرت شنطتي
ورحت بسرعه اتطمن عليها ولقيتها مفتوحه ومسروق البوك والجوال !!
تضاااايقت انا كثيييييييير وانقهرت بالحلم كنت اقول بنفسي سرقها يعني ..لكن والله مااخليه .. نزلت ادوره مافي اثر !
ورجعت انا وامي متجهين للسياره وكنت اقول بحزن يمه ابي بوكي وجوالي .. قالت وش فيه : قلت بالبوك فيه 900 وصرافتي قالت فيه 90 الف اها ؟؟!! كانها سمعتني غلط اومدري
وركبنا السياره واول ماجلست ورفعت عيني كان باب السياره مفتوح وشفت ولد صغير ابيض عمره يمكن 8 او 9 سنوات معه بوكي بيده وبوسط البوك الجوال ( يختلف عن جوالي الحقيقي شكله كان نفس جوال ابوي )
رحت بسسسرعه وبخفيه من ورااه واخذت البوك والجوال بقوه واقوله : حقي بوكي ..
هو كان مايدري عن شي كأنه احد معطيه اياه عشان يمسكه وحاول ياخذه وماقدر
ورجعت امشي بروح لسيارتنا وانا فرحااانه كنت اتحمد الله واناظر البوك مانقص منه شي والجوال طلعته وضغته طلعت لي عباره( هل تريد تخزين الرسائل على الرقم الجديد وكان مكتوب فيه رقم اذكر منه ( 10077) كنت اقول بنفسي بعد مغير الشريحه .. وركبت السياره وانتهى الحلم ..
آآآســــــــــــــفه جدااا على الاطاله .. بس لازم اكتب الحلم كامل ..




الحلم الثاني : قصير جداا

كنت كأني جالسه وعندي احد قريب مني لكن مااذكر من هو
فجأه حسيت شي بحلقي وفتحت فمي وطلعت شعره وحده سوداء وكنت اسحبهاا وتمشي معي طوييييييله واسحب واسحب وانا مستغربه مره كل هذي جوا جسمي .. واسحب
كنت اسأل نفسي كم طولها مترين ؟ او 3 او 8 ..
ماكنت احس بألم ولاشي كانت تطلع بسهوووله .. لين طلعت كلها
وانتهى الحلم ..



جزاك الله ياشيخ واسكنك الجنه .. انتظرك

[محمود الليثي]

كيف هو حالك مع الله

[اخت من طاع الله]

مادري وش اقول .. حنا نعمل ياشيخ ولاندري هل يقبل او لا ..
محافظه ع الصلاة واحاول ان لااتعدى حدود الله .. مااسمع اغاني ولااحب التلفاز
اجاهد نفسي على قيام الليل لو 3 ركعات .. وكغيري لي ذنوب الله يتوب علي

[اخت من طاع الله]

انتظرك ياشيخ
جزيت خيراً

[محمود الليثي]

بالنسبة للذنوب فكلنا مذنبين
فزمن العصمة انتهى بوفاة سيد الخق سيدنا وحبيبنا رسول الله صلى الله عليه وسلم
ولكن نسعى لــ نكون من أهل الصلاح ... ونسأل الله أن يغفر لنا زلاتنا
إنه ولي ذلك والقادر عليه

الرؤيا الأولـــى .. إن صدقـــت :-

فإن الله سوف يزيد من إيمانك ... حتى تدافعين عن الديـن قدر استطاعتك إن شاء الله


وفقك الله تعالــــــــــــى

[اخت من طاع الله]

جزاك الله خير اللهم اجعلني كذلك

والرؤيا الثانية ؟؟

[رافع الراية]

الرؤيا الثانية:

سحر له عمر أشهر أكلتيه لكنه سيخرج بسهولة مع الرقيه الشرعية

والله أعلم

[اخت من طاع الله]

لكني ياشيخ لااحس باي اعراض سحر الحمدلله
هل لك ان تفيدني اكثر ؟ انا لاارقي نفسي لكن بدأت احرص ع قراءه الورد من اشهر تقريبا


جزيت الجنه والفردوس الاعلى فيها .. امين *

[سامية الحرف]

طيب أختي جربي رقية السحر وشوفي يمكن تظهر لك أعراض

الله يشفيك ويسلمك وأعتذر عالمداخلة

بالتوفيق

[اخت من طاع الله]

جزاك الله خير اختي ..
لكن حياتي مستقره الحمدلله ولااعراض للسحر
ارجو رد الشيخ